ആ​ല​പ്പു​ഴ​യി​ലെ​ ​വി​ഭാ​ഗീ​യ​ത​യിൽ താ​ക്കീ​തു​മാ​യി​ ​പി​ണ​റാ​യി

ആ​ല​പ്പു​ഴ​:​ ​പാ​ർ​ട്ടി​യി​ലെ​ ​വി​ഭാ​ഗീ​യ​ത​യ്ക്കെ​തി​രെ​ ​ആ​ല​പ്പു​ഴ​ ​ജി​ല്ലാ​സ​മ്മേ​ള​ന​ ​പ്ര​തി​നി​ധി​ക​ൾ​ക്ക് ​താ​ക്കീ​ത് ​ന​ൽ​കി​ ​സി.​പി.​എം​ ​പൊ​ളി​റ്റ് ​ബ്യൂ​റോ​ ​അം​ഗം​ ​കൂ​ടി​യാ​യ​ ​മു​ഖ്യ​മ​ന്ത്രി​ ​പി​ണ​റാ​യി​ ​വി​ജ​യ​ൻ.​ ​മേ​ൽ​ഘ​ട​ക​ത്തെ​ ​വെ​ല്ലു​വി​ളി​ക്കും​വി​ധം​ ​വി​ഭാ​ഗീ​യ​ ​പ്ര​വ​ർ​ത്ത​ന​ങ്ങ​ൾ​ ​തു​ട​രു​ന്ന​ത് ​ചൂ​ണ്ടി​ക്കാ​ട്ടി​യാ​യി​രു​ന്നു​ ​ഗ്രൂ​പ്പ് ​ച​ർ​ച്ച​ ​ആ​രം​ഭി​ക്കും​ ​മു​മ്പു​ത​ന്നെ​ ​പി​ണ​റാ​യി​യു​ടെ​ ​വി​മ​ർ​ശ​നം.​ ​വി​ഭാ​ഗീ​യ​ത​ ​ന​ട​ത്തു​ന്ന​വ​ർ​ക്ക് ​ഏ​തെ​ങ്കി​ലും​ ​നേ​താ​വി​ന്റെ​ ​പി​ന്തു​ണ​ ​കി​ട്ടു​മെ​ന്ന് ​ക​രു​ത​രു​തെ​ന്നും​ ​ഓ​ർ​മ്മി​പ്പി​ച്ചു.

പ്ര​വ​ർ​ത്ത​ക​രു​ടെ​ ​കൊ​ഴി​ഞ്ഞു​പോ​ക്കി​ന് ​കാ​ര​ണം​ ​നേ​താ​ക്ക​ൾ​ ​ത​മ്മി​ലു​ള്ള​ ​വ്യ​ക്തി​വൈ​രാ​ഗ്യ​മാ​ണ്.​ ​കു​ട്ട​നാ​ട്,​ ​കാ​യം​കു​ളം,​ ​അ​മ്പ​ല​പ്പു​ഴ​ ​ഏ​രി​യാ​ ​ക​മ്മി​റ്റി​ക​ളെ​ ​എ​ടു​ത്തു​പ​റ​ഞ്ഞാ​യി​രു​ന്നു​ ​വി​മ​ർ​ശ​നം.​ ​ലോ​ക്സ​ഭാ​ ​തി​ര​ഞ്ഞെ​ടു​പ്പി​നു​ ​ശേ​ഷം​ ​പ​രാ​ജ​യം​ ​വി​ല​യി​രു​ത്താ​നോ​ ​പ​രി​ഹാ​രം​ ​കാ​ണാ​നോ​ ​ഒ​രു​ ​ഘ​ട​ക​വും​ ​ശ്ര​മി​ച്ചി​ല്ല.​ ​ന​ഷ്ട​പ്പെ​ട്ട​ ​വോ​ട്ട് ​തി​രി​ച്ചു​പി​ടി​ക്കാ​ൻ​ ​ശ​ക്ത​മാ​യി​ ​പ്ര​വ​ർ​ത്തി​ക്ക​ണം.​ ​വോ​ട്ട് ​ചോ​ർ​ന്ന​തി​ൽ​ ​താ​ഴെ​ത്ത​ട്ടി​ൽ​ ​പ​രി​ശോ​ധ​ന​ക​ളും​ ​വി​ല​യി​രു​ത്ത​ലും​ ​ന​ട​ക്കു​ന്ന​താ​യി​ ​കാ​ണു​ന്നി​ല്ലെ​ന്ന് ​നി​രീ​ക്ഷി​ച്ച​ ​പി​ണ​റാ​യി​ ​വ​ല​തു​പ​ക്ഷ​ ​മാ​ദ്ധ്യ​മ​ങ്ങ​ളെ​ ​പ്ര​തി​രോ​ധി​ക്ക​ണ​മെ​ന്നും​ ​നി​ർ​ദ്ദേ​ശം​ ​ന​ൽ​കി.​ ​സ​മ്മേ​ള​ന​ത്തി​ന്റെ​ ​ഭാ​ഗ​മാ​യി​ ​പി​ണ​റാ​യി​ ​മൂ​ന്നു​ദി​വ​സം​ ​ഹ​രി​പ്പാ​ട് ​ക്യാ​മ്പ് ​ചെ​യ്യു​ന്നു​ണ്ട്.

സംഘപരിവാർ - യു.ഡി.എഫ്
തുറന്ന സഖ്യമെന്ന് പിണറായി

ഹരിപ്പാട് : സംഘപരിവാറുമായി തുറന്ന സഖ്യത്തിനാണ് യു.ഡി.എഫ് ശ്രമമെന്നും കോ-ലീ-ബി സഖ്യം ജനം മറന്നിട്ടില്ലെന്നും മുഖ്യമന്ത്രി പിണറായി വിജയൻ. സി.പി.എം ആലപ്പുഴ ജില്ലാ സമ്മേളനത്തിന്റെ പ്രതിനിധി സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.

2016ൽ നേമത്തും കഴിഞ്ഞ ലോക്സഭാ തിരഞ്ഞെടുപ്പിൽ തൃശൂരിലും ബി.ജെ.പി വിജയിച്ചത് കോൺഗ്രസ് വോട്ടുകൊണ്ടാണ്. പാലക്കാട് ഉപതിരഞ്ഞെടുപ്പിലും യു.ഡി.എഫും ബി.ജെ.പിയും ഒന്നിച്ചു. നാലുവോട്ടിന് വേണ്ടി രാഷ്ട്രീയ ചെറ്റത്തരം എൽ.ഡി.എഫ് കാട്ടില്ല. ആരെയും കൂടെകൂട്ടാനുള്ള ഗതികേടിലേക്ക് ലീഗ് പോയതുകൊണ്ടാണ് ജമാഅത്തെ ഇസ്ളാമിയുമായി തുറന്ന സഖ്യത്തിലേക്ക് പോകുന്നത്. ലീഗിന് കോൺഗ്രസിന്റെ ഗതിവരും.

പാലക്കാട് യു.ഡി.എഫിന്റെ വിജയം എസ്.ഡി.പി.ഐയുടെ വിജയമായിട്ടായിരുന്നു ആഘോഷം. സംഘപരിവാർ മാത്രമല്ല മതാടിസ്ഥാനത്തിൽ പ്രവർത്തിക്കുന്നത്. ജമാഅത്തെ ഇസ്ലാമിക്കും മതാധിഷ്ഠിത രാജ്യമെന്ന കാഴ്ചപ്പാടാണ്. ന്യൂനപക്ഷ വർഗീയതയ്ക്കെതിരെ ലീഗ് നിലപാടെടുത്തില്ലെങ്കിൽ അവരുടെ സ്ഥിതി ആത്മഹത്യാപരമായിരിക്കും.
ചില പ്രാദേശിക പാർട്ടികളെ വരുതിയിൽ നിറുത്തിയാണ് ബി.ജെ.പി കേന്ദ്രം ഭരിക്കുന്നത്. സംസ്ഥാനങ്ങളിൽ കേന്ദ്ര ഏജൻസിയെ ഉപയോഗിച്ച് കേസുകൾ എടുത്ത് കക്ഷികളെ വരുതിയിലാക്കാനുള്ള ശ്രമമാണ് ഒരുരാജ്യം ഒറ്റ തിരഞ്ഞെടുപ്പിന് പിന്നിൽ.

ജി.എസ്.ടി നടപ്പാക്കി സംസ്ഥാനങ്ങളുടെ നികുതി വരുമാനം ഇല്ലാതാക്കി. ബി.ജെ.പിയെ പിന്തുണയ്ക്കാത്ത കേരളമുൾപ്പെടെയുള്ള സംസ്ഥാനങ്ങൾക്ക് പ്രത്യേക സാമ്പത്തിക പാക്കേജ് ഇല്ലാതാക്കി. സമ്പദ്ഘടന തകർത്ത് ഉൻമൂലനം ചെയ്യുന്ന തന്ത്രമാണ് ബി.ജെ.പി പയറ്റുന്നത്. സർവകലാശാലകളുമായി ബന്ധപ്പെട്ട് മുൻ ഗവർണർ കൃത്യമായ രാഷ്ട്രീയ ഇടപെടലാണ് നടത്തിയതെന്നും പിണറായി പറഞ്ഞു.

ജില്ലാ സെക്രട്ടറി ആർ.നാസർ അദ്ധ്യക്ഷത വഹിച്ചു. സംസ്ഥാന സെക്രട്ടറി എം.വി.ഗോവിന്ദൻ, പൊളിറ്റ് ബ്യൂറോ അംഗം എം.എ.ബേബി, കേന്ദ്ര കമ്മിറ്റിയംഗങ്ങളായ ടി.എം.തോമസ് ഐസക്ക്, കെ.കെ.ശൈലജ, എ.കെ.ബാലൻ, കെ.രാധാകൃഷ്ണൻ, സംസ്ഥാന സെക്രട്ടേറിയറ്റംഗങ്ങളായ സജി ചെറിയാൻ, കെ.കെ.ജയചന്ദ്രൻ, ആനാവൂർ നാഗപ്പൻ, എം.സ്വരാജ്, പി.കെ.ബിജു, പുത്തലത്ത് ദിനേശൻ എന്നിവർ പങ്കെടുത്തു.