സി.ആർ.പി.എഫ് മോണ്ടിസോറി സ്കൂളിൽ കരാർ നിയമനം

തിരുവനന്തപുരം പള്ളിപ്പുറം സെൻട്രൽ റിസർവ് പൊലീസ് ഫോഴ്സ് ​ഗ്രൂപ്പ് സെന്ററിലെ മോണ്ടിസോറി സ്കൂളിൽ വിവിധ തസ്തികകളിലെ കരാർ നിയമനത്തിന് അപേക്ഷ ക്ഷണിച്ചു. ഹെഡ് മിസ്ട്രസ്-കം-ടീച്ചർ / നഴ്സറി & കെ.ജി ടീച്ചർ & ആയ തസ്തികകളിലേക്ക് 11 മാസത്തേക്കാണ് നിയമനം. നഴ്സറി & കെ.ജി ടീച്ചർ തസ്തികയിൽ മെട്രിക്കുലേഷൻ പാസായ, അംഗീകൃത സ്ഥാപനത്തിൽ നിന്ന് 'നഴ്സറി ട്രെയിനിംഗ് ഡിപ്ലോമ സർട്ടിഫിക്കറ്റ്' നേടിയ പരിശീലനം ലഭിച്ച അദ്ധ്യാപകർക്ക് മുൻഗണന. ജെ.ബി.ടി യോഗ്യതയുള്ള/ പരിശീലനം ലഭിച്ച ബിരുദധാരികൾ/ബിരുദാനന്തര ബിരുദധാരികൾ എന്നിവരെ രണ്ടാമതായി പരി​ഗണിക്കും. ഇവരുടെ അഭാവത്തിൽ നഴ്സറി സ്കൂളുകളിൽ മതിയായ അദ്ധ്യാപന പരിചയമുള്ള പരിശീലനം ലഭിക്കാത്ത ബിരുദധാരികളെ നിയമിക്കും. പരിശീലനം ലഭിക്കാത്ത ബിരുദധാരികളുടെ അഭാവത്തിൽ, നഴ്സറി സ്കൂളുകളിൽ കുറഞ്ഞ മെട്രിക്കുലേഷൻ യോഗ്യതയും മതിയായ അദ്ധ്യാപന പരിചയവുമുള്ളവരെ താത്കാലികാടിസ്ഥാനത്തിൽ നിയമിക്കും.

ആയ തസ്തികയിലേക്ക് മെട്രിക്കുലേഷൻ കഴിഞ്ഞവരും 5 വയസ്സിന് താഴെയുള്ള കുട്ടികളെ പരിപാലിക്കുന്നതിൽ പരിചയമുള്ളവരും അഭികാമ്യം. പ്രായപരിധി 50 വയസ്സിന് താഴെ.

ഉദ്യോഗാർത്ഥികൾ വിദ്യാഭ്യാസ/പരിചയ സർട്ടിഫിക്കറ്റ്, ആധാർ, എന്നിവയുടെ സാക്ഷ്യപ്പെടുത്തിയ പകർപ്പുകൾ സഹിതം മൊബൈൽ നമ്പർ ഉൾപ്പെടെ "CRPF, മോണ്ടിസോറി സ്കൂൾ, പള്ളിപ്പുറം ഹെഡ് മിസ്ട്രസ്-കം-ടീച്ചർ / നഴ്സറി ടീച്ചർ ആൻഡ് ആയ തസ്തികയ്ക്കുള്ള അപേക്ഷ" എന്ന കവറിനു മുകളിൽ രേഖപ്പെടുത്തി DIGP, GC-CRPF, പള്ളിപ്പുറം, തിരുവനന്തപുരം-695316 (ടെൽ-0471-2752617) വിലാസത്തിൽ ഏഴിന് മുൻപ് അപേക്ഷ ലഭ്യമാക്കണം.