വയറ്റിൽ കത്രിക കുടുങ്ങിയ സംഭവം: ഉഷ ആശുപത്രി വിട്ടു

കൊച്ചി: ആലപ്പുഴ മെഡിക്കൽ കോളേജ് ആശുപത്രിയിലെ ശസ്ത്രക്രിയയ്‌ക്കിടെ വയറ്റിൽ കുടുങ്ങിയ കത്രിക (ആർട്ടറി ഫോർസെപ്സ്) നീക്കം ചെയ്ത ശേഷം ആലപ്പുഴ പുന്നപ്ര സ്വദേശി ഉഷ ജോസഫ് (59) വീട്ടി​ലേക്ക് മടങ്ങി​. അഞ്ചു വർഷം നീണ്ട വേദനകൾക്കൊടുവിൽ എറണാകുളം അമൃത ആശുപത്രിയിൽ ഫെബ്രുവരി 21നാണ് മൂന്നര മണിക്കൂർ നീണ്ട ശസ്ത്രക്രിയയിലൂടെ കത്രിക പുറത്തെടുത്തത്. ചെലവുകൾ സർക്കാർ വഹി​ക്കുമെന്ന് പറഞ്ഞി​രുന്നെങ്കി​ലും മാതാ അമൃതാനന്ദമയി മഠം ചികിത്സ സൗജന്യമാക്കി​.

ഇന്നലെ വൈകിട്ട് 3ന് ഭർത്താവ് ജോസഫി​നും മകൻ ഷി​ബിനുമൊപ്പം ആംബുലൻസി​ലാണ് മടങ്ങി​യത്. സ്റ്റി​ച്ചുകൾ നീക്കി​യി​ട്ടി​ല്ല. രണ്ടാഴ്ചയ്‌ക്ക് ശേഷം വീണ്ടും ആശുപത്രി​യി​ലെത്തണം. ഗ്യാസ്ട്രോ സർജറി വിഭാഗം മേധാവി ഡോ.ഒ.വി. സുധീർ, യൂറോളജി വിഭാഗം മേധാവി ഡോ.കെ.വി. സഞ്ജീവൻ, ഗൈനക്കോളജി വിഭാഗം മേധാവി ഡോ.കെ. രാധാമണി എന്നിവരുടെ നേതൃത്വത്തി​ലായിരുന്നു ചി​കി​ത്സ.

പുറത്തെടുത്തപ്പോൾ കത്രികയുടെ അഗ്രഭാഗം രണ്ടായി അടർന്ന നിലയിലായിരുന്നു. ഇത് കേസന്വേഷിക്കുന്ന അമ്പലപ്പുഴ ഡിവൈ.എസ്.പിക്ക് കൈമാറി.

ഗർഭപാത്രത്തിലെ മുഴ നീക്കംചെയ്യാൻ 2021 മേയ് 12ന് നടത്തിയ ശസ്ത്രക്രിയയ്‌ക്കിടെയാണ് ഉഷയുടെ വയറ്റിൽ ഉപകരണം കുടുങ്ങിയത്.