മോഹൻ ജോർജുമായി പാർട്ടിക്ക് ബന്ധമില്ല: മോൻസ് ജോസഫ്

കോട്ടയം: നിലമ്പൂരിലെ ബി.ജെ.പി സ്ഥാനാർത്ഥി അഡ്വ.മോഹൻ ജോർജുമായി കേരള കോൺഗ്രസ് പാർട്ടിയ്ക്ക് ബന്ധമില്ലെന്ന് എക്സിക്യുട്ടീവ് ചെയർമാൻ മോൻസ് ജോസഫ്. കേരള കോൺഗ്രസ് (എം)​,​കേരള കോൺഗ്രസ് (ബി)​,​ജനാധിപത്യ കേരള കോൺഗ്രസ് എന്നിവയിൽ പ്രവർത്തിച്ചിട്ടുള്ള മോഹൻ ജോർജ് കേരള കോൺഗ്രസിൽ അംഗത്വമെടുക്കാൻ ആഗ്രഹം പ്രകടിപ്പിച്ചെങ്കിലും മലപ്പുറം ജില്ലാ കമ്മിറ്റി എതിർത്തു. ചുങ്കത്തറയിൽ നടന്ന പാർട്ടി ക്യാമ്പിന്റെ സമ്മേളന വേദിയിൽ അദ്ദേഹം കയറി ഇരിക്കുകയായിരുന്നു. മര്യാദയുടെ പേരിലാണ് ഇറക്കിവിടാതിരുന്നതെന്നും മോൻസ് പറഞ്ഞു.