'ഐ ആം ഗെയിമിൽ' കാമിയോയായി ആസിഫ് അലി

ദുൽഖർ സൽമാൻ നായകനായി നഹാസ് ഹിദായത്ത് സംവിധാനം ചെയ്യുന്ന ഐ ആം ഗെയിമിൽ കാമിയോയായി ആസിഫ് അലി എത്തുന്നു എന്ന് വിവരം. 2012ൽ ദുൽഖർ സൽമാൻ നായകനായി അൻവർ ഷീദ് സംവിധാനം ചെയ്ത ഉസ്താദ് ഹോട്ടലിൽ അതിഥി താരമായി ആസിഫ് അലി എത്തിയിരുന്നു. സെപ്തംബർ 3ന് ഐ ആം ഗെയിം റിലീസ് ചെയ്യും. മൂന്നു വർഷത്തിനുശേഷം ദുൽഖർസൽമാൻ നായകനായി എത്തുന്ന മലയാള ചിത്രം എന്ന നിലയിൽ വൻ പ്രതീക്ഷ നൽകുന്നു. മാസ് ആക്ഷൻ ത്രില്ലർ ഗണത്തിൽപ്പെടുന്ന ഐ ആം ഗെയിം ദുൽഖറിന്റെ കരിയറിലെ ഏറ്റവും ഉയർന്ന ബഡ്ജറ്റിൽ എത്തുന്ന ചിത്രം കൂടി ആണ്.

തമിഴ് നടി സംയുക്ത വിശ്വനാഥന്റെയും തമിഴ് സംവിധായകനും നടനുമായ മിഷ്കിന്റെയും മലയാള അരങ്ങേറ്റം ആണ്. കയാദു ലോഹർ, ആന്റണി വർഗീസ്,​ വിനയ് ഫോർട്ട്,​ കതിർ,​ പാർത്ഥ് തിവാരി എന്നിവരും നിർണായക വേഷത്തിൽ എത്തുന്നു. വേഫെറർ ഫിലിംസിന്റെ ബാനറിൽ ദുൽഖർ സൽമാൻ,​ ജോം വർഗീസ് എന്നിവർ ചേർന്നാണ് നിർമ്മാണം. സജീർ ബാബ,​ ഇസ്മയിൽ അബൂബക്കർ,​ ബിലാൽ മൊയ്തു എന്നിവർ ചേർന്ന് തിരക്കഥ ഒരുക്കുന്നു. ആദർശ് സുകുമാരനും ഷഹബാസ് റഷീദും ചേർന്നാണ് സംഭാഷണം. ജിംഷി ഖാലിദ് ഛായാഗ്രഹണം നിർവഹിക്കുന്നു. സംഗീതം ജേക്സ് ബിജോയ്,​ എഡിറ്റിംഗ് ചമൻ ചാക്കോ ,ആക്ഷൻ അൻപറിവ്.