SignIn
Kerala Kaumudi Online
Wednesday, 13 November 2024 2.33 PM IST

ബമ്പര്‍ ലോട്ടറിയെടുത്തത് 55 ലക്ഷം രൂപയുടെ കടം വീട്ടാന്‍, രമേഷ് കുമാറിനെ തേടിയെത്തിയത്

Increase Font Size Decrease Font Size Print Page
onam-bumber

തൃശൂര്‍: ആകര്‍ഷകമായ സമ്മാനത്തുകയുള്ള ഓണം ബമ്പര്‍ ഒരുപാട് പേരുടെ പ്രതീക്ഷയാണ്. സംസ്ഥാനത്ത് ഇത്തവണ വിറ്റുപോയതാകട്ടെ 72 ലക്ഷത്തില്‍ അധികം ടിക്കറ്റുകള്‍. ഭാഗ്യം ലോട്ടറിയുടെ രൂപത്തിലെത്തുമെന്നും തന്റെ ജീവിതത്തിലെ പ്രശ്‌നങ്ങള്‍ അതോടെ അവസാനിക്കും എന്ന പ്രതീക്ഷയിലുമാണ് തൃശൂര്‍ സ്വദേശി രമേഷ് കുമാര്‍ ഓണം ബമ്പര്‍ ടിക്കറ്റുകളെടുത്തത്. ഒന്നും രണ്ടുമൊന്നുമല്ല 500 രൂപ വിലയുള്ള 40 ടിക്കറ്റുകളാണ് രമേഷ് എടുത്തത്.

ഭാഗ്യദേവതയുടെ കടാക്ഷം ലഭിച്ചില്ലെന്ന് മാത്രമല്ല രമേഷ് കുമാര്‍ വാങ്ങിയ ടിക്കറ്റുകള്‍ മോഷണം പോകുകയും ചെയ്തു. തന്റെ ശമ്പളത്തില്‍ നിന്ന് നല്ലൊരു ശതമാനം ചിലവാക്കിയാണ് രമേഷ് ടിക്കറ്റുകള്‍ വാങ്ങിക്കൂട്ടിയത്. 55 ലക്ഷത്തോളം രൂപയുടെ കടബാധ്യതയ്ക്കു നടുവിലാണ് പുത്തൂര്‍ പൗണ്ട് റോഡ് കരുവാന്‍ രമേഷിന്റെ ജീവിതം. ഇതില്‍ നിന്നും രക്ഷപ്പെടാനുള്ള മാര്‍ഗമായാണ് 20,000 രൂപ മുടക്കി 40 ഓണം ബംബര്‍ ടിക്കറ്റുകള്‍ എടുത്തത്.

രമേഷ് വാങ്ങിയ ടിക്കറ്റുകളില്‍ ഒന്നുപോലും ബാക്കിയില്ലാതെ എല്ലാം മോഷണം പോയി. രമേഷിന്റെ പരാതിയില്‍ പൊലീസ് അന്വേഷണം തുടങ്ങിയിട്ടുണ്ട്. ബന്ധുക്കളുമായി സ്വത്തു തര്‍ക്കമുള്ള രമേഷ് ഒറ്റയ്ക്കാണു താമസിക്കുന്നത്. ലോട്ടറിയടിച്ചാല്‍ കടം വീട്ടാമെന്ന പ്രതീക്ഷയിലാണു ടിക്കറ്റുകള്‍ വാങ്ങിയത്. മോഷ്ടിക്കപ്പെട്ട ടിക്കറ്റുകള്‍ കണ്ടുകിട്ടിയില്ലെങ്കിലോ എന്ന് ഭയന്ന് രമേഷ് കഴിഞ്ഞ ദിവസം 10 ടിക്കറ്റുകള്‍ കൂടി വാങ്ങിയിരുന്നു. മൊത്തം 25,000 രൂപ ഓണം ബമ്പര്‍ ടിക്കറ്റെടുക്കാന്‍ ചെലവാക്കിയെങ്കിലും നഷ്ടത്തിന്റെ കണക്കുകളില്‍ ആ തുകയും ഉള്‍പ്പെട്ട്ത് മാത്രം ബാക്കി.

ഇന്ന് ഉച്ചയ്ക്ക് രണ്ട് മണിക്ക് ഗോര്‍ഖിഭവനില്‍ ധനമന്ത്രി കെ എന്‍ ബാലഗോപാലിന്റെ സാന്നിദ്ധ്യത്തിലാണ് നറുക്കെടുപ്പ് നടന്നത്. ആദ്യ നറുക്കെടുപ്പ് ധനമന്ത്രിയും രണ്ടാം സമ്മാനത്തിനുള്ള ആദ്യ നറുക്കെടുപ്പ് വി കെ പ്രശാന്ത് എം എല്‍ എയും നിര്‍വഹിച്ചു. 25 കോടി രൂപ ഒന്നാം സമ്മാനവും ഒരു കോടി രൂപവീതം 20 പേര്‍ക്ക് രണ്ടാം സമ്മാനവും 50 ലക്ഷം രൂപ മൂന്നാം സമ്മാനവും യഥാക്രമം 5 ലക്ഷവും 2 ലക്ഷവും നാലും അഞ്ചും സമ്മാനങ്ങളായും നല്‍കുന്നുണ്ട്. 12 കോടി രൂപ ഒന്നാം സമ്മാനമുള്ള പൂജാ ബമ്പറിന്റെ പ്രകാശനവും ധനമന്ത്രി നിര്‍വഹിച്ചു.

TAGS: ONAM BUMBER
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ
KERALA KAUMUDI EPAPER
Kaumudi Salt & Pepper
TRENDING IN KERALA
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.