അനുരാഗം

വന്ദനം നേരുന്നു ചന്ദനഗാത്രമേ

സുന്ദരം സുന്ദരം നിന്റെ മുഖാംബുജം

മന്ദം ഗമനം നടത്തും മരാളമേ

നന്ദ ശോഭിതം തന്നെ,​ നിൻ മന്ദസ്‌മിതം

ആരോമലേ,​ എൻ പ്രണയാഭരണം നീ

അരുമയോടണിയേണ മുൾത്തടത്തിൽ

ആതിരേ,​ നിന്നുടെ പ്രമേസുഗന്ധത്താൽ

അഭിരാമമെന്നാരാമം പൂത്തുലഞ്ഞു

സൗന്ദര്യമെ,​ എൻ ഹൃദയകമലത്തിൽ

സൗരഭ്യം നീ,​ അനുദിനം തൂകിടുന്നു

സൗഭാഗ്യമേ,​ എന്റെ സ്വപ്നസൗധത്തിൽ നീ

സംഗീത സ്വരഗംഗ ഒഴുക്കേണമേ

അനുരാഗിണീ അഭയം തരൂ,​ നിന്നിൽ

അവിരാമം അലിയട്ടെന്നാത്മരാഗം

ആനന്ദ സാഫല്യമാണെനിക്കെന്നും നീ

അമൃതം നിറയുമെന്നനുരാഗമേ.