പള്ളുരുത്തി : ബ്ലോക്ക് പഞ്ചായത്ത് 2023-24 വാർഷിക പദ്ധതിയിൽ ഉൾപ്പെടുത്തി അങ്കണവാടികൾക്ക് പുസ്തകങ്ങളും ഷെൽഫും വിതരണം ചെയ്തു. പെൺകുട്ടികൾക്കുവേണ്ടിയാണ് പദ്ധതി നടപ്പാക്കിയത്. പള്ളുരുത്തി ബ്ലോക്ക് പഞ്ചായത്ത് പ്രസിഡന്റ് ബേബി തമ്പി വിതരണോദ്ഘാടനം നിർവഹിച്ചു. കുമ്പളം ഗ്രാമപഞ്ചായത്ത് പ്രസിഡന്റ് കെ.എസ്. രാധാകൃഷ്ണൻ അദ്ധ്യക്ഷത വഹിച്ചു. വൈസ് പ്രസിഡന്റ് ജോബി പനക്കൽ, ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ സാബു തോമസ്, ബ്ലോക്ക് പഞ്ചായത്ത് അംഗങ്ങളായ ജോസ് വർക്കി, ഷീബ ജേക്കബ്, പഞ്ചായത്ത് അംഗം സിമി ജോബി, ഡോ. ശില്പ, വി.എം. രമ്യ എന്നിവർ സംസാരിച്ചു.