24 കോച്ചുകളുമായി വന്ദേഭാരത് സ്ലീപ്പർ വരുന്നു, രാജധാനിക്ക് ഇനി വിശ്രമിക്കാം...

ഇന്ത്യൻ റെയിൽവേയുടെ പ്രീമിയം സർവീസായ വന്ദേ ഭാരത് സ്ലീപ്പർ ട്രെയിനുകളിൽ കൂടുതൽ യാത്രക്കാരെ ഉൾക്കൊള്ളാൻ സാധിക്കുന്ന 24 കോച്ചുകളുള്ള പുതിയ ട്രെയിനുകളുടെ നിർമ്മാണം ചെന്നൈയിലെ ഇന്റഗ്രൽ കോച്ച് ഫാക്ടറിയിൽ ഉടനാരംഭിക്കും. ചെന്നൈ ഐ.സി.എഫ് ജനറൽ മാനേജർ മനീഷ് അഗർവാളാണ് ഈ സന്തോഷ വാർത്ത ഔദ്യോഗികമായി പുറത്തുവിട്ടത്. കഴിഞ്ഞ ജനുവരിയിൽ ഹൗറയ്ക്കും കാമാഖ്യയ്ക്കും ഇടയിൽ ഇന്ത്യയിലെ ആദ്യത്തെ 16 കോച്ചുകളുള്ള വന്ദേ ഭാരത് സ്ലീപ്പർ ട്രെയിൻ വിജയകരമായി സർവീസ് ആരംഭിച്ചിരുന്നു.