യൂറോപ്പിൽ സൂപ്പർ വൈബിൽ മഞ്ജു വാര്യർ

സിനിമാ തിരക്കുകൾ ഒഴിയുമ്പോൾ യാത്രകൾ ചെയ്യുന്ന താരമാണ് മലയാളത്തിന്റെ സ്വന്തം മഞ്ജു വാര്യർ. അടുത്തിടെ യൂറോപ്പിലേക്കു നടത്തിയ യാത്രയുടെ ചിത്രങ്ങൾ മഞ്ജു വാര്യർ സമൂഹ മാദ്ധ്യമത്തിൽ പങ്കു വച്ചു. 'ഞാൻ എന്നോട് മന്ത്രിച്ചു,​ പോയി ജീവിക്കൂ' എന്നാണ് ചിത്രങ്ങൾക്ക് മഞ്ജു നൽകിയ അടിക്കുറിപ്പ് . സ്റ്റൈലിഷ് ലുക്കിൽ മഞ്ജുവിനെ ചിത്രങ്ങളിൽ കാണാൻ കഴിയുന്നു. സിനിമകളിലെ മഞ്ജുവിനെ മാത്രമല്ല,​ ജീവിതത്തിലെ മഞ്ജുവിനെയും മലയാളികൾക്ക് ഏറെയിഷ്ടമാണ്. വെള്ളിത്തിരയ്ക്ക് പുറത്തെ മഞ്ജുവിന്റെ വിശേഷങ്ങൾ അറിയാനും ആരാധകർക്ക് താത്പര്യം ഏറെയാണ്.

വിജയ് സേതുപതിക്ക് ഒപ്പം അഭിനയിച്ച വിടുതലൈ 2 ആണ് മഞ്ജുവിന്റെ പുതിയ റിലീസ്. ഡിസംബർ 20 നാണ് ചിത്രം തിയേറ്ററിൽ എത്തിയത്. വെട്രിമാരൻ സംവിധാനം ചെയ്ത 2023ൽ ഇറങ്ങിയ വിടുതലൈ എന്ന ചിത്രത്തിന്റെ രണ്ടാം ഭാഗമാണ്. മോഹൻലാൽ - പൃഥ്വിരാജ് ചിത്രംഎമ്പുരാൻ ആണ് റിലീസിന് ഒരുങ്ങുന്നത്.