SignIn
Kerala Kaumudi Online
Monday, 06 April 2020 11.18 AM IST

വെടിയുണ്ട കാണാതായ കേസിൽ കടകംപള്ളിയുടെ ഗൺമാൻ പ്രതി

 മൂന്നാം പ്രതിയാണ് സനൽകുമാർ

തിരുവനന്തപുരം: സായുധസേനാ ബറ്റാലിയനിൽ നിന്ന് വെടിയുണ്ടകൾ കാണാതായ കേസിൽ മന്ത്റി കടകംപള്ളി സുരേന്ദ്രന്റെ ഗൺമാൻ സനൽകുമാറിനെ മൂന്നാം പ്രതിയാക്കി 2019 ഏപ്രിൽ മൂന്നിന് പേരൂർക്കട പൊലീസ് കേസ് രജിസ്​റ്റർ ചെയ്തിരുന്നു.

1996 മുതൽ 2018 വരെ എസ്.എ.പി ക്യാമ്പിൽ നിന്ന് വെടിയുണ്ടകൾ കാണാതായെന്ന് മുൻ കമൻഡാന്റ് സേവ്യർ നൽകിയ പരാതിയിലാണ് കേസെടുത്തത്. കേസ് പിന്നീട് ക്രൈംബ്രാഞ്ച് അന്വേഷിച്ചെങ്കിലും കാര്യമായ പുരോഗതിയുണ്ടായില്ല. രജിസ്​റ്ററിൽ സ്​റ്റോക്ക് സംബന്ധിച്ച തെ​റ്റായ വിവരം പ്രതികൾ രേഖപ്പെടുത്തി, വഞ്ചനയിലൂടെ അമിതലാഭം ഉണ്ടാക്കി എന്നിങ്ങനെയുള്ള കുറ്റങ്ങളാണ് എഫ്‌.ഐ.ആറിലുള്ളത്.
ഗോപകുമാർ, അശോക്‌കുമാർ, സതീഷ്‌കുമാർ, അനീഷ്, ലിയിഷൻ, ബെൽരാജ്, വിനോദ്, റെജി, ബാലചന്ദ്രൻ, സുധീഷകുമാർ എന്നിവരാണു പ്രതിപ്പട്ടികയിലുള്ള മറ്റ് പൊലീസുകാർ. എസ്.എ.പി ക്യാമ്പിൽ ഹവിൽദാറായിരുന്ന സനൽകുമാറിനായിരുന്നു വെടിയുണ്ടകളുടെയും മ​റ്റും സുരക്ഷാ ചുമതല.

വെടിയുണ്ടകളുടെ വിവരങ്ങൾ സനൽകുമാർ അടക്കം 11 പൊലീസുകാരും രജിസ്​റ്ററിൽ രേഖപ്പെടുത്തിയില്ല. എ.കെ- 47 തോക്കുകളുടെ തിരകൾ സൂക്ഷിക്കുന്നതിലുൾപ്പെടെ ജാഗ്രതക്കുറവുണ്ടായെന്നും കണ്ടെത്തിയിരുന്നു.

അതേസമയം, ആയുധശേഖരത്തിന്റെ ചുമതലയുള്ള ഉന്നത ഉദ്യോഗസ്ഥരെ ഒഴിവാക്കി രജിസ്​റ്റർ സൂക്ഷിക്കേണ്ട പൊലീസുകാരെ മാത്രം പ്രതികളാക്കിയതിനെതിരെ പൊലീസുകാർക്കിടയിൽ പ്രതിഷേധമുയർന്നിട്ടുണ്ട്.

കു​റ്റം തെളിയാതെ ഗൺമാനെ

മാറ്റില്ല : കടകംപള്ളി

പ്രതിപ്പട്ടികയിലുണ്ടെന്നതിനാൽ ഗൺമാൻ കു​റ്റക്കാരനാവില്ലെന്നും കു​റ്റം തെളിയുന്നതു വരെ സനൽകുമാർ സ്​റ്റാഫിലുണ്ടാകുമെന്നും മന്ത്റി കടകംപള്ളി സുരേന്ദ്രൻ മാദ്ധ്യമ പ്രവർത്തകരോടു പറഞ്ഞു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: BULLET MISSING
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.