തൃശൂർ: കുപ്രസിദ്ധ ഗുണ്ടാ നേതാവും നിരവധി കേസുകളിൽ പ്രതിയുമായ മാറ്റാംപുറം കുറിച്ചിക്കര കടവി രഞ്ജിത്തിനെ കാപ്പ നിയമപ്രകാരം ഒരു വർഷത്തേക്ക് കരുതൽ തടങ്കലിൽ വച്ച ഉത്തരവ് ശരിവച്ച് സർക്കാർ. കടവി രഞ്ജിത്തിനെ ഒരു വർഷത്തേക്ക് കരുതൽ തടങ്കലിൽ പാർപ്പിക്കുന്നതിന് ഇക്കഴിഞ്ഞ സെപ്തംബർ ആറിനാണ് തൃശൂർ സിറ്റി കമ്മിഷണറുടെ ശുപാർശ പ്രകാരം കളക്ടർ ഉത്തരവ് പുറപ്പെടുവിച്ചത്.
പിറ്റേന്നുതന്നെ ഇയാളെ അറസ്റ്റുചെയ്ത് ജയിലിലടച്ചു. ഈ ഉത്തരവിനെതിരെ ഇയാൾ കാപ്പ അഡ്വൈസറി കമ്മിറ്റി മുമ്പാകെ അപ്പീൽ സമർപ്പിച്ചിരുന്നു. അപ്പീൽ തള്ളിയതിനെത്തുടർന്ന് സർക്കാരിനെ സമീപിക്കുകയും അതേത്തുടർന്നാണ് കരുതൽ തടങ്കൽ ശരിവച്ച് സംസ്ഥാന ആഭ്യന്തരവകുപ്പ് ഉത്തരവ് പുറപ്പെടുവിച്ചത്.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |