ബാല്യകാലം

ഒ​രു​ ​വേ​ള​ ​പു​റ​കോ​ട്ടു​പോ​യെ​ന്റെ​ ​ചി​ന്ത​കൾ
ഒ​രു​ ​ഹ​ർ​ഷ​ ​ചോ​ല​യി​ൽ​ ​ആ​ണ്ടു​പോ​യി
ചി​റ​കു​മു​ള​ക്കാ​ത്ത​ ​കാ​ല​ത്തു​ ​ഞാ​നൊ​രു
ചി​റ​കു​ള്ള​ ​പ​റ​വ​യെ​പ്പോ​ലെ​ ​പാ​റീ
ചൂ​ട​റി​യാ​തെ​ ​ക​ളി​ച്ചി​ടും​ ​വേ​ന​ലിൽ
വീ​ട​ണ​യാ​ൻ​ ​വൈ​കും​ ​കൂ​ട്ട​രെ​വി​ട്ടു​ ​ഞാൻ
മ​ഴ​വ​ന്നു​നി​റ​യു​വാ​ൻ​ ​നി​ന​വോ​ടി​രു​ന്നൊ​രു
ക​ട​ലാ​സ്സു​തോ​ണി​യൊ​ഴു​ക്കി​ടാ​നാ​യ്
അ​തു​ ​തു​ള്ളി​നീങ്ങു​മ്പോ​ൾ​ ​ആ​ഹ്‌​​​ളാ​ദ​ചി​ത്ത​നാ​യ്
അ​റി​യാ​തെ​ ​തു​ള്ളീടും​ ​ഞാ​നു​മ​പ്പോൾ
അ​ധ്യ​യ​ന​ത്തി​ന്റെ​ ​പു​തു​വ​ർ​ഷ​മെ​ത്തു​മ്പോൾ
ആ​ദ്യ​മാ​യ്​​ ​അ​ണി​യു​ന്ന​ ​പു​ത്ത​ൻ​ ​കു​പ്പാ​യ​വും
പു​തു​മ​ണം​ ​ചൊ​രി​യു​ന്ന​ ​പു​സ്ത​ക​ക്കൂ​ട്ട​വും
എ​ത്ര​യാ​ണാ​വേ​ശം​ ​പ​ക​രു​ന്നെ​നി​ക്ക​ന്നു
എ​ത്ര​യും​ ​വേ​ഗ​ത്തി​ലെ​ത്തു​വാ​ന​ന്നെ​ന്റെ
ധ​ന്യ​ത​യാ​ർ​ന്നൊ​രാ​ ​വി​ദ്യാ​ല​യ​ത്തി​ൽ​ !
ഉ​ച്ച​നേ​ര​ത്ത​ ​ഇ​ട​വേ​ള​ ​എ​ത്തു​മ്പോൾ
കൊ​ച്ചു​ ​പൊ​തി​ച്ചോ​റ​ഴി​ച്ചു​വെ​ക്കും
കൊ​തി​യൂറും​ ​ഇ​ന്നു​മെ​ൻ​ ​നാ​വി​ൽ​ ​നി​റ​ഞ്ഞൊ​രാ
പൊ​തി​യി​ൽ​ ​നി​ന്നെ​ത്തു​ന്ന​ ​മ​ണ​മ​തോ​ർ​ത്താൽ
അ​മ്മ​ത​ൻ​ ​കൈ​കൊ​ണ്ടു​ ​'​നി​ർ​മ്മി​ത​മാ​യൊ​രു"-
ച​മ്മ​ന്തി​ ​മാ​ത്രം​മ​തി​ ​ഊ​ണി​നാ​യ്
സ്‌​​​നേ​ഹം​ ​ക​ല​ർ​ത്തി​യ​ ​ഭോ​ജ​ന​ത്തി​ൻ​ ​രു​ചി
ആ​വോ​ളം​ ​അ​മ്മ​ ​പ​ക​ർ​ന്നു​ ​ത​ന്നു.
വേ​ർ​തി​രി​വി​ല്ലാ​ത്ത​ ​ച​ങ്ങാ​തി​ക്കൂ​ട്ട​വും
ഒ​ത്തു​ചേ​ർ​ന്നു​ള്ളൊ​രു​ ​കേ​ളി​ഘോ​ഷ​ങ്ങ​ളും
മാ​യാ​തെ​കാ​ക്ക​ട്ടെ​ ​പി​ന്മു​റ​ക്കാ​ർ,​ ​ഓ​ർ​ക്കു​ക:
സ്‌​​​നേ​ഹ​സ​മ്പ​ന്ന​മീ​ ​ബാ​ല്യ​കാ​ലം!

ജനനീ

ജ​ന​നി​ ​ഭാ​ര​ത​മെ​ത്ര​ ​സു​ശോ​ഭി​നി
ഹ​രി​ത​ ​പു​ഷ്‌​ക​ല​ ​കാ​ന്തി​യെ​ഴു​ന്ന​വ​ൾ,
മ​തി​വ​രി​ല്ല​ ​പു​ക​ഴ്ത്തി​യാ​ല​ത്ര​മേ​ൽ​ ​
മി​ഴി​ക​ൾ​ന​ട്ടു​ ​നാം​ ​നി​ല്കു​മാ​ശോ​ഭ​യി​ൽ​ !
മ​ല​ക​ളു​ണ്ടു​ ,​കു​ളി​ർ​നീ​ര​രു​വി​യാ​ൽ​ ​
ര​ജ​ത​മാ​ല്യം​ ​ധ​രി​ച്ച​പോ​ലൊ​ത്തി​രി
കു​ളി​ർ​പ​വ​ന​ൻ​ ​ത​ഴു​കി​ത്ത​ലോ​ടു​ന്ന
ത​ടി​നി​ക​ളെ​ത്ര​ ​സ്വ​ച്ഛ​ന്ദ​ശീ​ത​ളം.
ത​ട​വി​ടു​ന്നു​ണ്ടു​ ​മാ​ലേ​യ​ ​സൗ​ര​ഭം,
അ​ട​വി​ക​ൾ​ ​ഘ​ന​ഗം​ഭീ​ര​ ​ശ്യാ​മ​ളം,
അ​ല​ക​ട​ൽ​ ​നീ​ല​ച്ഛാ​യാ​പു​ള​കി​തം
അ​ക​താ​രി​ന്നു​ ​പ​ക​രു​ന്നു​ ​നി​ർ​വൃ​തി​ .
ഗ​ഗ​ന​മെ​ത്ര​ ​മ​നോ​ജ്ഞം​ ​നി​റ​മു​കി​ ​
ലൊ​ളി​വി​ത​റു​ന്നു​ ​ക​ണ്കു​ളി​ർ​ക്കു​ന്നി​താ​ ,
ചെ​റു​കു​ള​ങ്ങ​ൾ,​ ​നി​റ​യു​ന്ന​ ​താ​മ​ര​ ​
മു​കു​ള​മോ​ ​നി​ൽ​പ്പു​ ​ധ്യാ​ന​നി​മീ​ലി​തം​ !
മ​ഴ​പു​ണ​രു​ന്ന​ ​കാ​ടു​ക​ൾ,​ ​പൂ​വു​കൾ
'​ക​ള​ ​ക​ള​'​ ​സ്വ​ന​മേ​ളി​തം,​ ​സു​ന്ദ​രം
അ​ധി​ക​വി​സ്മ​യ​മാ​ർ​ന്നു​കാ​ണു​ന്നി​താ
പു​ള​കി​തോ​ജ്ജ്വ​ലം​ ​വ​ർ​ണ്ണ​പ്പ​കി​ട്ടു​ക​ൾ.
നി​റ​വു​ ​തൂ​കു​മീ​ ​സ്വ​ർ​ഗ്ഗ​സ​മാ​ന​ത​ ​
യ്ക്ക​രു​ളു​കെ​ന്നും​നാം​ ​ധ​ന്യാ​ഭി​വാ​ദ​നം,
അ​റി​യു​കെ​ന്നും​ ​ന​മു​ക്കാ​യ് ​പ്ര​പ​ഞ്ച​മി​ ​
ങ്ങ​രു​ളീ​ടു​ന്നൊ​രീ​ ​സ്‌​നേ​ഹ​സൗ​ഭാ​ഗ്യ​ങ്ങ​ൾ.
ഇ​പ്ര​പ​ഞ്ചം​ ​ന​മു​ക്കു​ ​ന​ന്മ​യ്ക്ക​ത്രേ;
ശ​ത്രു​ത​വെ​ടി​ഞ്ഞൊ​ന്നി​ച്ചു​ ​നി​ൽ​ക്ക​ ​നാം.
പൂ​വി​നെ​പ്പോ​ലും​ ​നു​ള്ളി​നോ​വി​യ്ക്കാ​തെ
മോ​ദ​പൂ​ർ​വ്വം​ ​പു​ല​ർ​ത്തു​കീ​ ​ന​ന്മ​ക​ൾ.