ഷെറിന്റെ മോചന ശുപാർശ:ഗവർണർ നിയമോപദേശം തേടി

തിരുവനന്തപുരം:കാരണവർ വധക്കേസിൽ ജീവപര്യന്തം അനുഭവിക്കുന്ന ഷെറിനെ ശിക്ഷായിളവ് നൽകി മോചിപ്പിക്കാനുള്ള മന്ത്രിസഭാ ശുപാർശയിൽ ഗവർണർ നിയമോപദേശം തേടി.എല്ലാ മാനദണ്ഡങ്ങളും പാലിച്ചാണ് ഫയൽ അയച്ചിട്ടുള്ളത്.എന്നാൽ 25വർഷം വരെ ശിക്ഷയനുഭവിച്ച വനിതകളുടെ ശിക്ഷായിളവ് സർക്കാർ പരിഗണിച്ചിട്ടില്ല.ഷെറിനെ മാത്രം എങ്ങനെ ഇളവിന് തിരഞ്ഞെടുത്തു എന്നതും വ്യക്തമല്ല.നല്ലനടപ്പ്,വനിത എന്നിവ പരിഗണിച്ചാണ് ഇളവിന് മന്ത്രിസഭായോഗം ശുപാർശ ചെയ്തത്.ഇതിനു പിന്നാലെ കണ്ണൂർ ജയിലിലെ തടവുകാരിയെ മർദ്ദിച്ചതിന് ഷെറിനെതിരേ പൊലീസ് കേസെടുത്തിരുന്നു.ശുപാർശ ഗവർണർ അംഗീകരിച്ചാലേ മോചനം സാദ്ധ്യമാവൂ.മന്ത്രിസഭാ തീരുമാനം അംഗീകരിക്കരുതെന്ന് ഗവർണർക്ക് കോൺഗ്രസ് നേതാവ് രമേശ് ചെന്നിത്തല കത്ത് നൽകിയിരുന്നു.