ലോട്ടറിയോ നിധി പോലെയുള്ള വസ്‌തുക്കളോ വഴി ധാരാളം പണം ലഭിക്കാനിടയുണ്ട്,​ ജീവിതം ഇനി ഇവർക്ക് സുഖകരമാകും

റാംസാഗർ തമ്പുരാൻ, ഫോൺ: 91+8301036352, വാട്സാപ്പ് : 91+7907244210, ഇമെയിൽ: samkhiyarathnam@gmail.com

2026 ഓഗസ്റ്റ് 19 ചിങ്ങം 3 ബുധനാഴ്ച. (1 നാഴിക 9 വിനാഴിക വരെ ചോതി നക്ഷത്രം ശേഷം വിശാഖം )

(സപ്തമി തിഥി 32 നാഴിക 31 വിനാഴിക വരെ) (രാഹുകാലം 12 മണി മുതൽ 1.30 മണി വരെ )

അശ്വതി: ലഹരി പദാർഥങ്ങളുടെ ഉപയോഗം ഒഴിവാക്കുക, മാതാപിതാക്കളുടെ ആരോഗ്യ കാര്യങ്ങളിൽ പ്രത്യേക ശ്രദ്ധ വയ്ക്കണം. ആത്മവിശ്വാസം വർദ്ധിക്കും, ഉദ്യോഗസ്ഥലത്ത് അധികാരം പ്രകടിപ്പിക്കേണ്ടി വരും.

ഭരണി: ദേഷ്യംകുറച്ച് മുന്നോട്ടു പോകണം, വസ്തു തർക്കത്തിൽ പ്രതികൂലമായി കോടതി വിധി ഉണ്ടാകാതെ നോക്കണം, ഉദ്ദേശിക്കുന്ന രീതിയിൽ ഒന്നും കാര്യങ്ങൾ നടക്കാത്തതിനാൽ നിരാശ, പണച്ചെലവും സമയ നഷ്ടവും മാനഹാനിയും ഫലം.

കാർത്തിക: കുടുംബത്തിൽ അഭിപ്രായവ്യത്യാസം ഉണ്ടാകാതെ സൂക്ഷിക്കണം,​ പ്രണയ ചിന്ത മനസ്സിനെ സന്തോഷിപ്പിക്കും. സർക്കാരിൽ നിന്നും നേട്ടം, ശത്രുക്കളിൽ നിന്നും ജയം, സംഗതികൾ അനായാസം കൈവന്നു ചേരും.

രോഹിണി: അപഖ്യാതി കേൾക്കുന്ന പ്രവർത്തികളിൽ നിന്നും വിട്ടുനിൽക്കണം. അഹംഭാവവും നിന്ദാശീലവും ഒഴിവാക്കണം. എല്ലാ കാര്യത്തിലും ശാന്തതയും സമാധാനവും പുലർത്തണം, ശത്രുക്കളിൽ നിന്നും ഭയപ്പാട്.

മകയിരം: റിയൽ എസ്‌റ്റേറ്റ്,​ ഊഹ കച്ചവടം,​ ബാങ്ക് ഇൻഷുറൻസ് എന്നീ മേഖലയിലുള്ളവർക്ക് നേട്ടങ്ങൾ, കർമ്മ മണ്ഡലത്തിൽ ഉണ്ടായിരുന്ന വിഷമതകൾ മാറിക്കിട്ടും, ഉന്നത സ്ഥാനമാനങ്ങൾ വഹിക്കേണ്ടിവരും.

തിരുവാതിര: മുടങ്ങികിടക്കുന്ന പ്രവർത്തനങ്ങൾ പുനഃരാരംഭിക്കും, പൊതുവേദിയിൽ അംഗീകാരത്തിനും ആദരവിനും യോഗം, അഭിമാനകരമായ സംഗതികൾ സംഭവിക്കും, സുഖത്തിനു വേണ്ടി ധനവും സമയവും ചെലവഴിക്കും.

പുണർതം: മനസ്സിനിഷ്ടപെട്ട തൊഴിൽ ലഭിക്കും, പൂർവ്വീക സ്വത്ത് ലഭിക്കും, പുസ്തകങ്ങൾക്കും ആരോഗ്യ പരിപാലനത്തിന് ഉള്ള ഔഷധങ്ങൾക്കുംധനം ചിലവഴിക്കും.
സന്തോഷമുള്ള ദിവസം, ബാല്യകാലത്തിലുള്ള കൂട്ടുകാരെ കാണാൻ സാധിക്കും,

പൂയം: ഭക്ഷണ പ്രിയം കൂടുതലാകും , അലസത വിട്ടൊഴിയും, അദ്ധ്യാത്മിക കാര്യങ്ങളിൽ താത്പര്യം വർദ്ധിക്കും. വസ്തുക്കളുടെ എഴുത്തുകുത്തുകൾ നടക്കാം, വൃഥാപവാദങ്ങളിൽ നിന്നും മോചനം, ഇഷ്ട ഭക്ഷണ ലഭ്യത.

ആയില്യം: കുടുംബബന്ധങ്ങളിൽ ഉണ്ടായിരുന്ന ശത്രുത കുറയും, ഔദ്യോഗിക രംഗത്ത് സ്ഥാനമാറ്റം. പരോപകാരം ചെയ്യാൻ തയ്യാറാകും, ഒരുകാര്യത്തിനും മടി വിചാരിക്കരുത്, ശത്രുജയം.

മകം: ഇഷ്ടജന സഹകരണമുണ്ടാകും. സർക്കാരിൽ നിന്നും അനുകൂല നടപടികൾ, വിവാഹം നടക്കും, മദ്ധ്യപ്രായം കഴിഞ്ഞവർക്ക് അനുകൂല സമയം, എല്ലാ കാര്യത്തിലും ശാന്തതയും സമാധാനവും പുലർത്തണം.

പൂരം: ബിസിനസ്സ് രംഗം തെളിഞ്ഞു തുടങ്ങും. സഹായവും വായ്‌പാ സൗകര്യവും ലഭിക്കും. എതിർലിംഗത്തിൽ പെട്ട മുൻകാല കൂട്ടുകാരെ അപ്രതീക്ഷിതമായി കണ്ടുമുട്ടും, ബന്ധുക്കൾ സഹായിക്കും .

ഉത്രം: അപകടങ്ങളിൽ നിന്നും അത്ഭുതകരമായി രക്ഷപ്പെടും,ദൈവ കൃപയുണ്ടാകുന്നതാണ്, ചിന്താശീലം, വിവാഹം മൂലം ഉയർച്ച, അനുരഞ്ജനം, ധനനേട്ടം. കർമ്മ മണ്ഡലത്തിൽ ഉണ്ടായിരുന്ന വിഷമതകൾ മാറിക്കിട്ടും.

അത്തം: ഇഷ്ടജനങ്ങളിൽ നിന്നും സഹോദരങ്ങളിൽ നിന്നും ഉള്ള ഭിന്നത മാറും. ആത്മീയകാര്യങ്ങളിൽ ശ്രദ്ധ വർദ്ധിക്കും, സുഹൃത്ത് സഹായം ലഭിക്കും, ജീവിതത്തിൽ മുന്നേറണമെന്നു മോഹം ജനിക്കും, വിദ്യാവിജയം.

ചിത്തിര: വിശിഷ്ട വ്യക്തികളുമായി സമ്പർക്കമുണ്ടാക്കി നേട്ടങ്ങൾ കൊയ്യും. ജീവിതാഭിലാഷങ്ങൾ യാഥാർത്ഥ്യം ആകും. പുന:പരീക്ഷയിൽ വിജയിക്കും.
ഔദ്യോഗികമായി ദൂരയാത്രകൾ, പ്രണയത്തിൽ പുരോഗതി.

ചോതി: അന്യ ദേശങ്ങളിൽ ജോലി സാദ്ധ്യത. ബന്ധുജനസന്ദർശനം മനസുഖം നൽകും. ശത്രുക്കളുടെ തന്ത്രങ്ങളെ പരാജയപ്പെടുത്തും, വില കൂടിയ സമ്മാനങ്ങളോ അംഗീകാര പത്രങ്ങളോ കിട്ടും.

വിശാഖം: അപഖ്യാതി കേൾക്കാൻ ഇടയുണ്ട്, സാമ്പത്തിക സഹായം നൽകുമ്പോൾ രേഖകൾ വാങ്ങാൻ മറക്കരുത്. മറ്റുള്ളവർക്ക് വേണ്ടി ഇഷ്ടമല്ലാത്ത പ്രവർത്തികൾ ചെയ്യേണ്ടി വരും, വിദേശത്ത് നിന്നും പ്രതീക്ഷിച്ച ധനം ലഭിക്കില്ല.

അനിഴം: ചീത്തകൂട്ടുകെട്ടു മൂലം ദുശീലങ്ങൾ ഉണ്ടാകാൻ സാദ്ധ്യത.വെള്ളത്തിലെ യാത്ര സൂക്ഷിക്കണം. ആരോഗ്യ പരിപാലനത്തിന് ധനം ചിലവാകും, പങ്കാളിക്ക് തൊഴിൽ പരാജയം, ദേവാലയ ദർശനം അത്യാവശ്യം.

കേട്ട: ഈശ്വരപ്രാർത്ഥന ശക്തമാകണം. കലാ സാംസ്‌കാരിക രംഗത്തുള്ളവർക്ക് പ്രശസ്തിയും അവസരങ്ങളും ലഭിക്കും, ആരോഗ്യ നില തൃപ്തികരം, തൊഴിൽ രഹിതർക്ക് ജോലി, സ്ത്രീ വിഷയങ്ങളിൽ സംതൃപ്തി.

മൂലം: പുതിയ മന്ത്രോപാസന നടത്തും,ധനവരവിന് സാദ്ധ്യത. ജീവിത സുഖം വർദ്ധിക്കും, ഇഷ്ടജനം വഴി നേട്ടങ്ങൾ കൈവരും, ആത്മീയ ചിന്ത, മാതൃ ഗുണം, ദൈവാധീനം ഉണ്ടാകും, കുടുംബത്തിൽ മംഗള കർമ്മങ്ങൾ നടക്കും.

പൂരാടം: അനുരാഗ ബന്ധങ്ങൾ വിവാഹത്തിൽ കലാശിക്കും. കുടുംബ കാര്യത്തിൽ ശ്രദ്ധ കേന്ദ്രീകരിക്കും. കുടുംബത്തിന്റെ ചുമതലകൾ ഉത്തരവാദിത്തത്തോടെ ചെയ്തു തീർക്കും, യാത്ര ആവശ്യം.

ഉത്രാടം: ആത്മാഭിമാനം വർദ്ധിക്കുന്ന സംഭവങ്ങളുണ്ടാകും, പൊതുരംഗത്ത് നേട്ടം. യോഗാസനങ്ങളും ഭക്ഷണ ക്രമീകരണവും ശീലിക്കണം. വിവിധ വിഷയങ്ങളിൽ താല്പര്യം തോന്നും, പുതിയ ഗൃഹോപരണങ്ങൾ വാങ്ങിക്കും.

തിരുവോണം: സ്വന്തം ആരോഗ്യത്തിൽ കൂടുതൽ ശ്രദ്ധ പ്രകടിപ്പിക്കും, അകന്നു കഴിഞ്ഞിരുന്ന ബന്ധുക്കൾ യോജിപ്പിലെത്തും, ബുദ്ധിപരമായി കാര്യങ്ങൾ നിറവേറ്റും, സുഹൃത്തുക്കൾ സഹായിക്കും .

അവിട്ടം: കുടുംബത്തിൽ മാന്യത ലഭിക്കും, ആരോഗ്യം സംരക്ഷിക്കും , വിദ്യാവിജയം, ലഹരികളിൽ നിന്നൊഴിഞ്ഞു നിൽക്കുക. രോഗങ്ങളിൽ പ്രത്യേക ശ്രദ്ധ കേന്ദ്രീകരിക്കണം. അഗ്നി സംബന്ധമായി അപകടസാദ്ധ്യത.

ചതയം: കൃത്യനിഷ്ഠ പാലിക്കാൻ പരമാവധി ശ്രമിക്കണം, എഴുത്തുകുത്തുകൾ സൂക്ഷിക്കണം, വിശ്വാസവഞ്ചനയ്ക്ക് ഇടവരരുത്. കർക്കശമായ തീരുമാനങ്ങൾ പിന്നീട് ബുദ്ധിമുട്ട് ഉണ്ടാക്കും, എല്ലാവരോടും എല്ലാം തുറന്ന് സംസാരിക്കരുത്.

പൂരുരുട്ടാതി: തൊഴിൽ പ്രശ്നങ്ങൾ വിജയകരമായി മറികടക്കാൻ സാധിക്കും, വളരെകാലമായി തീർപ്പ് കൽപ്പിക്കാതെ കിടന്ന വ്യവഹാരങ്ങളിൽ തീർപ്പാകും, മറ്റുള്ളവരുടെ കുറ്റം കണ്ടുപിടിക്കാൻ സാധിക്കും, മത്സര പരീക്ഷകളിൽ വിജയം.

ഉത്തൃട്ടാതി: കർമ്മങ്ങൾക്ക് തടസ്സം നേരിട്ടാലും അവസാനം കാര്യങ്ങൾ അനുകൂലമാകും, പഠനകാര്യങ്ങളിൽ അമിത താൽപര്യം കാണിക്കും, സ്ത്രീകൾ വഴി ഗുണാനുഭവങ്ങൾ, പൊതുരംഗത്ത് നേട്ടം, പൂർവ്വിക സ്വത്ത് ലഭിക്കും, സ്വാർഥത ഒഴിവാക്കുക, ധനലാഭം.

രേവതി: ഭരണാധികാരികൾക്ക് പ്രതിസന്ധികൾ, രഹസ്യ പ്രവർത്തനത്തിൽ ഏർപ്പെട്ട് പരാജിതരാകരുത്. മനഃസാക്ഷിക്ക് വിപരീതമായി പ്രവർത്തിക്കരുത്. കുടുംബത്തിൽ അസ്വസ്ഥതകൾ പടരാതിരിക്കാൻ ശ്രമിക്കണം, വീട് മാറി നിൽക്കേണ്ടി വരും.