മുഖ്യമന്ത്രിയുടെ മകൻ വിവേക് കിരൺ ഗുരുവായൂരിൽ

ഗുരുവായൂർ: മുഖ്യമന്ത്രി പിണറായി വിജയന്റെ മകൻ വിവേക് കിരൺ കുടുംബസമേതം ഗുരുവായൂർ ക്ഷേത്രത്തിൽ ദർശനം നടത്തി. ഇന്നലെ വൈകിട്ടാണ് വിവേക് കിരൺ ഭാര്യാസമേതം എത്തിയത്. അതേസമയം,​ ദർശനത്തിനെത്തിയ വിവേക് കിരണിന്റെയും കുടുംബത്തിന്റെയും വീഡിയോ ചിത്രീകരിക്കാനെത്തിയ ജനം ടിവി പ്രാദേശിക മാദ്ധ്യമ പ്രവർത്തകനെ തടഞ്ഞുനിറുത്തി ദേവസ്വം അധികൃതർ വീഡിയോ ഡിലീറ്റ് ചെയ്യിച്ചതായി പരാതിയുണ്ട്. ക്ഷേത്രദർശനം കഴിഞ്ഞ് പുറത്തുകടന്ന ശേഷം കാര്യാലയ ഗണപതിയെ തൊഴാൻ പോകുമ്പോഴാണ് വീഡിയോ എടുത്തത്.