കൂർമബുദ്ധിയുള്ളവരാണ് ഈ നക്ഷത്രക്കാർ; കണ്ടാൽ പാവമെന്ന് തോന്നുമെങ്കിലും അടുത്താൽ ആരുമൊന്ന് ഭയക്കും

ജ്യോതിഷപ്രകാരം 27 നക്ഷത്രങ്ങളാണുള്ളത്. ഒരു വ്യക്തി ജനിച്ച സമയത്തെ നക്ഷത്രമാണ് ആ വ്യക്തിയുടെ ജന്മനക്ഷത്രം. 360 ഡിഗ്രി വരുന്ന രാശി ചക്രത്തെ 27 ആയി വിഭജിച്ചാൽ ലഭിക്കുന്ന ഒരു ഭാഗമാണ് ഒരു നക്ഷത്രം. ഓരോ മേഖലയിലെയും പ്രധാന നക്ഷത്രത്തിന്റെ പേരാണ് ആ മേഖലയ്ക്ക് നൽകുക. ആ മേഖലയിൽ ചന്ദ്രൻ സഞ്ചരിക്കുന്ന സമയത്തെയാണ് ജന്മനക്ഷത്രമായി കണക്കാക്കുന്നത്. ഉദാഹരണത്തിന് ഒരു വ്യക്തി ജനിക്കുന്ന സമയത്ത് ചന്ദ്രൻ ചോതി നക്ഷത്രത്തിന്റെ മേഖലയിലാണെങ്കിൽ ആ വ്യക്തിയുടെ ജന്മനക്ഷത്രം ചോതി ആയിരിക്കും.

ചന്ദ്രനും നക്ഷത്രങ്ങൾക്കും ജ്യോതിശാസ്ത്രത്തിൽ അതീവ പ്രാധാന്യമാണുള്ളത്. ഒരു വ്യക്തിയുടെ ദശാകാലം നിർണയിക്കുന്നത് ഇതിനെ അടിസ്ഥാനമാക്കിയാണ്. ജനന സമയത്തെ നക്ഷത്ര, ചാന്ദ്ര സ്വഭാവമനുസരിച്ചാണ് ആ വ്യക്തിയുടെ ജീവിതം, മാനസികവും ശാരീരികവുമായ തലങ്ങൾ, യോഗഫലങ്ങൾ, ഭാഗ്യനിർഭാഗ്യങ്ങൾ തുടങ്ങിയവ രൂപപ്പെടുന്നത്.

ഓരോ നക്ഷത്രക്കാർക്കും ഓരോ ഗുണങ്ങളുണ്ട്. ജനന സമയമനുസരിച്ച് ഇതിൽ മാറ്റം വരുമെങ്കിലും പൊതുഫലം എല്ലാവർക്കും ഒരുപോലെയായിരിക്കും. ചില നക്ഷത്രങ്ങളിൽ ജനിക്കുന്നവർ ആരും ഭയക്കുന്ന കൂർമ്മബുദ്ധിയുള്ളവരായിരിക്കും. ഈ നക്ഷത്രക്കാർ ആരൊക്കെയെന്ന് നോക്കാം.

• മകയിരം
• ചോതി
• ഭരണി
• കാർത്തിക
• തിരുവാതിര
• രേവതി
• ചതയം
• പൂരാടം
• പൂരുരുട്ടാതി
• ചിത്തിര