ഏഴ് നക്ഷത്രക്കാർക്ക് നല്ലകാലം വരാൻ പോകുന്നു; പ്രണയകാര്യത്തിൽ തീരുമാനമാകും, പുതിയ ജോലിക്കും സാദ്ധ്യത

റാംസാഗർ തമ്പുരാൻ, ഫോൺ: 91+8301036352, വാട്സാപ്പ്: 91+7907244210, ഈമെയിൽ: samkhiyarathnam@gmail.com

2026 ഓഗസ്റ്റ് 1 കർക്കിടകം 16 ശനിയാഴ്ച. രാമായണമാസം ദിനം 16.(36 നാഴിക 09 വിനാഴിക വരെ ചതയം നക്ഷത്രം ശേഷം പൂരുരുട്ടാതി നക്ഷത്രം) [തൃതീയ തിഥി 42 നാഴിക 04 വിനാഴിക വരെ ശേഷം](രാഹുകാലം 6 മണി മുതൽ 7.30 മണി വരെ )

അശ്വതി : വിദ്യാര്‍ത്ഥികള്‍ക്ക് കഠിന പരിശ്രമം ആവശ്യമായി കാണുന്നു. ആരോഗ്യപരമായും മാനസികമിയും അസ്വസ്ഥതകള്‍ക്ക് സാദ്ധ്യതയുണ്ട്. സംസാരം വളരെ നിയന്ത്രിക്കണം.

ഭരണി : ഏതു കാര്യത്തിലും വളരെയധികം ശ്രദ്ധ പാലിക്കുക. ഔഷധം ഉപയോഗിക്കേണ്ടി വരും, ചോദ്യം ചെയ്യപ്പെടുന്ന അവസ്ഥകള്‍ ഉണ്ടാകും. ജാമ്യം നില്‍ക്കുന്നത് മൂലം വിഷമതകള്‍, വ്യവഹാരത്തില്‍ പരാജയ ഭീതി.

കാര്‍ത്തിക : ഉദ്യോഗസ്ഥര്‍ക്ക് സ്ഥാനചലനവും മറ്റ് അസ്വസ്ഥതകളും ഉണ്ടായേക്കാം. ഏല്ലാരംഗത്തും പരാജയം, ഏറ്റെടുത്ത പദ്ധതികള്‍ പൂര്‍ത്തിയാക്കാന്‍ പ്രയാസപ്പെടും.

രോഹിണി: സ്ത്രീകള്‍ക്ക് നല്ലസമയം, വിദേശയാത്രകള്‍ ഗുണകരമാകും, സ്ത്രീകള്‍ക്ക് ആഭരണ, വസ്ത്രാദിലാഭം. ധനപരമായ നേട്ടങ്ങള്‍ ചിലതൊക്കെ ഉണ്ടാകും.

മകയിരം : പുരോഗതിയും അനുകൂലങ്ങളും ഉണ്ടാകും. സാമ്പത്തിക നേട്ടങ്ങള്‍ കൈവരും. നൂതന സംരംഭങ്ങള്‍ തുടങ്ങും. പുതിയ സംരംഭങ്ങള്‍ തുടങ്ങുവാന്‍ ശ്രമിക്കും.

തിരുവാതിര : പുതിയ പ്രവര്‍ത്തന മേഖലയില്‍ പരിശ്രമങ്ങള്‍ നടത്തും. സുഹൃത്ത് സഹായം ലഭിക്കും. വ്യാപാരികള്‍ക്ക് നേട്ടമുണ്ടാകും. സന്താനങ്ങളെക്കൊണ്ട് ഗുണം.

പുണര്‍തം : സാമ്പത്തിക നേട്ടമുണ്ടാകും. ശാരീരികമായി വളരെയധികം സുഖാനുഭവങ്ങള്‍. കുടുംബത്തിൽ സമാധാനം, ആത്മവിശ്വാസക്കൂടുതല്‍, പ്രയത്നം സഫലമാകും.

പൂയം : വ്യവഹാരങ്ങളിൽ അനുകൂല തീരുമാനമുണ്ടാകും. ആരോഗ്യ പരമായ കാര്യങ്ങളില്‍ കൂടുതല്‍ ജാഗ്രത വേണം. പുതിയ ഉദ്യമങ്ങളില്‍ വിജയം കൈവരിക്കും, കീര്‍ത്തി വസ്ത്രാഭരണലാഭം.

ആയില്യം : ധനനഷ്‌ടങ്ങള്‍ ഉണ്ടാകും. കലഹങ്ങള്‍ ഉണ്ടാകാതെ നോക്കണം, സന്താനങ്ങള്‍ മൂലം കഷ്‌ടപാടുകൾ, സാമ്പത്തിക ബാദ്ധ്യതകളിൽ സമാധാനം, പ്രയത്നത്തിനുതക്ക പ്രതിഫലം കിട്ടും.

മകം : മാനസിക പ്രശ്‌നങ്ങള്‍ ഉണ്ടാകാനിടയുണ്ട്. മനഃക്ലേശവും അസ്വസ്ഥതകളും വര്‍ദ്ധിച്ചേക്കാം. അനാവശ്യ കാര്യങ്ങളില്‍ ഇടപെടരുത്. ശാരീരിക വിഷമതകള്‍ ഏറാന്‍ സാദ്ധ്യത, തന്നിഷ്ട പ്രകാരം പ്രവര്‍ത്തിക്കും.

പൂരം : യാത്രാ തടസങ്ങള്‍ ഉണ്ടായേക്കാം. ധനനഷ്ടത്തിന് സാദ്ധ്യത. എല്ലാ കാര്യങ്ങള്‍ക്കും തടസം അനുഭവപ്പെടും, അനാവശ്യ യാത്രകള്‍ കഴിവതും ഒഴിവാക്കുക, ബന്ധുക്കൾക്ക് രോഗ ദുരിതങ്ങള്‍ ഉണ്ടാകും.

ഉത്രം : ജീവിതത്തിൽ സ്വസ്ഥതയും സമാധാനവും നിലനിർത്താൻ ശ്രമിക്കണം. പങ്കാളിക്ക് ശാരീരിക മാനസിക ക്ലേശങ്ങള്‍ക്ക് സാദ്ധ്യത. താഴ്ത്തപെടല്‍ അനുഭവത്തില്‍ വരും, അന്യരെ വിശ്വാസപൂര്‍വ്വം ഒന്നും ഏല്പ്പിക്കരുത്.

അത്തം : ബിസിനസിൽ കൂടുതല്‍ ശ്രദ്ധ പാലിക്കുക. വ്യാപാര രംഗത്ത് പ്രതികൂല അനുഭവങ്ങള്‍ ഉണ്ടാകാം. ശാരീരിക സുഖക്കുറവ് അനുഭപ്പെടും, ചിന്തയിലുണ്ടാകുന്ന സംഗതികള്‍ പ്രായോഗികമാക്കാന്‍ നന്നേ ബുദ്ധിമുട്ടും.

ചിത്തിര : ഉദ്യോഗസ്ഥര്‍ കൂടുതല്‍ ശ്രദ്ധ പാലിച്ചില്ലെങ്കില്‍ ചില പ്രയാസങ്ങള്‍ വന്നുചേരാം. വിദ്യാര്‍ത്ഥികള്‍ വളരെ ജാഗ്രത പാലിക്കുക. സംസാരം വളരെ നിയന്ത്രിക്കണം, ഔഷധം ഉപയോഗിക്കേണ്ടി വരും.

ചോതി : കച്ചവടത്തിൽ പരാജയങ്ങള്‍ വരാം. സ്നേഹിതന്മാരില്‍ നിന്ന് ചതിവുകള്‍ ഉണ്ടാകാനിടയുണ്ട്, അന്യർ ചെയ്ത കുറ്റം ഏല്‍ക്കേണ്ടി വരും, അയല്‍ക്കാരുമായി കലഹിക്കാനിടവരും.

വിശാഖം : വിദ്യാര്‍ത്ഥികള്‍ വളരെ ജാഗ്രതയോടെയാണെങ്കില്‍ ഉദ്ദേശിച്ച ഗുണം ലഭിക്കും. ഉദ്യോഗസ്ഥര്‍ക്ക് ഗുണകരമായ ചില തീരുമാനങ്ങള്‍ ഉണ്ടാകും. പ്രവര്‍ത്തിവിജയം, സന്താനങ്ങളെക്കൊണ്ട് ഗുണം. കലാ മത്സരങ്ങളില്‍ വിജയവും അംഗീകാരവും.

അനിഴം : ആത്മവിശ്വാസം വര്‍ദ്ധിക്കും, ദൂരെയാത്രകള്‍ ഫലപ്രദമാകും. സാമ്പത്തികമായ ചില നേട്ടങ്ങള്‍ ഉണ്ടാകും. മറ്റുള്ളവരുടെ ആദരവ് നേടും, പൊതുകാര്യങ്ങളില്‍ വിജയം, അഭിമാനകരമായ സംഗതികള്‍ സംഭവിക്കും.

കേട്ട : ജോലിയില്‍ ചില നേട്ടങ്ങള്‍ ഉണ്ടാകും. ധനപരമായ പുരോഗതി കൈവരും. വിദ്യാര്‍ത്ഥികള്‍ക്ക് ഗുണദോഷ സമ്മിശ്രതവസ്ഥ. കുടുംബത്തില്‍ മംഗളകര്‍മ്മങ്ങള്‍ നടക്കാനിടവരും, മാദ്ധ്യമങ്ങളില്‍ ശോഭിക്കും.

മൂലം : കര്‍മ്മരംഗത്ത് നൂതനമായ പരീക്ഷണങ്ങള്‍ക്ക് ശ്രമിക്കും. ജോലിയില്‍ മാറ്റങ്ങള്‍ വരുത്തുവാന്‍ കഴിയും. അകന്നു കഴിഞ്ഞിരുന്ന ബന്ധുക്കള്‍ പിണക്കം മാറ്റും, ഗൃഹ നിര്‍മ്മാണത്തിന് പണം മുടക്കും.

പൂരാടം : ഉദ്യോഗസ്ഥര്‍ക്ക് അനുകൂല മാറ്റമുണ്ടാകും. രാഷ്ട്രീയ രംഗത്ത് പ്രവര്‍ത്തിക്കുന്നവര്‍ക്ക് സ്ഥാനമാനങ്ങള്‍ ലഭിക്കാനിടവരും, ജോലി തെടുന്നവര്‍ക്ക് അനുകൂല അറിയിപ്പ് ലഭിക്കും, പ്രണയ കാര്യങ്ങളില്‍ തീരുമാനം, മാനസിക പ്രയാസങ്ങള്‍ക്ക് കുറവ് വരാം.

ഉത്രാടം : പുതിയ തൊഴില്‍ നേടുന്നതിന് സാദ്ധ്യതയുണ്ട്. പൊതു പ്രവര്‍ത്തന രംഗത്ത് പ്രവര്‍ത്തിക്കുന്നവര്‍ക്ക് പ്രശസ്തി വര്‍ദ്ധിക്കും, ഏറെക്കാലമായി അകന്നു കഴിഞ്ഞിരുന്ന ദമ്പതികള്‍ ഒന്നിക്കും.

തിരുവോണം : വിദ്യാര്‍ത്ഥികള്‍ക്ക് നന്നായി പരിശ്രമിച്ച് വിജയിക്കാന്‍ കഴിയും. കലാകാരന്മാര്‍ക്ക് നല്ല സമയം, കുടുംബപരമായ ബാദ്ധ്യതകള്‍ തീര്‍ക്കും. സ്ത്രീകളില്‍ നിന്നും ആത്മാര്‍ഥമായ സഹകരണം പ്രതീക്ഷിക്കാം.

അവിട്ടം : കുടുംബത്തില്‍ അസ്വസ്ഥതകള്‍ക്ക് സാദ്ധ്യത കാണുന്നുണ്ട്. എതിര്‍പ്പുകളെ അതിജീവിക്കേണ്ടി വരും. കര്‍മ്മതടസം, ദുരിതങ്ങൾ, നേത്ര രോഗം വരാതെ സൂക്ഷിക്കുക, അഭിമാനക്ഷതം വരാതെ നോക്കണം.

ചതയം : പണമിടപാടുകളില്‍ കൂടുതല്‍ ശ്രദ്ധ ചെലുത്തുക, ബന്ധുജനങ്ങളെ കണ്ടു മുട്ടും, വിദേശത്ത് നിന്നും ശുഭ വാര്‍ത്തകൾ ശ്രവിക്കും, ഭൂമി വില്‍ക്കാന്‍ ഉദ്ദേശിക്കുന്നവര്‍ക്ക് തടസങ്ങള്‍ നേരിടും.

പൂരുരുട്ടാതി : സമാധാനവും സന്തോഷവും നഷ്ടപ്പെടും, കാർഷിക രംഗത്ത് പ്രവര്‍ത്തിക്കുന്നവര്‍ കരുതലോടെ നീങ്ങുക, വാശി മത്സര ബുദ്ധി ഇവ ഉപേക്ഷിക്കണം, ഉദ്യോഗസ്ഥര്‍ക്ക് ജോലിക്കൂടുതല്‍ ഉണ്ടാകും.

ഉത്രട്ടാതി : പൊതുജനങ്ങളുമായി വാക്കുതര്‍ക്കത്തിലേര്‍പ്പെടും. സഹോദര സ്ഥാനത്തുള്ളവരില്‍ നിന്നും പ്രതികൂല നിലപാട്, രഹസ്യം സൂക്ഷിക്കാന്‍ സാധിക്കില്ല, കുടുംബത്തില്‍ കലഹങ്ങള്‍, ചെലവ് ക്രമാതീതമായി വര്‍ദ്ധിക്കും.

രേവതി : കര്‍മ്മരംഗത്ത് പലവിധ പ്രതികൂല മാറ്റങ്ങള്‍ക്കും ഇടയുണ്ട്. സായാഹ്നം വരെ കാര്യങ്ങള്‍ ഏറെക്കുറെ അനുകൂലം പിന്നീട് വിഷമതകള്‍, ഉദരരോഗം. വാഗ്ദാനങ്ങള്‍ പാലിക്കാന്‍ സാധിക്കില്ല.