പ്രൊഫ. പി.മീരാക്കുട്ടി യുവകവിതാ പുരസ്ക്കാരം ഗവർണർ സമ്മാനിച്ചു

തിരുവനന്തപുരം: പ്രൊഫ. പി.മീരാക്കുട്ടി സ്മാരക സമിതിയുടെ യുവകവിതാ പുരസ്‌ക്കാരം അഭിരാമി എസ്.ആറിന് ഗവർണർ ആരിഫ് മുഹമ്മദ് ഖാൻ സമ്മാനിച്ചു. രാജ്ഭവനിൽ നടന്ന ചടങ്ങിൽ ഡോ. എ.റബി, ഡോ. എഫ്.റജൂല, എം.ഷൈറജ്, പ്രേംകുട്ടൻ എന്നിവർ പങ്കെടുത്തു. പ്രൊഫ. പി മീരാക്കുട്ടിയുടെ നാലാം ചരമ വാർഷികത്തോടനുബന്ധിച്ചാണ് പുരസ്‌ക്കാരം പ്രഖ്യാപിച്ചത്. 35 വയസിൽ താഴെയുള്ള 170 കവികളുടെ 2728 കവിതകളിൽ നിന്നാണ് അഭിരാമിയുടെ കവിതകൾ അവാർഡിനായി തിരഞ്ഞെടുത്തത്.