കരൂർ ദുരന്തം : ഹർജികളിൽ തിങ്കളാഴ്ച വിധി

ന്യൂഡൽഹി: കരൂർ ദുരന്തവുമായി ബന്ധപ്പെട്ട ഹർജികളിൽ സുപ്രീംകോടതി തിങ്കളാഴ്ച വിധി പറയും. സുപ്രീംകോടതിയുടെ മേൽനോട്ടത്തിൽ സ്വതന്ത്ര അന്വേഷണം വേണമെന്ന ടി.വി.കെ പാർട്ടിയുടെ ഹർജിയും, സംഭവം സി.ബി.ഐ അന്വേഷിക്കണമെന്ന മറ്റു ഹർജികളുമാണ് കോടതിക്ക് മുന്നിലുള്ളത്. പ്രത്യേക അന്വേഷണസംഘം(എസ്.ഐ.ടി) രൂപീകരിച്ച മദ്രാസ് ഹൈക്കോടതിയുടെ പ്രിൻസിപ്പൽ ബെഞ്ചിന്റെ നടപടിയെ നടൻ വിജയ് നേതൃത്വം നൽകുന്ന ടി.വി.കെ ചോദ്യംചെയ്‌തിരുന്നു. ഇക്കഴിഞ്ഞ സെപ്‌തംബർ 27നാണ് കരൂരിലെ ടി.വി.കെ റാലിയിൽ ദുരന്തമുണ്ടായത്.