കൊയിലാണ്ടി ക്ഷേത്രത്തിലെ ദുരന്തം: ആനകൾക്ക് ഇടച്ചങ്ങല ഇട്ടില്ലെന്ന് വനം വകുപ്പ്

കൊയിലാണ്ടി (കോഴിക്കോട്): കൊയിലാണ്ടിയിലെ ക്ഷേത്രത്തിൽ മൂന്ന് പേരുടെ മരണത്തിനിടയാക്കിയ ആനകൾക്ക് ഇടച്ചങ്ങല ഉണ്ടായിരുന്നില്ലെന്ന് വനംവകുപ്പിന്റെ റിപ്പോർട്ട്. ആനയെ എഴുന്നള്ളത്തിന് കൊണ്ടുപോകുമ്പോൾ ഇടച്ചങ്ങല വേണമെന്നാണ് ഹൈക്കോടതി നിർദ്ദേശം. അതേസമയം കൊയിലാണ്ടി കുറുവങ്ങാട് ശ്രീ മണക്കുളങ്ങര ഭഗവതി ക്ഷേത്രത്തിൽ ആനയിടഞ്ഞതിനെ തുടർന്ന് മരിച്ച കുറുവങ്ങാട് വട്ടാങ്കണ്ടി താഴ ലീല (68), താഴത്തേടത്ത് അമ്മുക്കുട്ടി അമ്മ (78), വടക്കയിൽ (ഊരളളൂർ കാരയാട്ട്) രാജൻ (68) എന്നിവരുടെ മൃതദേഹങ്ങൾ ഇന്നലെ സംസ്‌കരിച്ചു.

മൃതദേഹങ്ങൾ ക്ഷേത്രത്തിന് സമീപം പ്രത്യേകം തയ്യാറാക്കിയ സ്ഥലത്ത് പൊതുദർശനത്തിന് വച്ചു. മന്ത്രി എം.ബി. രാജേഷ്, കാനത്തിൽ ജമീല എം.എൽ.എ തുടങ്ങി ആയിരങ്ങൾ അന്ത്യാഞ്ജലി അർപ്പിച്ചു. വെള്ളിയാഴ്ച വൈകിട്ടാണ് കുറുവങ്ങാട് ശ്രീ മണക്കുളങ്ങര ഭഗവതി ക്ഷേത്രത്തിൽ ആനയിടഞ്ഞത്. സംഭവത്തിൽ 32 പേർക്ക് പരിക്കേറ്റിരുന്നു.

സംഭവത്തിൽ കർശന നടപടികളുമായി മുന്നോട്ട് പോകുമെന്ന് മന്ത്രി എ.കെ. ശശീന്ദ്രൻ പറഞ്ഞു. ആനകൾ ഇടയാനുണ്ടായ സാഹചര്യത്തിലും അവ്യക്തതയുണ്ട്. ക്ഷേത്ര ഭാരവാഹികൾക്കെതിരേയും ആന ഉടമസ്ഥർക്കെതിരേയും നടപടിയുണ്ടാകും. ഇന്ന് സ്ഥലം സന്ദർശിച്ച ശേഷം കൂടുതൽ കാര്യങ്ങൾ വ്യക്തമാക്കാമെന്നും മന്ത്രി പറഞ്ഞു.

സ്ഥലത്ത് ഇന്നലെ പരിശോധന നടത്തിയ വനം-റവന്യു വകുപ്പുകൾ വ്യത്യസ്‌ത അഭിപ്രായങ്ങളാണ് പറഞ്ഞത്. പിന്നിൽ വന്ന ആനയായ ഗോകുൽ മുന്നിൽ കയറിയതാണ് പീതാംബരനെന്ന ആനയെ പ്രകോപിപ്പിച്ചതെന്നാണ് വനംവകുപ്പിന്റെ കണ്ടെത്തൽ. ആനകളുടെ സമീപത്ത് പടക്കം പൊട്ടിക്കരുതെന്ന നാട്ടാന പരിപാലന ചട്ടത്തിലെ നിർദ്ദേശം ലംഘിക്കപ്പെട്ടെന്ന് റവന്യു വകുപ്പും പറയുന്നു. ഇരുറിപ്പോർട്ടുകളും മന്ത്രി എ.കെ. ശശീന്ദ്രന് കൈമാറി. ആന ഇടഞ്ഞതിന് കാരണം കതിന പൊട്ടിച്ചതാണെങ്കിൽ അത് ആചാരത്തിന്റെ ഭാഗമാണെന്നും അതുസംബന്ധിച്ച് കോടതിയിൽ വിശദീകരണം നൽകുമെന്നും ക്ഷേത്ര കമ്മിറ്റി അറിയിച്ചു.

​ ഗു​രു​വാ​യൂ​ർ​ ​ദേ​വ​സ്വ​ത്തോ​ട് ​ഹൈ​ക്കോ​ട​തി: ആ​ന​ക​ളെ​ ​ദൂ​രേ​ക്ക് അ​യ​ച്ച​തെ​ന്തി​ന്?

കൊ​യി​ലാ​ണ്ടി​ ​കു​റു​വ​ങ്ങാ​ട് ​മ​ണ​ക്കു​ള​ങ്ങ​ര​ ​ഭ​ഗ​വ​തി​ ​ക്ഷേ​ത്രോ​ത്സ​വ​ത്തി​നി​ടെ​ ​ആ​ന​യി​ട​ഞ്ഞ് ​മൂ​ന്നു​പേ​ർ​ ​മ​രി​ച്ച​ ​സം​ഭ​വ​ത്തി​ൽ,​ ​ആ​ന​ക​ളു​മാ​യി​ ​ബ​ന്ധ​പ്പെ​ട്ട​ ​ര​ജി​സ്റ്റ​റു​ക​ളു​മാ​യി​ 17​ന് ​നേ​രി​ട്ടു​ ​ഹാ​ജ​രാ​കാ​ൻ​ ​ഗു​രു​വാ​യൂ​ർ​ ​ദേ​വ​സ്വം​ ​ഡെ​പ്യൂ​ട്ടി​ ​അ​ഡ്മി​നി​സ്‌​ട്രേ​റ്റ​ർ​ക്ക് ​ഹൈ​ക്കോ​ട​തി​ ​നി​ർ​ദ്ദേ​ശം.​ ​ദൂ​ര​സ്ഥ​ല​ങ്ങ​ളി​ലേ​ക്ക് ​ആ​ന​ക​ളെ​ ​കൊ​ണ്ടു​പോ​കാ​ൻ​ ​എ​ന്തി​നാ​ണ് ​അ​നു​മ​തി​ ​ന​ൽ​കു​ന്ന​തെ​ന്നു​ ​കോ​ട​തി​ ​ചോ​ദി​ച്ചു.​ ​ജ​സ്റ്റി​സ് ​അ​നി​ൽ​ ​കെ.​ ​ന​രേ​ന്ദ്ര​ൻ,​ ​ജ​സ്റ്റി​സ് ​എ​സ്.​ ​മു​ര​ളീ​കൃ​ഷ്ണ​ ​എ​ന്നി​വ​രു​ൾ​പ്പെ​ട്ട​ ​ഡി​വി​ഷ​ൻ​ ​ബെ​ഞ്ച് ​വ​നം​വ​കു​പ്പി​ന്റെ​യും​ ​വി​ശ​ദീ​ക​ര​ണം​ ​തേ​ടി​യി​ട്ടു​ണ്ട്.
ഇ​ട​ഞ്ഞ​ ​പീ​താം​ബ​ര​ൻ,​ ​ഗോ​കു​ൽ​ ​എ​ന്നീ​ ​ആ​ന​ക​ളു​ടെ​യ​ട​ക്കം​ ​ഭ​ക്ഷ​ണം,​ ​ട്രാ​ൻ​സ്‌​പോ​ർ​ട്ടേ​ഷ​ൻ​ ​തു​ട​ങ്ങി​യ​ ​വി​വ​ര​ങ്ങ​ളു​ള്ള​ ​ര​ജി​സ്റ്റ​റു​ക​ൾ​ ​ലൈ​വ് ​സ്റ്റോ​ക്ക് ​ഡെ​പ്യൂ​ട്ടി​ ​അ​ഡ്മി​നി​സ്‌​ട്രേ​റ്റ​ർ​ ​ഹാ​ജ​രാ​ക്ക​ണം.
ഗു​രു​വാ​യൂ​ർ​ ​ദേ​വ​സ്വ​ത്തി​ന്റെ​ ​പു​ന്ന​ത്തൂ​ർ​ ​ആ​ന​ക്കോ​ട്ട​ ​വൃ​ത്തി​യാ​യി​ ​സൂ​ക്ഷി​ക്കാ​ൻ​ ​ഉ​ത്ത​ര​വി​ട​ണ​മെ​ന്നാ​വ​ശ്യ​പ്പെ​ട്ട് ​ഏ​ഷ്യ​ൻ​ ​എ​ലി​ഫ​ന്റ് ​സൊ​സൈ​റ്റി​ ​പ്ര​സി​ഡ​ന്റ് ​സം​ഗീ​ത​ ​അ​യ്യ​ർ​ ​ന​ൽ​കി​യ​ ​ഹ​ർ​ജി​യാ​ണു​ ​പ​രി​ഗ​ണ​ന​യി​ലു​ള്ള​ത്.