ടൊവിനോയുടെ പള്ളിച്ചട്ടമ്പി പൂജ

ടൊവിനോ തോമസിനെ നായകനാക്കി ഡിജോ ജോസ് ആന്റണി സംവിധാനം ചെയ്യുന്ന പള്ളിച്ചട്ടമ്പി എന്ന ബിഗ് ബഡ്‌ജറ്റ് ചിത്രത്തിന്റെ പൂജ നടന്നു. പിരീയഡ് സ്വഭാവമുള്ള ചിത്രത്തിൽ വലിയ താരനിശ അണിനിരക്കുന്നുണ്ട്. എസ്. സുരേഷ്‌ബാബു ആണ് രചന. വേൾഡ് വൈഡ് ഫിലിംസിന്റെ ബാനറിൽ നൗഫൽ, ബ്രിജേഷ് എന്നിവർ ചേർന്നാണ് നിർമ്മാണം. ദിവാകർ മണി ഛായാഗ്രഹണം നിർവഹിക്കുന്നു. ജക്സ് ബിജോയ് സംഗീതം ഒരുക്കുന്നു. ശ്രീജിത്ത് സാരംഗ് ആണ് ചിത്രസംയോജനം. തൻസീർ സലാം, സി.സി.സി ബ്രദേഴ്സ് എന്നിവരാണ് നിർമ്മാതാക്കൾ. ദിലീഷ് നാഷ് കലാസംവിധാനവും മഞ്ജുഷ രാധാകൃഷ്ണൻ കോസ്റ്റ്യൂംസും ഷീദ് അഹമ്മദ് മേക്കപ്പും നിർവഹിക്കുന്നു. പ്രൊഡക്‌ഷൻ കൺട്രോളർ രാജേഷ് മേനോൻ. ചിത്രീകരണം ഉടൻ ആരംഭിക്കും.