ഈ നാളുകാർക്ക് നാളെ മുതൽ കോളടിച്ചു;  പണമിടപാടുകളിൽ നേട്ടവും ബിസിനസിൽ വളർച്ചയും

റാംസാഗർ തമ്പുരാൻ, ഫോൺ: 91+8301036352, വാട്സാപ്പ്: 91+7907244210, ഇമെയിൽ: samkhiyarathnam@gmail.com

2026 സെപ്തംബർ 27 (1202 കന്നി 11 ) ഞായറാഴ്ച. ( 12 നാഴിക 9 വിനാഴിക വരെ ഉത്തൃട്ടാതി നക്ഷത്രം ശേഷം രേവതി ) [ പ്രഥമ തിഥി 36 നാഴിക 45 വിനാഴിക വരെ ശേഷം ദ്വിതീയ തിഥി ] ( രാഹുകാലം 4.30 മണി മുതൽ 6 മണി വരെ )

അശ്വതി: വസ്തുക്കളോടും ആഡംബരത്തിനോടും താല്പര്യം കൂടും. പ്രൈവറ്റ് മേഖലയിലെ ജോലിക്കാർക്ക് അനുകൂല സ്ഥലം മാറ്റവും സ്ഥാനലബ്ധിയുമുണ്ടാകും.

ഭരണി: ശത്രുവിൻമേൽ വിജയം, ആഢംബര ഭ്രമം, വാക്‌സാമർത്ഥ്യത്താലും സത്യസന്ധതയാലും ജനപ്രീതിയും പ്രശംസയുമുണ്ടാകും.

കാർത്തിക: ബന്ധുക്കളുടെ എതിർപ്പുകളെ അതിജീവിക്കാൻ സാധിക്കും. ക്ഷേത്രദർശനം, തീർത്ഥാടനം എന്നിവ നടത്തും, ആത്മാർത്ഥതയുള്ള സുഹൃത്തുക്കൾ വന്നുചേരും.

രോഹിണി: സ്ത്രീകൾ മുഖേനെ സന്തോഷം, പണമിടപാടുകളിൽ നേട്ടം. സത്യസന്ധമായും നേർവഴിയോടെയും പ്രവർത്തിക്കും. ബിസിനസുകാർക്ക് മികച്ച ലാഭം പ്രതീക്ഷിക്കാം.

മകയിരം: പൊതുജനാനുകൂല്യം, അധികാരികളുടെ പ്രീതി,​ ആത്മവിശ്വാസത്തോടെ മുൻപോട്ട് പോകുവാൻ സാധിക്കും. സഹോദര സ്ഥാനീയരിൽ നിന്നും സഹായ സഹകരണങ്ങൾ ലഭിക്കും.

തിരുവാതിര: ദാമ്പത്യ സുഖം, സംസാരിച്ച് മറ്റുള്ളവരെ വശത്താക്കി കാര്യം സാധിക്കും. ഉന്നത മേഖലയിൽ അടുത്ത ബന്ധം പുലർത്തും. കർമ്മ മേഖലയിൽ അംഗീകാരവും പുരസ്‌കാരവും ലഭിക്കും.

പുണർതം: യാത്രയിൽ അസ്വസ്ഥതകൾ, കുടുംബത്തിൽ കലഹം ഉണ്ടാകും. സുഹൃത്തുക്കളോട് കർക്കശമായി ഇടപെടും. രാഷ്ട്രീയ മേഖലയിൽ പ്രവർത്തിക്കുന്നവർക്ക് പ്രതിസന്ധികൾ നേരിടേണ്ടി വരും.

പൂയം: സാമ്പത്തിക പ്രശ്നങ്ങൾക്ക് നിയമ പരിരക്ഷ വണ്ടിവരും, സർക്കാർ ജോലിയിൽ ഇരിക്കുന്നവർക്ക് ബുദ്ധിമുട്ടുകൾ,​ ശത്രുക്കൾ വർദ്ധിക്കുന്നത് പ്രശ്‌നങ്ങൾക്കിടയാക്കും.

ആയില്യം: ബിസിനസിൽ തടസങ്ങൾ നേരിടും, സ്വന്തം നേട്ടം ലാക്കാക്കി പലരും അടുത്തുകൂടി ചതിക്കാൻ നോക്കും. മുൻ കോപം മൂലം ബന്ധുക്കൾ അകലും. സാമ്പത്തിക പിരിമുറുക്കം ഉണ്ടാകും.

മകം: ഇഷ്ടമല്ലാത്തവരും ആയി സഹകരിക്കേണ്ടി വരും, ഗൃഹത്തിൽ പലതരം അസ്വസ്ഥതകൾ. നിലവിലുള്ള കടബാദ്ധ്യതകൾ വർദ്ധിക്കാതിരിക്കുവാൻ ശ്രദ്ധിക്കണം.

പൂരം: ജാമ്യം നിൽക്കുന്നത് വളരെ സൂക്ഷിച്ചു വേണം ഭാവിയിൽ ബുദ്ധിമുട്ടുണ്ടാക്കും. ബന്ധുക്കളുമായും സഹോദരങ്ങളുമായും സ്വരചേർച്ച കുറവ് ഉണ്ടാകും.

ഉത്രം: പ്രണയ കാര്യങ്ങളിൽ ദുഃഖം,ആരോഗ്യ പരിപാലനത്തിന് ധനം ചെലവാകും. കാര്യങ്ങൾ ബുദ്ധിപരമായി നീക്കിയില്ലെങ്കിൽ കുഴപ്പങ്ങളിൽ ചെന്ന് ചാടും.

അത്തം: ശത്രുക്കളുടെ തന്ത്രങ്ങളെ പരാജയപ്പെടുത്തും, ധന പ്രാപ്തി , സഹോദരങ്ങളും ബന്ധുക്കളും സഹായ സ്ഥാനത്ത് വരും. സുഹൃത്തുക്കൾക്കായി ധാരാളം പണം ചെലവഴിക്കും.

ചിത്തിര: സംസാരവും പ്രവർത്തികളും സൂക്ഷിക്കുക, ഓഹരി സംബന്ധമായ വിവാദങ്ങൾ. കുടുംബജീവിതത്തിൽ അഭിപ്രായ വ്യത്യാസങ്ങൾ ഉടലെടുക്കുകയും സ്വസ്ഥത ഇല്ലാതാവുകയും ചെയ്യാം.

ചോതി: മേലധികാരികളിൽ നിന്നും സഹായ സഹകരണങ്ങൾ ഉണ്ടാകും, പുണ്യ സ്ഥലങ്ങൾ സന്ദർശിക്കും. മുൻകാലങ്ങളിൽ നടത്തിയിരുന്ന നിക്ഷേപങ്ങളിൽ നിന്നും നേട്ടം ലഭിക്കും.

വിശാഖം: സാമ്പത്തിക കാര്യങ്ങളിൽ കുഴപ്പങ്ങൾ. ചതിക്കപ്പെടാനോ വഞ്ചിതരാകാനോ സാദ്ധ്യത, വാഹന സംബന്ധമായ ചെലവുകൾ വർദ്ധിക്കും.

അനിഴം: ദേവാലയ ദർശന ഭാഗ്യം, ജനപ്രീതിയും അംഗീകാരവും.പുതിയ ബിസിനസ് ആരംഭിക്കാൻ ആഗ്രഹിക്കുന്നവർ ഓഫീസ് നിർമ്മാണ പ്രവർത്തനങ്ങൾക്ക് തുടക്കമിടും.

തൃക്കേട്ട: സുഹൃത്തുക്കളുമായി അകലാതിരിക്കാൻ പ്രത്യകം ശ്രദ്ധിക്കണം, സ്ത്രീകൾ അപവാദം പറഞ്ഞു പരത്തും, അവിചാരിത തടസങ്ങൾ പലതും അനുഭവപ്പെടുന്നതാണ്.

മൂലം: ഉദ്ദേശിക്കുന്ന രീതിയിൽ കാര്യങ്ങൾ നടക്കും, ആഗ്രഹസാഫല്യം നേടും. വാക്‌സാമർത്ഥ്യത്താലും മാധുര്യമുള്ള സംസാരത്താലും അന്യരെ വശീകരിക്കും.

പൂരാടം: പ്രണയ കാര്യങ്ങളിൽ അനുകൂല തീരുമാനം, ആചാര മര്യാദകൾ പാലിക്കും. അന്യർക്കായി ത്യാഗ മനസ്‌കതയോടുകൂടി പ്രവർത്തിക്കും.

ഉത്രാടം: ശത്രുക്കൾ ഒഴിഞ്ഞുപോകും, ദാമ്പത്യം സന്തോഷപ്രദം, ബന്ധുക്കളുമായി നിലവിലുണ്ടായുന്ന അഭിപ്രായവ്യത്യാസം മാറും.

തിരുവോണം: അകന്നുകഴിഞ്ഞവർ അടുത്ത് വരും, ജോലി സ്ഥിരമാകും. ദാമ്പത്യ ബന്ധത്തിൽ യോജിച്ച തീരുമാനങ്ങൾ എടുക്കുന്നത് കുടുംബത്തിൽ ഐശ്വര്യമുണ്ടാക്കും.

അവിട്ടം: കുടുംബത്തിൽ ഐശ്വര്യവും സമാധാനവും, ഔഷധസേവ നിർത്താൻ സാധിക്കും. സ്വകാര്യ മേഖലയിൽ പ്രവർത്തിക്കുന്നവർക്ക് ഉന്നതസ്ഥാന പ്രാപ്തിയും സ്ഥലമാറ്റവും പ്രതീക്ഷിക്കാം.

ചതയം: പ്രതിസന്ധികൾ സ്വയം ഒഴിഞ്ഞുപോകും, പരമ്പരാഗത കലകളിൽ താല്‍പര്യവും അഭിനിവേശവും. ജീവിതത്തിൽ പല രീതിയിലും ഉയർച്ചയുണ്ടാകും. ബുദ്ധിപരമായി പ്രവർത്തിച്ച് പ്രതികൂല സാഹചര്യങ്ങളെ അതിജീവിക്കും.

പൂരുരുട്ടാതി: ധനകാര്യ സ്ഥാപനങ്ങൾ നടത്തുന്നവ‍ർക്ക് കേസുകളും നികുതി വകുപ്പുകളിൽ നിന്ന് ഉപദ്രവവും ഉണ്ടാകും.

ഉത്തൃട്ടാതി: വിലപിടിപ്പുള്ള ആഭരണങ്ങളോ യന്ത്ര സാമഗ്രഹികളോ കളവുപോകുകയോ നഷ്ടപ്പെടുകയോ ചെയ്യും.

രേവതി: ഭൂമിസംബന്ധമായ ക്രയവിക്രയങ്ങളിൽ ഏർപ്പെടുന്നവർക്ക് ധന നഷ്ടത്തിന് സാദ്ധ്യത. സംസാരം മുഖേന ശത്രുക്കള്‍ കൂടും.