ഈ വാരം തന്നെ 100 കോടി ക്ളബ് ഉറപ്പിക്കാം

ബെത്‌ലഹേം കുടുംബ യൂണിറ്റ് റിലീസ് ചെയ്ത് മൂന്നാം ദിനം ആഗോള കളക്ഷൻ 60 കോടി എന്ന് വിവരം. മലയാള സിനിമ കണ്ട എക്കാലത്തെയും ഏറ്റവും വലിയ വിജയങ്ങളിലൊന്നിലേക്കാണ് ചിത്രത്തിന്റെ കുതിപ്പ് . കഴിഞ്ഞ ഓണക്കാലത്ത് ലോക: സൃഷ്ടിച്ചതിന്‌ സമാനമായ തരംഗമാണ് ബെത്‌ലഹേം തിയേറ്ററുകളിൽ തീർക്കുന്നത്.നിവിൻ പോളിയും മമിത ബൈജുവും പ്രധാന വേഷങ്ങളിലെത്തിയ ചിത്രം ആഗോള ബോക്സോഫീസിൽ നടത്തുന്ന മുന്നേറ്റം മലയാള സിനിമയ്ക്ക് നൽകുന്നത് വൻ ആശ്വാസം ആണ് . ഗിരീഷ് എ.ഡി. സംവിധാനം ചെയ്ത ചിത്രം ശനിയാഴ്ച ഇന്ത്യയിൽ 7.15 കോടി നെറ്റ് നേടി. ഇതോടെ രണ്ട് ദിവസത്തെ ഇന്ത്യ നെറ്റ് കളക്ഷൻ 12.05 കോടി ആയി. ഇന്ത്യ ഗ്രോസ് 14.05 കോടി പിന്നിട്ടു.വിദേശ വിപണിയിൽ രണ്ടാം ദിവസം ഏകദേശം 13 കോടി കൂടി നേടിയതോടെ ചിത്രത്തിന്റെ ഓവർസീസ് ഗ്രോസ് 23.20 കോടി ആയി. ഇതോടെ രണ്ട് ദിവസത്തെ വേൾഡ്‌വൈഡ് ഗ്രോസ് 37.25 കോടിയിലെത്തി. കേരളത്തിൽ നിന്ന് മാത്രം രണ്ടാം ദിവസം 6.25 കോടി ഗ്രോസ് നേടി.കർണാടകയിൽ നിന്ന് 1കോടിയും തമിഴ്നാട്ടിൽ നിന്ന് 50 ലക്ഷവും ചിത്രം നേടി.ഞായറാഴ്ച കേരളത്തിൽ എല്ലാ കേന്ദ്രങ്ങളിലും ഹൗസ് ഫുൾ ഷോകളുമായായിരുന്നു പ്രദർശനം.