തുടരും ഒടിടിയിൽ എത്താൻ ഒരാഴ്ച വൈകും

തിയേറ്റർ ഉടമകളുടെ അഭ്യർത്ഥനയെ തുടർന്ന് മോഹൻലാൽ ചിത്രം തുടരും ഒടിടിയിൽ എത്താൻ ഒരാഴ്ച വൈകും. മേയ് 23 ന് ഒടിടിയിൽ സ്ട്രീമിംഗ് ആരംഭിക്കാനായിരുന്നു തീരുമാനം. ഇപ്പോഴും മിക്ക തിയേറ്ററുകളിലും നാലു ഷോകളുമായി ചിത്രം വിജയ കുതിപ്പ് തുടരുന്നുണ്ട്.കേരള ബോക്സ് ഓഫീസിൽ ഏറ്റവും കൂടുതൽ ഗ്രോസ് കളക്ഷൻ നേടുന്ന ചിത്രം എന്ന നേട്ടമാണ് തരുൺ മൂർത്തി സംവിധാനം ചെയ്ത തുടരും സ്വന്തമാക്കിയത്. മാർച്ച് 27 ന് റിലീസായ എമ്പുരാനും ഏപ്രിൽ 25 ന് റിലീസായ തുടരും എന്നീ ചിത്രങ്ങൾ മാത്രം സൃഷ്ടിച്ചത് 500 കോടിയിലധികം രൂപയുടെ ബിസിനസാണ്. മോഹൻലാലും ശോഭനയും ഇടവേളയ്ക്കുശേഷം ഒരുമിച്ച ചിത്രം ആണ് തുടരും.രജപുത്ര വിഷ്വൽ മീഡിയയുടെ ബാനറിൽ എം. രഞ്ജിത്ത് ആണ് നിർമ്മാണം.