ഓപ്പറേഷൻ സിന്ദൂറിൽ പാകിസ്ഥാന് ചൈനാ സഹായം: അപലപിച്ച് ഇന്ത്യ

ന്യൂഡൽഹി: ഓപ്പറേഷൻ സിന്ദൂറിൽ പാകിസ്ഥാന് ചെെന സാങ്കേതിക സഹായം നൽകിയെന്ന വെളിപ്പെടുത്തൽ ചൈനയുടെ ആഗോള പ്രതിഛായ നശിപ്പിക്കുമെന്ന് വിദേശകാര്യ മന്ത്രാലയം. ഭീകരതയെ പിന്തുണയ്‌ക്കുന്നത് ഉത്തരവാദിത്വമുള്ള രാജ്യങ്ങൾക്ക് ചേർന്നതല്ലെന്നും വിദേശകാര്യ മന്ത്രാലയ വക്താവ് രൺധീർ ജയ്‌സ്വാൾ പറഞ്ഞു. പാകിസ്ഥാന് സാങ്കേതിക സഹായം നൽകിയെന്ന ചൈനീസ് മാദ്ധ്യമ റിപ്പോർട്ടുകളോട് പ്രതികരിക്കുകയായിരുന്നു അദ്ദേഹം. പുതിയ റിപ്പോർട്ടുകൾ നേരത്തെ പുറത്തുവന്ന വിവരങ്ങൾ സ്ഥിരീകരിക്കുന്നതാണെന്ന് രൺധീർ പറഞ്ഞു.