ശങ്കരദാസ് റിമാൻഡിൽ #ആശുപത്രി മാറ്റത്തിൽ തീരുമാനം ഇന്ന്

തിരുവനന്തപുരം: ശബരിമല സ്വർണക്കൊള്ളക്കേസിൽ അറസ്റ്റിലായ ദേവസ്വം ബോർഡ് മുൻ അംഗം കെ.പി.ശങ്കരദാസിനെ ചാക്കയിലെ സ്വകാര്യാശുപത്രിയിലെത്തി കൊല്ലം വിജിലൻസ് കോടതി ജഡ്ജി ഡോ.സി.എസ്.മോഹിത് 14 ദിവസത്തേക്ക് റിമാൻഡ് ചെയ്തു.

സ്വകാര്യാശുപത്രിയിൽ നിന്ന് മാറ്റണമെന്നാണ് ജഡ്ജിയുടെ നിർദ്ദേശം. ശങ്കരദാസിനെ മെഡിക്കൽ കോളേജാശുപത്രിയിലെ പൊലീസ് സെല്ലിലേക്ക് റിമാൻഡ് ചെയ്യാനാണ് സാദ്ധ്യത.

നടപടി പ്രകാരം പൂജപ്പുര സെൻട്രൽ ജയിലിലേക്കാണ് റിമാൻഡ് ചെയ്തത്. 82വയസുള്ള അദ്ദേഹത്തിന്റെ ആരോഗ്യനില ഇന്ന് സെൻട്രൽ ജയിലിലെ ഡോക്ടർ സ്വകാര്യാശുപത്രിയിലെത്തി പരിശോധിച്ചശേഷം തീരുമാനമെടുക്കാനാണ് ഉത്തരവ്. വൈകിട്ട് നാലോടെയാണ് ജഡ്ജിയും വിജിലൻസ് പ്രോസിക്യൂട്ടർ സിജു രാജനും എസ്.ഐ.ടിയിലെ എസ്.പി ശശിധരനും ആശുപത്രിയിലെത്തിയത്. ഡോക്ടർമാരുമായി ചർച്ച നടത്തിയ ശേഷമാണ് ജഡ്ജി 29വരെ റിമാൻഡിന് ഉത്തരവിട്ടത്. പതിനൊന്നാം പ്രതിയാക്കിയിട്ടുണ്ട്.

എ.പത്മകുമാർ അംഗമായ ബോർഡിലെ അംഗമായിരുന്നു ശങ്കരദാസ്.

2019 മാർച്ച് 19നുചേർന്ന ബോർഡിന്റെ മിനിട്ട്സിൽ കൃത്രിമംകാട്ടിയത് പോറ്റിക്ക് സ്വർണക്കൊള്ളയ്ക്ക് വഴിയൊരുക്കാനെന്നാണ് കണ്ടെത്തൽ. സ്വർണം പൊതിഞ്ഞ പിത്തളയെന്ന മിനിട്ട്സിലെ പരാമർശം പത്മകുമാർ പച്ചമഷികൊണ്ട് വെട്ടി ചെമ്പെന്നെഴുതി. ഇതിനുതാഴെ ശങ്കരദാസും ഒപ്പിട്ടിട്ടുണ്ട്. പത്മകുമാറും ബോർഡംഗമായിരുന്ന എൻ.വിജയകുമാറും നേരത്തേ അറസ്റ്റിലായിരുന്നു.

​​ര​​​ണ്ടാം​​​കേ​​​സി​​​ൽ​​​ ​​​ത​​​ന്ത്രി​​​യു​​​ടെ​​​ ​​​അ​​​റ​​​സ്റ്റ് ​​​ഇ​​​ന്ന്

​ദ്വാ​​​ര​​​പാ​​​ല​​​ക​​​ശി​​​ല്പ​​​ ​​​കേ​​​സി​​​ൽ​​​ ​​​ത​​​ന്ത്രി​​​ ​​​ക​​​ണ്ഠ​​​ര​​​ര് ​​​രാ​​​ജീ​​​വ​​​രെ​​​ ​​​ഇ​​​ന്ന് ​​​എ​​​സ്.​​​ഐ.​​​ടി​​​ ​​​അ​​​റ​​​സ്റ്റ് ​​​ചെ​​​യ്യും.​​​ ​​​ഇ​​​ന്ന​​​ലെ​​​ ​​​വൈ​​​കി​​​ട്ട് ​​​ആ​​​റ​​​ര​​​യോ​​​ടെ​​​ ​​​അ​​​റ​​​സ്റ്റ് ​​​രേ​​​ഖ​​​പ്പെ​​​ടു​​​ത്താ​​​ൻ​​​ ​​​എ​​​സ്.​​​ഐ.​​​ടി​​​ ​​​പൂ​​​ജ​​​പ്പു​​​ര​​​ ​​​സെ​​​ൻ​​​ട്ര​​​ൽ​​​ ​​​ജ​​​യി​​​ലി​​​ലെ​​​ത്തി​​​യെ​​​ങ്കി​​​ലും​​​ ​​​സ​​​മ​​​യം​​​ക​​​ഴി​​​ഞ്ഞ​​​തി​​​നാ​​​ൽ​​​ ​​​അ​​​റ​​​സ്റ്റ് ​​​ന​​​ട​​​ത്താ​​​നാ​​​യി​​​ല്ല.​​​ ​​​ദ്വാ​​​ര​​​പാ​​​ല​​​ക​​​ ​​​ശി​​​ല്പ​​​ങ്ങ​​​ളി​​​ലെ​​​ ​​​പാ​​​ളി​​​ക​​​ൾ​​​ ​​​എ​​​ടു​​​ത്തു​​​ന​​​ൽ​​​കി​​​യ​​​തി​​​ലും​​​ ​​​ശ്രീ​​​കോ​​​വി​​​ലി​​​ന്റെ​​​ ​​​വാ​​​തി​​​ൽ​​​ ​​​മാ​​​റി​​​യ​​​തി​​​ലും​​​ ​​​ത​​​ന്ത്രി​​​ക്ക് ​​​നേ​​​രി​​​ട്ട് ​​​പ​​​ങ്കു​​​ണ്ടെ​​​ന്നാ​​​ണ് ​​​ക​​​ണ്ടെ​​​ത്ത​​​ൽ.​​​ ​​​ദ്വാ​​​ര​​​പാ​​​ല​​​ക​​​ ​​​ശി​​​ല്പ​​​ങ്ങ​​​ളി​​​ലെ​​​ ​​​സ്വ​​​ർ​​​ണ​​​പ്പാ​​​ളി​​​ക്ക് ​​​ശോ​​​ഭ​​​മ​​​ങ്ങി​​​യ​​​തും​​​ ​​​ഭ​​​ക്ത​​​ർ​​​ ​​​നാ​​​ണ​​​യ​​​മെ​​​റി​​​ഞ്ഞു​​​ണ്ടാ​​​യ​​​ ​​​ചു​​​ളി​​​വു​​​ക​​​ളും​​​ ​​​ചൂ​​​ണ്ടി​​​ക്കാ​​​ട്ടി​​​ ​​​അ​​​റ്റ​​​കു​​​റ്റ​​​പ്പ​​​ണി​​​ക്ക് ​​​ത​​​ന്ത്രി​​​യാ​​​ണ് ​​​നി​​​ർ​​​ദ്ദേ​​​ശി​​​ച്ച​​​തെ​​​ന്നാ​​​ണ് ​​​എ​​​സ്.​​​ഐ.​​​ടി​​​ ​​​പ​​​റ​​​യു​​​ന്ന​​​ത്.​​​ ​​​ത​​​ന്ത്രി​​​യെ​​​ ​​​ക​​​സ്റ്റ​​​ഡി​​​യി​​​ൽ​​​ ​​​കി​​​ട്ടാ​​​ൻ​​​ ​​​ശ​​​നി​​​യാ​​​ഴ്ച​​​ ​​​കൊ​​​ല്ലം​​​ ​​​വി​​​ജി​​​ല​​​ൻ​​​സ് ​​​കോ​​​ട​​​തി​​​യി​​​ൽ​​​ ​​​അ​​​പേ​​​ക്ഷ​​​ന​​​ൽ​​​കും.