സാമ്പത്തിക ലാഭം, പങ്കാളിയിൽ നിന്ന് നേട്ടങ്ങൾ; നാളെ ഈ നാളുകാരുടെ ജീവിതഗതിയിൽ മാറ്റം

റാംസാഗർ തമ്പുരാൻ, ഫോൺ: 91+8301036352, വാട്സാപ്പ് : 91+7907244210, ഇമെയിൽ: samkhiyarathnam@gmail.com

2026 ആഗസ്റ്റ് 11കർക്കിടകം 26 ചൊവ്വാഴ്ച. രാമായണമാസം ദിനം 26. (9 നാഴിക 37 വിനാഴിക വരെ പുണർതം നക്ഷത്രം ശേഷം പൂയം നക്ഷത്രം) [ത്രയോദശി തിഥി 48 നാഴിക 56 വിനാഴിക വരെ ശേഷം] (രാഹുകാലം 12 മണി മുതൽ 1.30 മണി വരെ)

അശ്വതി: കര്‍മ്മ മേഖലയില്‍ അനിശ്ചിതത്വം, സുഹൃത്തുക്കളുമായി അകലാതിരിക്കാന്‍ ശ്രദ്ധിക്കണം. ജീവിത പങ്കാളിയോടുള്ള സ്നേഹം പ്രകടിപ്പിക്കാൻ കഴിയില്ല. കടമകള്‍ നിറവേറ്റുന്നതിനു കഠിനമായ പരിശ്രമം വേണ്ടിവരും.

ഭരണി: കുടുംബാംഗങ്ങളുമായി രമ്യതയില്‍ വേണം ഇടപെടാന്‍, മടിയും അലസതയും ഉണ്ടാകും. പണനഷ്ടവും കട ബാധ്യതയും ഉണ്ടാവാൻ സാദ്ധ്യത. ഔദ്യോഗിക തിരക്കുകൾ മനോനിലയെ ബാധിക്കുകയും ക്ഷിപ്രകോപിയാക്കുകയും ചെയ്യും.

കാര്‍ത്തിക: വളരെയധികം ആലോചിച്ചു നോക്കി മാത്രം സംസാരിക്കുകയും പ്രവര്‍ത്തിക്കുകയും ചെയ്യുക, അനാവശ്യ സംശയവും ചിന്തകളും ബന്ധങ്ങളെ നശിപ്പിക്കാൻ സാദ്ധ്യതയുണ്ട്. ചർമ്മ സംബന്ധമായ ചില പ്രശ്നങ്ങൾ അലട്ടിയേക്കാം.

രോഹിണി: മത്സര പരീക്ഷകൾക്ക് തയ്യാറെടുക്കുന്നവർക്ക് വലിയ വെല്ലുവിളികൾ നേരിടേണ്ടി വരും. കുടുംബാംഗങ്ങളോട് കർക്കശമായി പെരുമാറുന്നത് ഒഴിവാക്കുക, ഇല്ലെങ്കിൽ ഇത് ഗൃഹത്തിലെ സമാധാനത്തെ നശിപ്പിക്കും, ശത്രുക്കള്‍ കൂടുതല്‍ ശക്തരാകും.

മകയിരം: അന്യദേശവാസം ഗുണകരം ആയിരിക്കില്ല. അമിതമായ ആത്മവിശ്വാസം ദോഷം ചെയ്യും. ഈശ്വരാധീനം കുറഞ്ഞ ദിവസം ആയിരിക്കും സൂക്ഷിക്കുക. ശാരീരിക പ്രശ്നങ്ങൾ ഉടലെടുക്കും. ഉടൻ ചികിത്സ തേടിയില്ലെങ്കിൽ പ്രശ്നം ഗുരുതരമാകാം.

തിരുവാതിര: മറ്റുള്ളവരെ അനാവശ്യമായി കുറ്റപ്പെടുത്തുന്ന സ്വഭാവം മോശം അനുഭവങ്ങൾ കൊണ്ടുവരും. അത്യാവശ്യ സമയത്ത് പണത്തിന് ബുദ്ധിമുട്ടുണ്ടാകും, എല്ലാ കാര്യങ്ങളും മറ്റുള്ളവരുമായി പങ്കിടുന്ന സ്വഭാവം ഉപേക്ഷിക്കുക.

പുണര്‍തം: സമയം അനുകൂലമായിരിക്കും. കഠിനാധ്വാനം ചെയ്യുന്നവർക്ക് തീർച്ചയായും അതിന്റെ ഫലം ലഭിക്കും. ശത്രുക്കളെ പരാജയപ്പെടുത്തും, ദാമ്പത്യത്തില്‍ സംതൃപ്തിയും സമാധാനവും ഉണ്ടാകും, വിദേശത്ത്നിന്നും നല്ല വാര്‍ത്തകള്‍ ശ്രവിക്കും.

പൂയം: ലഭിക്കാനുള്ള ആനുകൂല്യങ്ങൾ വഴി സാമ്പത്തിക ലാഭമുണ്ടാകും. പങ്കാളിയാൽ നേട്ടങ്ങൾ ഉണ്ടാകും, സഹോദര സ്നേഹം ലഭിക്കും, സാമ്പത്തിക നേട്ടം പ്രതീക്ഷിക്കാം, തൊഴിലിൽ മേന്മയും സാമ്പത്തിക പുരോഗതിയും, മിത്രങ്ങളുടെ സഹായം ലഭിക്കും.

ആയില്യം: തുടക്കത്തിൽ ചില തടസങ്ങൾ എല്ലാ കാര്യങ്ങളിലും ഉണ്ടാകുമെങ്കിലും പിന്നീട് എല്ലാം ഭംഗിയായി നടക്കും. രോഗശാന്തി, പുരസ്കാരങ്ങൾ ലഭിക്കും, ധനാഭിവൃദ്ധിയുടെ സമയം, ബന്ധുക്കള്‍ അനുകൂലരാകും, വിദേശാനുകൂല്യം.

മകം: ബന്ധുക്കളുടെ പിന്തുണ എല്ലാ മേഖലയിലുമുണ്ടാകുന്നത് പല കാര്യങ്ങൾക്കും ആശ്വാസം തോന്നും. പ്രണയത്തിന് അനുകൂലമായ സാഹചര്യങ്ങള്‍ ഉണ്ടാകും, ഭാര്യാഗുണം, സ്ത്രീകള്‍ മുഖേന സന്തോഷം കിട്ടും, കലാമത്സരങ്ങളില്‍ വിജയം.

പൂരം: ഉദ്യോഗം മെച്ചപ്പെടുത്തുന്നതിനുള്ള ശ്രമങ്ങൾ നടത്തും. ആശയങ്ങൾ മറ്റുള്ളവർക്ക് ബോധ്യമാകും വിധം അവതരിപ്പിക്കാനും അംഗീകാരം നേടാനും കഴിയും പുതിയ അവസരങ്ങള്‍ തൊഴിലിലും കലാരംഗത്തും, യാത്രാഗുണം,
പഠന കാര്യങ്ങളില്‍ ജയം.

ഉത്രം: മതപരമായ കാര്യങ്ങളില്‍ അമിത താല്‍പര്യം കാണിക്കും, ജീവിതത്തില്‍ പലവിധത്തിലും ഉള്ള പുരോഗതി, സ്വന്തം പ്രവര്‍ത്തികള്‍ വിജയത്തിലെത്തും. പുതിയ ജോലിക്കായി ശ്രമിക്കുന്നവർക്ക് അനുകൂല തീരുമാനങ്ങളുണ്ടാകാൻ സാദ്ധ്യതയുണ്ട്.

അത്തം: ദമ്പതികൾക്ക് ഏറെ സമയം ഒരുമിച്ച് ചെലവിടാൻ കഴിയും. ബിസിനസ് ചെയ്യുന്നവർക്ക് വലിയ ലാഭം പ്രതീക്ഷിക്കാം. എതിരാളികളെ പരാജയപെടുത്തും, മറ്റുള്ളവരെ സഹായിക്കാന്‍ ഉള്ള മനസുണ്ടാകും, കിട്ടില്ല എന്ന് കരുതിയ ധനം തിരിക ലഭിക്കും.

ചിത്തിര: വിവാഹ ജീവിതത്തിൽ നല്ല മാറ്റങ്ങളുണ്ടാകാം. തൊഴില്‍പരമായി ഉയര്‍ച്ച, പ്രതിയോഗികള്‍ പിന്തിരിയും, പുതിയ ബന്ധങ്ങള്‍ ഉണ്ടാകും, നൂതന അറിവുകള്‍ സമ്പാദിക്കും. ഏത് കാര്യങ്ങൾക്കും മാതാപിതാക്കളുടെ അഭിപ്രായം തേടുന്നത് നല്ല ഫലം തരും.

ചോതി: സ്വയം മുൻകൈയെടുത്തു പ്രശ്നങ്ങൾക്ക് പരിഹാരം കാണുക. പ്രണയം സംബന്ധിച്ച് പ്രയാസങ്ങൾ, ജനപ്രീതിയും അംഗീകാരവും കുറയും, ശാരീരികമായി അസ്വസ്ഥതകള്‍, സമയത്ത് ആഹാരം കഴിക്കാന്‍ സാധിക്കാത്ത രീതിയില്‍ പ്രശ്നങ്ങള്‍.

വിശാഖം: ആരോഗ്യ കാര്യങ്ങളിൽ ഉയർച്ച താഴ്ചകൾ ഉണ്ടാകും. നിര്‍മ്മാണ പ്രവര്‍ത്തികളിൽ തടസങ്ങള്‍, വ്യക്തി ജീവിതത്തില്‍ സ്ത്രീകള്‍ കാരണം പ്രശ്‌നങ്ങൾ, അമിതമായ ശുഭാപ്തി വിശ്വാസം എല്ലാ കാര്യങ്ങളിലും വച്ചു പുലര്‍ത്തരുത്.

അനിഴം: വാഹനങ്ങൾ ഓടിക്കുമ്പോൾ ശ്രദ്ധിക്കണം. ആരോഗ്യ കാര്യങ്ങളിലും ശ്രദ്ധ വേണം. മോശം കൂട്ടുകെട്ടുകളില്‍ നിന്ന് കഴിയുന്നതും അകന്നു നില്‍ക്കുക, ഉദ്യോഗസ്ഥര്‍ക്ക് ജോലിക്കൂടുതല്‍ മൂലം പ്രയാസങ്ങള്‍, വീട് വിട്ട് നില്‍ക്കേണ്ടി വരും.

കേട്ട: ശത്രുക്കള്‍ വര്‍ദ്ധിക്കും, ദാമ്പത്യ സുഖക്കുറവ്, ജീവിതം വിജയം നേടാൻ കഠിനപരിശ്രമം വേണ്ടി വരും, പണം കടം വാങ്ങിക്കേണ്ടി വരും. അനാവശ്യ യാത്രകൾ സാമ്പത്തിക ബാധ്യതയുണ്ടാക്കും.

മൂലം: അപകടകരമായ സാഹചര്യങ്ങളിൽ ജോലി ചെയ്യുന്നവർ സൂക്ഷിക്കുക. പൊതു പ്രവര്‍ത്തകര്‍ക്ക് മാനഹാനിയും നിയമ നടപടികളും, കമിതാക്കൾക്ക് പ്രണയപരാജയം, പങ്കാളി മുഖേന പ്രയാസങ്ങൾ.

പൂരാടം: മൂന്നാമതൊരാൾ ദമ്പതികൾക്കിടയിൽ പ്രശ്നങ്ങൾ ഉണ്ടാക്കുവാൻ ശ്രമിക്കുന്നത് തടയുക. മേലുദ്യോഗസ്ഥരിൽ നിന്നും വിഷമകരമായ സംസാരവും പ്രവര്‍ത്തികളും നേരിടും, ദാമ്പത്യ ജീവിതം ക്ലേശകരമായിരിക്കും.

ഉത്രാടം: സാമ്പത്തിക ബുദ്ധിമുട്ടുകൾ നിരാശയ്ക്ക് വഴിവയ്ക്കുകയും ഏകാഗ്രത നഷ്ടപ്പെടുത്തുകയും ചെയ്യും. ആരോഗ്യ പ്രശ്നങ്ങൾ രൂക്ഷമാകും, അയൽബന്ധങ്ങൾ സൂക്ഷിക്കണം, സഹോദരരുമായി കലഹത്തിനു നിൽക്കരുത്, കള്ളന്മാർ കാരണം ധനനാശം.

തിരുവോണം: വ്യാപാരത്തിൽ നിന്ന് വലിയ ഗുണം ലഭിക്കും. കഠിനാധ്വാനം കൂടുതൽ നേട്ടമുണ്ടാക്കാൻ സഹായിക്കും.
ജീവിതത്തില്‍ പലവിധത്തിലും ഉള്ള പുരോഗതി, കുടുംബത്തില്‍ ഐശ്വര്യവും സമാധാനവും നിലനിർത്താൻ സാധിക്കും, അശരണരെ സഹായിക്കും.

അവിട്ടം: ജോലിസ്ഥലത്ത് ക്ഷമയോടെ തുടരുക. പ്രകോപിപ്പിക്കുന്ന പല കാര്യങ്ങളും ചുറ്റും നടക്കും അതിലൊന്നും വശംവദനാകരുത്. സ്ത്രീകള്‍ മുഖേനെ സന്തോഷവും സമാധാനവും ലഭിക്കും, ഒരു വശ്യശക്തി നിഴലിച്ചു നില്‍ക്കും.

ചതയം: കുടുംബത്തോടും സുഹൃത്തുക്കളോടുമുള്ള ഉത്തരവാദിത്തം കാണിക്കാൻ സാഹചര്യങ്ങളുണ്ടാകും. സാമ്പത്തിക സഹായം ലഭിക്കും, മറ്റുള്ളവരെ സഹായിക്കാന്‍ താല്‍പര്യം കാണിക്കും, യാത്രാഗുണം കാണുന്നുണ്ട്.

പൂരുരുട്ടാതി: വിദ്യാർത്ഥികൾക്ക് ഏകാഗ്രത വർധിക്കും. പഠന കാര്യങ്ങൾ ഏത് പ്രതിസന്ധി ഘട്ടത്തെയും മറികടന്നു മുന്നേറും. ഉദ്യോഗസ്ഥരില്‍ നിന്നും ആത്മാര്‍ഥമായ സഹകരണം പ്രതീക്ഷിക്കാം. കുടുംബ സുഖം, ബിസിനസില്‍ നേട്ടം, വിദ്യാഗുണം.

ഉത്രട്ടാതി: സമൂഹത്തിൽ കുടുംബത്തിന്റെ പ്രതിച്ഛായ ഉയർത്തുന്ന തരത്തിലുള്ള കാര്യങ്ങൾ സംഭവിക്കും. ഗാംഭീര്യം പ്രകടിപ്പിക്കും, എല്ലാവരും പ്രീതികരമായ രീതിയില്‍ പെരുമാറും, ഉപരിപഠനത്തിന് അനുകൂലമായ സമയം, ശാരീരികമായി ഉണ്ടായിരുന്ന വിഷമതകൾ ശമിക്കും.

രേവതി: പഴയകാല സുഹൃത്തുക്കളുടെ സഹായം ലഭിക്കും. പ്രയത്നത്തിനു തക്കവണ്ണം അംഗീകാരം ലഭിക്കും, ഉല്ലാസകരമായ അനുഭവങ്ങള്‍, എതിര്‍പ്പുകളെ അതിജീവിക്കാന്‍ സാധിക്കും, ദൈവീക ചിന്ത ഉടലെടുക്കും, പ്രണയ പങ്കാളിയുടെ ചതിയിൽ പെടരുത്.