അടുക്കളയിലെ മൂന്നുസാധനങ്ങൾ മാത്രം മതി: നരച്ച മുടി കറുപ്പിക്കാം എളുപ്പത്തിൽ

ചെറുപ്പക്കാരിൽ വർദ്ധിച്ചുവരുന്ന പ്രധാന പ്രശ്നങ്ങളിലൊന്നാണ് അകാലനര. സമ്മർദ്ദവും ജീവിതശൈലിയുമാണ് ഇതിന്റെ കാരണം. സാധാരണ ഈ പ്രശ്നം പരിഹരിക്കാൻ രാസവസ്തുക്കൾ അടങ്ങിയ വിലകൂടിയ ഹെയർ ഡൈകളാണ് പലരും ഉപയോഗിക്കുന്നത്. ഇത് പലപ്പോഴും മുടിയുടെ സ്വാഭാവികാരോഗ്യം നഷ്ടമാകുന്നതിന് കാരണമാകുന്നു. എന്നാൽ ഇനിമുതൽ ഇത്തരം പ്രശ്നങ്ങളുണ്ടാകില്ല. പകരം വീട്ടിലുള്ള മൂന്നുസാധനങ്ങൾ ഉപയോഗിച്ച് പ്രകൃതിദത്തമായ ഹെയർ ഡൈ എളുപ്പത്തിൽ തയ്യാറാക്കാവുന്നതാണ്.

ആവശ്യമായ ചേരുവകൾ

• കടുക്- രണ്ട് ടേബിൾ സ്പൂൺ
• കടുക് എണ്ണ- ഒരു ടേബിൾ സ്പൂൺ
• കറിവേപ്പില- ഒരു പിടി

തയ്യാറാക്കുന്നവിധം

ആദ്യം അടിക്കട്ടിയുള്ള ഒരു ചീനച്ചട്ടി ചൂടാക്കി അതിലേയ്ക്ക് കടുക് ചേർത്ത് നന്നായി വറുത്തെടുക്കണം. ശേഷം ഇതിലേയ്ക്ക് കറിവേപ്പില ചേർത്ത് നന്നായി ഇളക്കിയോജിപ്പിക്കണം. കറിവേപ്പില കരിഞ്ഞുപോകാതിരിക്കാൻ പ്രത്യേകം ശ്രദ്ധിക്കണം. ഇനി ഇത് ചൂടാറിയതിന് ശേഷം മിക്സിയിലിട്ട് നന്നായി പൊടിച്ചെടുക്കണം.

ഈ പൊടിയിലേയ്ക്ക് കടുക് എണ്ണയോ അതില്ലാത്തപക്ഷം ശുദ്ധമായ വെളിച്ചെണ്ണയോ ചേർത്ത് ഇളക്കി യോജിപ്പിച്ച് കുഴമ്പുരൂപത്തിലാക്കണം. ഇനി ഈ മിശ്രിതം അധികം എണ്ണമയമില്ലാത്ത മുടിയിൽ നന്നായി തേച്ചുപിടിപ്പിക്കണം. 25 മിനിറ്റിന് ശേഷം കഴുകി കളയാം. ആഴ്ചയിൽ രണ്ടോ മൂന്നോ തവണ ഇത് ആവർത്തിച്ചാൽ നരച്ച മുടി എളുപ്പത്തിൽ കറുപ്പിക്കുന്നതിനൊപ്പം സ്വാഭാവികാരോഗ്യവും നിലനിർത്താനാകും.