അർജ്ജുന്റെയും മാനാഫിന്റെയും സൗഹൃദം പറഞ്ഞ് മാളവിക

തിരുവനന്തപുരം: ഗംഗാവലി പുഴയുടെ ആഴങ്ങളിലാണ്ടുപോയ അർജ്ജുനെയും അവനെ കാത്തിരുന്ന ലോറിയുടമ

മനാഫിന്റെയും സൗഹൃദം മോണോക്ട് വേദിയിൽ പുനരാവിഷ്കരിച്ച വിദ്യാർത്ഥിനിയ്ക്ക് സദസിന്റെ നിറകൈയടി.

ഹയർസെക്കൻഡറി വിഭാഗം പെൺകുട്ടികളുടെ മോണോ ആക്ട് മത്സരത്തിലാണ് പ്രമേയത്തിലെ വ്യത്യസ്തതകൊണ്ട് കരുനാഗപ്പള്ളി ബോയ്സ് എച്ച്.എസ്.എസിലെ പ്ലസ്ടു വിദ്യാർത്ഥി മാളവിക മാധവ് ശ്രദ്ധേയയായത്. സംസ്ഥാന കലോത്സവത്തിൽ തുടർച്ചയായ മൂന്നാം തവണയാണ് മാളവിക മോണോ ആക്ടിൽ മത്സരിക്കുന്നത്.