നടി കനി കുസൃതിക്ക് ബിരിയാണിയിലെ പ്രകടനത്തിന് അന്താരാഷ്ട്ര പുരസ്കാരം. സ്പെയിനിലെ മാഡ്രിഡ് ഇമാജിൻ ഫിലിംഫെസ്റ്റിൽവലിലാണ് മികച്ച നടിയായി കനി കുസൃതി തിരഞ്ഞെടുത്തത്. ബിരിയാണിയുടെ രചനയും സംവിധാനവും നിർവഹിച്ചിരിക്കുന്നത് സജിൻ ബാബുവാണ്. ഇറ്റലിയിലെ റോമിലെ ഏഷ്യാറ്റിക്ക ഫെസ്റ്റിവലിൽ വേൾഡ് പ്രീമിയറായി പ്രദർശനം നടത്തി. അവിടെ മികച്ച സിനിമക്കുള്ള നെറ്റ്പാക്ക് അവാർഡ്,ബാംഗ്ലൂർ അന്താരാഷ്ട്ര ഫിലിം ഫെസ്റ്റിവലിലെ ജൂറി അവാർഡ്, മികച്ച തിരക്കഥക്കുള്ള പത്മരാജൻ പുരസ്ക്കാരം, 42മത് മോസ്കോ ഫിലിം ഫെസ്റ്റിവലിൽ ബ്രിക്സ് മത്സര വിഭാഗത്തിലെ സെലക്ഷൻ, അമേരിക്ക,ഫ്രാൻസ്, ജർമ്മനി, നേപ്പാൾ തുടങ്ങി വിവിധ അന്താരാഷ്ട്ര ഫിലിം ഫെസ്റ്റിവൽ സെലക്ഷൻ എന്നീ അംഗീകാരങ്ങൾ നേടിയ ശേഷമാണ് ബിരിയാണിക്ക് വീണ്ടും ഈ പുരസ്കാരം ലഭിച്ചിരിക്കുന്നത്.കടൽ തീരത്ത് താമസിക്കുന്ന കദീജയുടേയും,ഉമ്മയുടേയും ജീവിതത്തിൽ അപ്രതീക്ഷിതമായി ഉണ്ടാകുന്ന സംഭവങ്ങൾ കാരണം നാട് വിടേണ്ടി വരുന്നതോടെ അതിന് ശേഷമുള്ള അവരുടെ യാത്രയുമാണ് സിനിമയുടെ പ്രമേയം.
കദീജയായി കനി കുസൃതിയും ഉമ്മയായി ശൈലജ ജലയും, അഭിനയിച്ചിരിക്കുന്നത്.
കൂടാതെ സുർജിത് ഗോപിനാഥ്, അനിൽ നെടുമങ്ങാട്, ശ്യാം റെജി, തോന്നക്കൽ ജയചന്ദ്രൻ എന്നിവരും ചിത്രത്തിൽ പ്രധാന കഥാപാത്രങ്ങളായി എത്തുന്നുണ്ട്.യുഎഎൻ ഫിലിം ഹൗസിന്റെ ബാനറിൽ നിർമ്മിച്ചിരിക്കുന്ന ക്യാമറ കാർത്തിക് മുത്തുകുമാറും എഡിറ്റിംഗ് അപ്പു ഭട്ടതിരിയും സംഗീതം ലിയോ ടോമും നിർവഹിക്കുന്നു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |