ഈ നാളുകാരായ വ്യാപാരികൾക്ക് നാളെ നല്ല ദിവസം, ബിസിനസിൽ ലാഭം, ബന്ധുക്കളിൽ നിന്ന് സഹായം കിട്ടും

2026 ജൂലായ് 2 മിഥുനം 18 വ്യാഴാഴ്ച. ( 8 നാഴിക 11 വിനാഴിക വരെ ഉത്രാടം നക്ഷത്രം ശേഷം തിരുവോണം നക്ഷത്രം ), [ ദ്വിതീയ തിഥി 8 നാഴിക 39 വിനാഴിക വരെ ] ( രാഹുകാലം 1.30 മണി മുതൽ 3 മണി വരെ )

അശ്വതി: സാമ്പത്തികമായി നല്ല ദിവസമായിരിക്കും. വ്യാപാരികൾക്ക് ഇന്ന് ഒരു പ്രധാന കരാർ ഉറപ്പിക്കാൻ സാദ്ധ്യതയുണ്ട്. ഇത് അവരുടെ ബിസിനസ്സ് ഉയരങ്ങളിലെത്തിക്കും. ദാമ്പത്യ ജീവിതം സമാധാന പൂർണ്ണമാകും, കലാരംഗത്ത് പുതിയ കൂടിച്ചേരലുകൾ ഉണ്ടാകും.

ഭരണി: കുടുംബത്തോടൊപ്പം ഒരു ശുഭപരിപാടിയിൽ പങ്കെടുക്കാൻ സാദ്ധ്യതയുണ്ട്. സാമൂഹിക ബന്ധങ്ങൾ വർദ്ധിപ്പിക്കും. കുട്ടികൾക്ക് ആരോഗ്യപരമായ പ്രശ്നങ്ങൾ ഉണ്ടാകാം. പ്രണയത്തിനു കുടുംബത്തിൽനിന്നും അനുകൂലമായ നിലപാട്, ധനനേട്ടം.

കാർത്തിക: സഹപ്രവർത്തകർ പിന്തുണ നൽകും. പുതിയ പദ്ധതികളിൽ ശ്രദ്ധ കേന്ദ്രീകരിക്കും. നിയമപരമായ തർക്കങ്ങളിൽ വിജയം നേടും. വരുമാനത്തിൽ വർദ്ധനവ്, ആത്മവിശ്വാസം വർദ്ധിക്കും, ബിസിനസ്സ് കൂടുതൽ വിപുലമാക്കും.

രോഹിണി: ഇഷ്ടമുള്ള ജോലികൾ ചെയ്യാൻ അവസരം ലഭിക്കും. കുടുംബാംഗങ്ങളുടെ പൂർണ്ണ പിന്തുണയുണ്ടാകും. മുമ്പ് ഉണ്ടായിരുന്നതിനേക്കാൾ സമാധാനവും സന്തോഷവും അനുഭവപ്പെടും, ഇന്റർവ്യൂകളിൽ ജയം.

മകയിരം: ജോലിസ്ഥലത്ത് മുതിർന്ന ഉദ്യോഗസ്ഥർ തടസ്സങ്ങൾ സൃഷ്ടിക്കാൻ ശ്രമിക്കും. സുഹൃത്തുക്കൾക്ക് പണം കടം കൊടുക്കുമ്പോൾ ശ്രദ്ധിക്കുക. പെരുമാറ്റത്തിൽ സംയമനം പാലിക്കണം.സംസാരം വളരെ നിയന്ത്രിക്കണം, ധനത്തിന് ബുദ്ധിമുട്ടേണ്ടി വരും.

തിരുവാതിര: ധൃതിപ്പെട്ട് തീരുമാനങ്ങൾ എടുക്കരുത്. വസ്തു സംബന്ധമായ കാര്യങ്ങളിൽ നിരാശ നേരിടാം. കുടുംബത്തിലെ പ്രശ്നങ്ങൾ അലട്ടാൻ സാദ്ധ്യതയുണ്ട്. കുടുംബ സ്വത്തിലുള്ള തർക്കം കോടതിയിൽ എത്തും, ആരോഗ്യപരമായ പ്രയാസങ്ങൾ നേരിടേണ്ടി വരും.

പുണർതം: സാമ്പത്തിക കാര്യങ്ങളിൽ ശ്രദ്ധയും നിയന്ത്രണവും ആവശ്യമായി വരും. വിദ്യാർത്ഥികൾക്ക് പഠനത്തിലെ തടസ്സങ്ങൾ നീക്കാൻ അദ്ധ്യാപകരുടെ സഹായം ആവശ്യമായി വരും. മുതിർന്നവരുടെ ഉപദേശം തേടി വേണം എന്തും ചെയ്യാൻ.

പൂയം: അനാവശ്യ ചെലവുകളും തർക്കങ്ങളും ഒഴിവാക്കണം. പല ജോലികൾ ഒരുമിച്ച് ചെയ്യുന്നത് ശ്രദ്ധ മാറ്റാൻ സാദ്ധ്യതയുണ്ട്. സദാസമയവും കാരണമില്ലാതെ മനസ് വ്യാകുലപ്പെടും, അനാവശ്യമായ കോപം നിമിത്തം ബന്ധുക്കൾ ശത്രുക്കൾ ആകും.

ആയില്യം: വരുമാനവും ചെലവും നിയന്ത്രിക്കണം, അല്ലെങ്കിൽ സാമ്പത്തിക സ്ഥിതി മോശമാകും. ചെയ്യുന്ന ജോലികൾക്ക് ഫലം ലഭിക്കാൻ സമയമെടുക്കും. കലാകാരന്മാരെ അപകീർത്തി പെടുത്താൻ മറ്റുള്ളവർ ശ്രമിക്കും സൂക്ഷിക്കുക, തൊഴിൽ സ്ഥാപനത്തിൽ കുഴപ്പങ്ങൾ ഉണ്ടാകും.

മകം: അതിഥികൾ വരുന്നത് കാരണം ചെലവുകൾ വർദ്ധിക്കാമെങ്കിലും, കുട്ടികൾ സന്തോഷത്തോടെ സമയം ചെലവഴിക്കും. അകന്നു കഴിഞ്ഞവർ അടുത്ത് വരും, സ്വന്തം പ്രവൃത്തികൾ വിജയത്തിൽ എത്തും, കർമ്മ മേഖലയിൽ നില നിന്നിരുന്ന അനിശ്ചതത്വം മാറിപ്പോകും.

പൂരം: സഹോദരനുമായി വ്യാപാരത്തിലെ പ്രശ്നങ്ങൾ പങ്കുവെക്കുന്നത് ഗുണം ചെയ്യും. പാർട്ട് ടൈം ജോലി ചെയ്യാൻ ആഗ്രഹിക്കുന്നവർക്ക് അതിന് സമയം കണ്ടെത്താൻ കഴിയും. ശമ്പള വർദ്ധനവിന് യോഗം, താൽക്കാലിക ജോലി സ്ഥിരപ്പെടുത്താൻ മേലുദ്യോഗസ്ഥർ സഹായിക്കും.

ഉത്രം: കുടുംബാംഗങ്ങളെക്കുറിച്ചും കുട്ടികളുടെ ഭാവിയെക്കുറിച്ചും ആശങ്കയുണ്ടാകാം. എന്നാൽ വ്യാപാരത്തിൽ വലിയ ലാഭം ലഭിക്കുന്നത് സാമ്പത്തിക സ്ഥിതി മെച്ചപ്പെടുത്തും.സർക്കാരിൽ നിന്നും അനുകൂലമായി മറുപടി ലഭിക്കും, കർമ്മരംഗം ഉഷാറാകും, ബന്ധുബലം വർദ്ധിക്കും, ശത്രുജയം.

അത്തം: ബിസിനസ്സിലെ കാര്യങ്ങൾ ചിട്ടപ്പെടുത്തും. പങ്കാളിയുടെ പൂർണ്ണ പിന്തുണയുണ്ടാകും. പ്രണയ ബന്ധങ്ങളിൽ പുതിയ ഊർജ്ജം നിറയും. വൈകുന്നേരം കൂട്ടുകാരുമായി സമയം ചെലവഴിക്കും.

വിദേശയാത്രകൾ ഗുണകരമാകും, വിദ്യാവിജയം, തടസങ്ങൾമാറും, ബസിനസ്സിൽ ധനവർദ്ധനവ്.

ചിത്തിര: കുടുംബത്തിൽ ശുഭപരിപാടികൾക്ക് സാദ്ധ്യതയുണ്ട്. പിതാവിന്റെ ഉപദേശം തേടേണ്ടി വരും. ബന്ധുക്കളുമായുള്ള ബന്ധം മെച്ചപ്പെടും, ദാമ്പത്യസുഖം, ആഗ്രഹങ്ങൾ സഫലമാകും, തൊഴിൽ മേഖലയിൽ നിന്നും നേട്ടം, സന്താനങ്ങളെക്കൊണ്ട് ഗുണം.

ചോതി: കുട്ടികൾ സാമൂഹിക പ്രവർത്തനങ്ങളിൽ ഏർപ്പെടുന്നത് സന്തോഷം നൽകും. തൊഴിൽ സംബന്ധമായ തർക്കങ്ങൾ അവസാനിക്കും. പുതിയ പ്രോജ്ക്ടുകളിൽ പ്രവർത്തിക്കാൻ സാദ്ധ്യതയുണ്ട്. മംഗളകർമ്മങ്ങൾക്ക് സാക്ഷിയാകും, ഉദ്യോഗത്തിൽ നേട്ടങ്ങൾ.

വിശാഖം: കുടുംബത്തിൽ സമാധാനവും സന്തോഷവും കളിയാടും. ജോലിയിലോ ബിസിനസ്സിലോ പുതിയ മാറ്റങ്ങൾ കൊണ്ടുവരുന്നത് ഗുണം ചെയ്യും. വൈകന്നേരം കുടുംബത്തോടൊപ്പം സന്തോഷം പങ്കിടാൻ സാധിക്കും, സമ്മാന ലാഭം, താൽക്കാലിക ജോലി സ്ഥിരമാകും, യാത്രാഗുണം.

അനിഴം: ബുദ്ധി ഉപയോഗിച്ച് കാര്യങ്ങൾ നേടാനാകും. കുടുംബത്തിലെ പ്രശ്നങ്ങൾ പരിഹരിക്കാൻ സാധിക്കും. സഹോദരങ്ങളുമായുള്ള ബന്ധം മെച്ചപ്പെടും. വിവാഹിതർ ആകാത്തവർക്ക് നല്ല വിവാഹാ ആലോചനകൾ വരും. പുതിയ അവസരങ്ങൾ, കലാമത്സരങ്ങളിൽ വിജയവും അംഗീകാരവും.

തൃക്കേട്ട: പുതിയ ബിസിനസ് അവസരങ്ങൾ തിരിച്ചറിയേണ്ടതുണ്ട്. ദൈനംദിന ജോലികൾക്ക് പുറമെ പുതിയ കാര്യങ്ങൾ ചെയ്യും. സ്വകാര്യ മേഖലയിൽ ജോലി ചെയ്യുന്നവർ സംസാരത്തിലും പെരുമാറ്റത്തിലും ശ്രദ്ധിക്കണം. ആത്മനിയന്ത്രണം പാലിക്കുന്നതിനാൽ ആപത്തുകളിൽ നിന്നും രക്ഷ.

മൂലം: മാനസിക സമ്മർദ്ദം ഒഴിവാക്കാൻ ക്ഷമയോടെയും വിനയത്തോടെയും പ്രവർത്തിക്കണം. ജോലിയിൽ ചുമതലകളും അധികാരങ്ങളും വർദ്ധിക്കും, ഇത് ചില ബുദ്ധിമുട്ടുകൾ ഉണ്ടാക്കിയേക്കാം. സ്ത്രീകൾ കാരണം ചിലർക്ക് പ്രയാസങ്ങൾ വന്നേക്കാം.

പൂരാടം: ശത്രുക്കൾ നിങ്ങളെ അനാവശ്യമായി ശല്യപ്പെടുത്താൻ ശ്രമിക്കും. വിദ്യാർത്ഥികൾക്ക് പഠനത്തിന് പണം കണ്ടെത്താൻ ബുദ്ധിമുട്ട് നേരിടാം, അനാവശ്യമായി പണം ചെലവാകും, ദാമ്പത്യ ജീവിതത്തിൽ വിഷമതകൾ, കുട്ടികൾക്ക് കണ്ണുമായി ബന്ധപ്പെട്ട പ്രശ്നങ്ങൾ ഉണ്ടാകാം, അതിനാൽ ശ്രദ്ധിക്കുക.

ഉത്രാടം: സഹോദരങ്ങൾക്കിടയിലും വ്യാപാര പങ്കാളികൾക്കിടയിലും അഭിപ്രായവ്യത്യാസങ്ങൾ ഉണ്ടാകാം.
വ്യാപാരത്തിന് ഒരു പരിചയ സമ്പന്നന്റെ ഉപദേശം ആവശ്യമായി വരും. മനസ്സിലുദേശിച്ച സംഗതികൾ നേടിയെടുക്കാൻ എന്ത് മാർഗ്ഗവും സ്വീകരിക്കും.

തിരുവോണം: ശത്രുക്കൾ ജോലിയിലും വ്യാപാരത്തിലും ബുദ്ധിമുട്ടിക്കാൻ ശ്രമിക്കും, അതിനാൽ ശ്രദ്ധിക്കണം. കണ്ണും കാതും തുറന്ന് പ്രവർത്തിക്കണം. സ്ഥലമാറ്റത്തിനുള്ള സാദ്ധ്യതകൾ തൽക്കാലം മാറ്റിവെക്കേണ്ടി വരും.
ആരോഗ്യപരമായി കരുതൽ വേണം, നിയമപരമായി ബുദ്ധിമുട്ടുകൾ അനുഭവപ്പെടാം.

അവിട്ടം: സ്വത്ത് വാങ്ങാൻ ഉദ്ദേശിക്കുന്നുണ്ടെങ്കിൽ, എല്ലാ വശങ്ങളും ശ്രദ്ധാപൂർവ്വം പരിശോധിക്കുക. സാമ്പത്തിക ലാഭം ഉണ്ടാകുമെങ്കിലും, ചെലവ് കൂടമ്പോൾ ആശങ്കയുണ്ടാകും. പ്രിയപ്പെട്ടവരുടെ ആരോഗ്യ കാര്യങ്ങളിൽ ശ്രദ്ധിക്കേണ്ടി വരും. വ്യാപാര ആവശ്യങ്ങൾക്കായി യാത്രകൾ ചെയ്യേണ്ടി വരും.

ചതയം: സാമ്പത്തിക നേട്ടങ്ങളും കുടുംബപരമായ സന്തോഷങ്ങളും ഉണ്ടാകുമെങ്കിലും ചില വെല്ലുവിളികളും നേരിടേണ്ടി വരും. മുതിർന്നവരുടെ സഹായത്തോടെ സന്താനങ്ങളുടെ കാര്യത്തിൽ ആശ്വാസം ലഭിക്കാനും കുടുംബ വഴക്കുകൾ അവസാനിക്കാനും സാദ്ധ്യതയുണ്ട്.

പൂരുരുട്ടാതി: വ്യാപാരികൾക്ക് നല്ല ദിവസമായിരിക്കും. ലാഭത്തിനുള്ള പുതിയ അവസരങ്ങൾ ലഭിക്കും. കുട്ടികളുടെ വിവാഹ തടസ്സങ്ങൾ നീങ്ങും. സാമൂഹിക രംഗത്ത് പ്രശസ്തി വർദ്ധിക്കും. മാനസിക നിലയിൽ ശാന്തത, ആപത്തുകൾ മാറും, ബന്ധുക്കളിൽ നിന്നും സഹായം കിട്ടും, ദൈവാനുകൂല്ല്യം.

ഉത്തൃട്ടാതി: പങ്കാളിത്ത ബിസിനസ്സിൽ നിന്ന് നല്ല ലാഭം ലഭിക്കും. വീട്ടുജോലികൾ തീർക്കാൻ അവസരം ലഭിക്കും. മക്കളുടെ വിവാഹം സംബന്ധിച്ച് തീരുമാനമെടക്കേണ്ടി വരും. അമ്മയുടെ ആരോഗ്യ കാര്യത്തിൽ ശ്രദ്ധിക്കുക, തൊഴിൽ രംഗത്ത് നിന്നും ആനുകൂല്ല്യം. ദാമ്പത്യം സുഖപ്രദം.

രേവതി: വ്യാപാരം ചെയ്യുന്നവർക്ക് ശുഭവാർത്ത ലഭിക്കാൻ സാധ്യതയുണ്ട്. കുട്ടികളുടെ ഭാവിയെക്കുറിച്ച് ആശങ്കയുണ്ടാകാം. പങ്കാളിയുടെ പിന്തുണയോടെ ചില പ്രശ്നങ്ങൾ പരിഹരിക്കാൻ കഴിയും, വിദ്യാഗുണം, പുതിയ അറിവുകൾ സമ്പാദിക്കും, സമൂഹത്തിലെ ഉന്നത സ്ഥാനീയരുടെ ആശിർവാദങ്ങൾ ലഭിക്കും.