മാസം 5000 രൂപ മാറ്റിവയ്ക്കാൻ ഉണ്ടോ? സമ്പാദ്യം 1.76 കോടിയാക്കാം, യുവാക്കൾ അറിയണം ഈ നിക്ഷേപ പദ്ധതി

ഇന്നത്തെ ഏറ്റവും മികച്ച നിക്ഷേപം എതാണെന്ന് ചോദിച്ചാൽ ഒറ്റ ഉത്തരമേ കാണൂ. അതാണ് മ്യൂച്വൽ ഫണ്ടുകൾ. ദീർഘകാലത്തേക്ക് പണം നിക്ഷേപിച്ചാൽ കോടികൾ നേടിയെടുക്കാമെന്നതാണ് മ്യൂച്ചൽ ഫണ്ടുകളുടെ പ്രത്യേകത. ഇന്ന് മ്യൂച്വൽ ഫണ്ടുകളിൽ നിക്ഷേപിക്കുന്നതിനുള്ള ഏറ്റവും ജനപ്രിയ മാർഗങ്ങളിൽ ഒന്നാണ് സിസ്റ്റമാറ്റിക്ക് ഇൻവെസ്റ്റ്‌മെന്റ് പ്ലാൻ (എസ്‌ഐപി). ഒറ്റത്തവണ നിക്ഷേപിക്കുന്നതിന് പകരം, എല്ലാ മാസവും നിശ്ചിത തുക നിക്ഷേപിക്കുന്നതാണ് എസ്‌ഐപി. ഈ നിക്ഷേപത്തിന്റെ ഏറ്റവും വലിയ നേട്ടങ്ങളിൽ ഒന്ന് സമയം നിക്ഷേപകന് അനുകൂലമായി പ്രവർത്തിക്കുമെന്നതാണ്. നിങ്ങൾ നിക്ഷേപിക്കുന്ന പണം വർഷങ്ങളോളം സ്ഥിരമായി തുടർന്നാൽ പ്രതിമാസ നിക്ഷേപം പോലും വലിയ മൂലധനമായി മാറാൻ സാദ്ധ്യതയുണ്ട്.

എന്താണ് സിസ്റ്റമാറ്റിക്ക് ഇൻവെസ്റ്റ്‌മെന്റ് പ്ലാൻ?

സിസ്റ്റമാറ്റിക് ഇൻവെസ്റ്റ്‌മെന്റ് പ്ലാൻ എന്നാൽ മ്യൂച്വൽ ഫണ്ടുകളിൽ നിക്ഷേപിക്കുന്നതിനുള്ള ഒരു രീതിയാണ്. നിക്ഷേപകർ ഒരു നിശ്ചിത തുക എല്ലാ മാസവും നിക്ഷേപിക്കുന്നു. വിപണി സാഹചര്യങ്ങൾ പരിഗണിക്കാതെ പതിവ് സംഭാവനകളെ പ്രോത്സാഹിപ്പിക്കുന്നതുകൊണ്ട് തന്നെ അച്ചടക്കമുള്ള നിക്ഷേപത്തെ പ്രോത്സാഹിപ്പിക്കുന്നു. ഇന്ന് സമ്പത്ത് കെട്ടിപ്പടുക്കുന്നതിന് ഏറ്റവും വ്യാപകമായി ഉപയോഗിക്കുന്ന നിക്ഷേപ തന്ത്രങ്ങളിലൊന്നാണ് എസ്‌ഐപി.

പ്രതിമാസം 5000 രൂപ മാറ്റിവച്ചാൽ പത്ത് വർഷം കൊണ്ട് നിങ്ങളുടെ എസ്‌ഐപി നിക്ഷേപം എത്രയാണെന്ന് പരിശോധിക്കാം?

പ്രതിമാസ എസ്‌ഐപി: 5,000 രൂപ
നിക്ഷേപ കാലയളവ്: പത്ത് വർഷം
പ്രതീക്ഷിക്കുന്ന റിട്ടേൺ (ശതമാനത്തിൽ): 12 ശതമാനം
ആകെ നിക്ഷേപം: 6,00,000
പ്രതീക്ഷിക്കുന്ന റിട്ടേൺ: 5,61,696 രൂപ
നിക്ഷേപത്തിന്റെ ആകെ മൂല്യം: 11,61,696 രൂപ

പ്രതിമാസം 5000 രൂപ മാറ്റിവച്ചാൽ 20 വർഷം കൊണ്ട് നിങ്ങളുടെ എസ്‌ഐപി നിക്ഷേപം എത്രയാണെന്ന് പരിശോധിക്കാം?

ദീർഘകാലത്തേക്ക് എസ്‌ഐപി തുടരുന്നത് നിക്ഷേപത്തിന്റെ ആക് മൂല്യത്തിൽ വലിയ വർദ്ധനവാണ് ഉണ്ടാക്കുന്നത്.

പ്രതിമാസ എസ്‌ഐപി: 5,000 രൂപ
നിക്ഷേപ കാലയളവ്: 20 വർഷം
പ്രതീക്ഷിക്കുന്ന റിട്ടേൺ (ശതമാനത്തിൽ): 12 ശതമാനം
ആകെ നിക്ഷേപം: 12,00,000
പ്രതീക്ഷിക്കുന്ന റിട്ടേൺ: 37,95,740 രൂപ
നിക്ഷേപത്തിന്റെ ആകെ മൂല്യം: 49,95,740 രൂപ

പ്രതിമാസം 5000 രൂപ മാറ്റിവച്ചാൽ 30 വർഷം കൊണ്ട് നിങ്ങളുടെ എസ്‌ഐപി നിക്ഷേപം എത്രയാണെന്ന് പരിശോധിക്കാം?

പ്രതിമാസ എസ്‌ഐപി: 5,000 രൂപ
നിക്ഷേപ കാലയളവ്: 30 വർഷം
പ്രതീക്ഷിക്കുന്ന റിട്ടേൺ (ശതമാനത്തിൽ): 12 ശതമാനം
ആകെ നിക്ഷേപം: 18,00,000 രൂപ
പ്രതീക്ഷിക്കുന്ന റിട്ടേൺ: 1,58,49,569 രൂപ
നിക്ഷേപത്തിന്റെ ആകെ മൂല്യം: 1,76,49,569 രൂപ

ദീർഘകാലം നിക്ഷേപിക്കുന്നതുകൊണ്ട് നിങ്ങളുടെ നിക്ഷേപത്തിലുണ്ടാകുന്ന വർദ്ധനവ് മുകളിൽ നൽകിയ കണക്കുകളിൽ വ്യക്തമാണ്. പത്ത് വർഷ കാലത്തേക്ക് ആറ് ലക്ഷം നിക്ഷേപിക്കുമ്പോൾ അത് ഏകദേശം 11.62 ലക്ഷം രൂപയായി ഉയരുന്നു. 5.61 ലക്ഷം രൂപയാണ് നിക്ഷേപകന് ലഭിക്കുന്ന അധിക തുക. 20 വർഷത്തേക്ക് കണക്കാക്കുമ്പോൾ മൊത്തം നിക്ഷേപം 12 ലക്ഷമായി മാറുന്നുണ്ടെങ്കിലും ആകെ തുക 50 ലക്ഷത്തിനടുത്ത് ലഭിക്കുന്നുണ്ട്. എന്നാൽ 30 വർഷത്തേക്കാണെങ്കിൽ അതിൽ വലിയ മാറ്റമാണ് പ്രകടമാകുന്നത്. 18 ലക്ഷം രൂപയുടെ ആകെ നിക്ഷേപം 1.76 കോടിയിലേക്ക് ഉയരാനുള്ള സാദ്ധ്യതയുണ്ട്. ഓരോ വർഷം കഴിയുന്തോറും കോമ്പൗണ്ടിംഗ് കൂടുതൽ ശക്തമാകുന്നതിനാലാണ് സാമ്പത്തിക വിദഗ്ധർ പലപ്പോഴും എസ്‌ഐപികൾ നേരത്തെ ആരംഭിച്ച് ദീർഘകാലത്തേക്ക് നിക്ഷേപം തുടരാൻ ശുപാർശ ചെയ്യുന്നത്.

ശ്രദ്ധിക്കുക: ഇത് പണം നിക്ഷേപിക്കാനുള്ള ഉപദേശമല്ല. മ്യൂച്വൽ ഫണ്ട് നിക്ഷേപങ്ങൾ വിപണി അപകട സാധ്യതകൾക്ക് വിധേയമാണ്. നിക്ഷേപവരുമാനം വ്യത്യാസപ്പെടാം. നിക്ഷേപ തീരുമാനങ്ങൾ എടുക്കുന്നതിന് മുമ്പ് നിക്ഷേപകർ ജാഗ്രത പാലിക്കുകയോ ഒരു സാമ്പത്തിക ഉപദേഷ്ടാവിനെ സമീപിക്കുകയോ ചെയ്യാം.