താങ്ങാനാവുന്നില്ല പടച്ചോനേ...

കോഴിക്കോട്: കൃഷ്ണമണിപോലെ കാത്തതാണ്. താങ്ങാനാവുന്നില്ല പടച്ചോനേ... ഷഹബാസിന്റെ ചേതനയറ്റ ദേഹം വീട്ടിലെത്തിച്ചപ്പോൾ മാതാവ് റംസീന അലറിക്കരഞ്ഞു, കുഴഞ്ഞുവീണു.

വെെകിട്ടത്തെ ചായയ്ക്കുള്ള പലഹാരം വാങ്ങാൻ പറഞ്ഞുവിട്ട മകൻ ഇനിയില്ലെന്ന സത്യം റംസീനയ്ക്ക് ഉൾക്കൊള്ളാനാവുന്നില്ല. തല വല്ലാതെ പെരുക്കുന്നു ഉമ്മാ... ഷഹബാസ് അവസാനമായി റംസീനയോട് പറഞ്ഞത് ഇത്ര മാത്രം. പിന്നീട് ഉമ്മായെന്ന സ്നേഹവിളി റംസീന കേട്ടില്ല. മകന്റെ വിയോഗ വാർത്തയറിഞ്ഞ മാതാവിനേയും പിതാവിനേയും സഹോദരങ്ങളേയും ഉച്ചയോടെയാണ് കോരങ്ങാട്ടെ പാലോറക്കുന്നിലെ തറവാട്ടു വീട്ടിലേക്ക് മാറ്റിയത്. ആരോടും ഒന്നും മിണ്ടാതെ സങ്കടം ഉള്ളിലൊതുക്കി അവർ കാത്തിരുന്നു. പോസ്റ്റ്മോർട്ടം കഴി‌ഞ്ഞ് വീട്ടിലെത്തിച്ച വെള്ളപുതച്ച ശരീരം കണ്ടതോടെ കൂട്ടനിലവിളിയായി. ബന്ധുക്കളും സുഹൃത്തുക്കളും ആശ്വസിപ്പിക്കാനാകാതെ കണ്ണീരടക്കി.

കടുത്ത ശിക്ഷ നൽകണം

ഷഹബാസിനെ ആക്രമിച്ചവരുടെ കൂട്ടത്തിൽ മുതിർന്നവരും ഉണ്ടെന്ന് അവന്റെ സുഹൃത്തുക്കൾ കഴിഞ്ഞ ദിവസം മാതാവിനോട് പറഞ്ഞിരുന്നു. മർദ്ദിച്ചവരിൽ ഒരാൾ ക്ഷമാപണം നടത്തി ഇൻസ്റ്റഗ്രാം സന്ദേശമയച്ചു. ഇനിയൊരു ഉമ്മയ്ക്കും ഈ അവസ്ഥയുണ്ടാകരുതെന്നും കടുത്ത ശിക്ഷ ഉറപ്പാക്കണമെന്നും റംസീന പറഞ്ഞു. വ്യാഴാഴ്ച അവൻ ഛർദ്ദിക്കാൻ തുടങ്ങി. ഞങ്ങൾ ആകെ ഭയന്നു. വീടിനു സമീപം കാർ വരാത്തതിനാൽ അവനെ എടുത്താണ് കാറിൽ കയറ്റിയതെന്ന് പിതാവ് ഇക്ബാൽ പറഞ്ഞു. അവനെ ഇല്ലാതാക്കാൻ തന്നെയായിരുന്നു അവരുടെ തീരുമാനം. സംഭവിച്ചത് എന്താണെന്ന് മർദ്ദനമേറ്റ ഞായറാഴ്ച പറഞ്ഞിരുന്നെങ്കിൽ ഒരുപക്ഷേ എന്റെ മകൻ... ഇക്ബാലിന്റെ വാക്കുകൾ തേങ്ങലിൽ മുറിഞ്ഞു.

പൊ​ലി​ഞ്ഞ​ത് വീ​ടി​ന്റെ​ ​സ്വ​പ്നം

സാ​മ്പ​ത്തി​ക​മാ​യി​ ​വ​ള​രെ​ ​പി​ന്നാ​ക്കം​ ​നി​ൽ​ക്കു​ന്ന​ ​കു​ടും​ബ​മാ​ണ് ​ഷ​ഹ​ബാ​സി​ന്റേ​ത്.​ ​പ്ര​വാ​സി​യാ​യി​രു​ന്ന​ ​ഷ​ഹ​ബാ​സി​ന്റെ​ ​പി​താ​വ് ​ഇ​ക്ബാ​ൽ​ ​കൂ​ലി​പ്പ​ണി​യും​ ​മ​റ്റു​മാ​യി​ ​ഇ​പ്പോ​ൾ​ ​നാ​ട്ടി​ലാ​ണ്.​ ​താ​മ​ര​ശ്ശേ​രി​ ​ചു​ങ്കം​ ​പാ​ലോ​റ​ക്കു​ന്ന് ​ത​റ​വാ​ട് ​വീ​ടി​നോ​ടു​ ​ചേ​ർ​ന്ന് ​പു​തി​യ​ ​വീ​ടി​ന്റെ​ ​പ​ണി​ ​ന​ട​ക്കു​ന്ന​തി​നാ​ൽ​ ​ഒ​ന്ന​ര​വ​ർ​ഷ​മാ​യി​ ​കോ​ര​ങ്ങാ​ട് ​പി.​സി​ ​മു​ക്കി​ലു​ള്ള​ ​വാ​ട​ക​ ​വീ​ട്ടി​ലാ​ണ്.​ ​നാ​ലു​ ​മ​ക്ക​ളി​ൽ​ ​മൂ​ത്ത​വ​നാ​ണ് ​ഷ​ഹ​ബാ​സ്.​ ​അ​വ​നെ​ ​പ​ഠി​പ്പി​ച്ച് ​വ​ലി​യൊ​രാ​ളാ​ക്ക​ണ​മെ​ന്ന​ ​പി​താ​വി​ന്റെ​ ​സ്വ​പ്ന​മാ​ണ് ​അ​ണ​ഞ്ഞു​പോ​യ​ത്.

അ​ട്ടി​മ​റി​ച്ചേ​ക്കു​മെ​ന്ന് ബ​ന്ധു​ക്കൾ

ഷ​ഹ​ബാ​സി​ന്റെ​ ​ദാ​രു​ണ​ ​മ​ര​ണ​ത്തി​ൽ​ ​അ​ന്വേ​ഷ​ണം​ ​അ​ട്ടി​മ​റി​ക്ക​പ്പെ​ടു​മോ​ ​എ​ന്ന​ ​ആ​ശ​ങ്ക​യി​ലാ​ണ് ​കു​ട്ടി​യു​ടെ​ ​ര​ക്ഷി​താ​ക്ക​ളും​ ​ബ​ന്ധു​ക്ക​ളും.​ ​സം​ഭ​വ​ത്തി​ൽ​ ​കു​റ്റാ​രോ​പി​ത​രാ​യ​ ​കു​ട്ടി​ക​ളി​ൽ​ ​ഒ​രാ​ളു​ടെ​ ​പി​താ​വ് ​പൊ​ലീ​സ് ​ഡ്രൈ​വ​റാ​ണ്.​ ​മ​റ്റൊ​രു​ ​കു​ട്ടി​യു​ടെ​ ​പി​താ​വ് ​നി​ര​വ​ധി​ ​കേ​സു​ക​ളി​ൽ​ ​പ്ര​തി​യാ​യി​ട്ടു​ണ്ട്.​ ​സ്വാ​ധീ​ന​മു​ള്ള​ ​ഇ​വ​ർ​ ​സ​മ്മ​ർ​ദ്ദം​ ​ചെ​ലു​ത്തി​ ​അ​ന്വേ​ഷ​ണ​ത്തി​ന്റെ​ ​ദി​ശ​ ​മാ​റ്റു​മോ​യെ​ന്ന് ​ആ​ശ​ങ്ക​യു​ണ്ടെ​ന്ന് ​ഷ​ഹ​ബാ​സി​ന്റെ​ ​ബ​ന്ധു​ക്ക​ൾ​ ​പ​റ​ഞ്ഞു.