മു​തിർ​ന്ന കോൺ​ഗ്ര​സ് നേ​താ​വ് എ.ഹി​ദുർ മു​ഹ​മ്മ​ദ് അ​ന്ത​രി​ച്ചു

കൊ​ല്ലം: മു​തിർ​ന്ന കോൺ​ഗ്ര​സ് നേ​താ​വ് ക​ട​യ്​ക്കൽ ചി​ത​റ കൊ​ല്ലാ​യി പു​റ​ക്കോ​ട് പ്രി​യദർ​ശി​നി വീ​ട്ടിൽ എ.ഹി​ദുർ മു​ഹ​മ്മ​ദ് (74) അ​ന്ത​രി​ച്ചു. വാർ​ദ്ധ​ക്യ സ​ഹ​ജ​മാ​യ അ​സു​ഖ​ത്തെ തു​ടർ​ന്ന് ചി​കി​ത്സ​യി​ലി​രി​ക്കെ എ​റ​ണാ​കു​ളം ക​ട​വ​ന്ത്ര ഇ​ന്ദി​രാ​ഗാ​ന്ധി സ​ഹ​ക​ര​ണ ആ​ശു​പ​ത്രി​യിൽ ഇ​ന്ന​ലെ ഉ​ച്ച​യ്​ക്ക് മൂ​ന്നോടെയായി​രു​ന്നു അ​ന്ത്യം. ക​ബ​റ​ട​ക്കം ഇ​ന്ന് ഉ​ച്ച​യ്​ക്ക് 1.30ന് ക​ട​യ്​ക്കൽ മു​സ്ലിം പ​ള്ളി ക​ബർ​സ്ഥാ​നിൽ.
സ്കൂൾ വിദ്യാഭ്യാസ കാലത്ത് രാഷ്ട്രീയത്തിലെത്തിയ ഹിദുർ മുഹമ്മദ് കെ.എ​സ്‌.​യു​വിന്റെ സംസ്ഥാന നേതാവായി. നീ​ല​ലോ​ഹി​ത​ദാ​സൻ നാ​ടാർ ചെ​യർ​മാ​നാ​യി​രു​ന്ന കേ​ര​ള സർ​വ​ക​ലാ​ശാ​ല യൂ​ണി​യ​ന്റെ ജ​ന​റൽ സെ​ക്ര​ട്ട​റി​യാ​യി​രു​ന്നു. യൂ​ത്ത് കോൺ​ഗ്രസിന്റെയും സംസ്ഥാന നേതാവായിരുന്നു. കേ​ര​ള യൂ​ണി​വേ​ഴ്‌​സി​റ്റി സെ​ന​റ്റി​ലും സിൻ​ഡി​ക്ക​റ്റി​ലും അം​ഗ​മാ​യി​രു​ന്നു.
കെ.​പി​.സി​.സി മുൻ ജ​ന​റൽ സെ​ക്ര​ട്ട​റി​യും രാ​ജീ​വ് ഗാ​ന്ധി ഇൻ​സ്റ്റി​റ്റ്യൂ​ട്ട് ഒ​ഫ് ഡെ​വ​ലപ്പ്‌​മെന്റ് സ്റ്റ​ഡീ​സ് മുൻ ഡ​യ​റ​ക്ട​റുമായി​രു​ന്നു. സം​സ്ഥാ​ന വൈ​ദ്യു​തി ബോർ​ഡ് അംഗമായും പ്രവർത്തിച്ചു. 1991ൽ ച​ട​യ​മം​ഗ​ല​ത്ത് നി​ന്നും 2001ൽ പു​ന​ലൂ​രിൽ നി​ന്നും നി​യ​മ​സ​ഭ​യി​ലേ​ക്ക് യു.​ഡി​.എ​ഫ് സ്ഥാ​നാർ​ഥി​യാ​യി മ​ത്സ​രി​ച്ചി​രു​ന്നു. ഭാ​ര്യ: ഫാ​ത്തി​മാ ബീ​വി. മ​ക്കൾ: ഡോ. മു​ഹ്‌​സീ​ന (മാ​നേ​ജർ, ആ​യു​ഷ് സ്റ്റേ​റ്റ് മി​ഷൻ), സ​മീർ (ചാർട്ടേഡ് അക്കൗണ്ടന്റ്). മ​രു​മ​ക്കൾ: സ​ജീർ മു​ഹ​മ്മ​ദ്, ആർ.ബി.ആൻ​സു.