സി.ബി.എസ്.ഇ അത്‌ലറ്റിക് മീറ്റിന് നാളെ തുടക്കം

കോഴിക്കോട് : സി.ബി. എസ്. ഇ ക്ലസ്റ്റർ - 10 അത്‌ലറ്റിക് മീറ്റ് നാളെ തുടക്കം . രണ്ട് ദിവസങ്ങളിലായി കാലിക്കറ്റ് സർവകലാശാല സി.എച്ച് മുഹമ്മദ് കോയ സിന്തറ്റിക് ട്രാക്കിൽ നടക്കുന്ന മത്സരത്തിൽ ഏഴ് ജില്ലകളിൽ നിന്നായി മത്സരാർത്ഥികൾ പങ്കെടുക്കും. രാവിലെ 9ന് അബ്ദുൽ ഹമീദ് എം. എൽ. എ ഉദ്ഘാടനം ചെയ്യും. മലപ്പുറം സഹോദയ പ്രസിഡന്റ് കെ.ഉണ്ണികൃഷ്ണൻ അദ്ധ്യക്ഷത വഹിക്കും. വിജയികൾക്ക് കേന്ദ്ര യുവജന -സ്പോർട്സ് മന്ത്രാലയത്തിന്റെ അംഗീകാരമുള്ള സർടിഫിക്കറ്റുകളും മെഡലുകൾ ലഭിക്കും. 18ന് നടക്കുന്ന സമാപന സമ്മേളനം കോഴിക്കോട് സർവകലാശാല വൈസ് ചാൻസലർ എം. കെ ജയരാജ്‌ ഉദ്ഘാടനം ചെയ്യും. സി. ബി. എസ്. ഇ റീജിയണൽ ഡയറക്ടർ മഹേഷ് ഡി ദർമ്മാധികാരി മുഖ്യാതിഥിയാകും. പ്രോഗ്രാം കമ്മിറ്റി ചെയർമാൻ എം.അബ്ദുൽ നാസർ, ജനറൽ കൺവീനർ എം.ജൗഹർ, മലപ്പുറം സഹോദയ ജനറൽ സെക്രട്ടറി പി. ഹരിദാസ്, മലപ്പുറം ജില്ലാ അത്‌ലറ്റിക് അസോസിയേഷൻ വൈസ് പ്രെസിഡന്റ് ഷാഫി അമ്മായത്ത് തുടങ്ങിയവർ വാർത്താസമ്മേളനത്തിൽ പങ്കെടുത്തു.