സ്‌ത്രീയും പുരുഷനും തുല്യരല്ല: പി.എം.എ.സലാം

മലപ്പുറം: സ്‌ത്രീയും പുരുഷനും തുല്യരാണെന്ന് പറയാനാകില്ലെന്ന് മുസ്ലിം ലീഗ് സംസ്ഥാന ജനറൽ സെക്രട്ടറി പി.എം.എ.സലാം പറഞ്ഞു. തുല്യനീതിയാണ് വേണ്ടത്. സ്‌ത്രീയും പുരുഷനും തുല്യരാണെന്ന പ്രായോഗികമല്ലാത്ത,​ മനുഷ്യ യുക്തിക്കെതിരായ വാദം സമൂഹത്തിൽ കൈയടി കിട്ടാൻ കൊണ്ടുവരുന്നതാണ്. തുല്യരാണെന്നു പറയുന്നത് കണ്ണടച്ച് ഇരുട്ടാക്കലാണ്. ലീഗിന് ഇക്കാര്യത്തിൽ ശക്തമായ അഭിപ്രായമുണ്ട്. ഒളിമ്പിക്സിൽ സ്‌ത്രീക്കും പുരുഷനും വ്യത്യസ്ത മത്സരമാണ്. ബസിൽ പ്രത്യേക സീറ്റുകളാണ്. ശൗചാലയം വെവ്വേറെയാണ്. ഇതെല്ലാം ഇവർ വ്യത്യസ്തരായതിനാലാണ്. ഈ അഭിപ്രായത്തിൽ നിന്ന് ലീഗ് മാറില്ല. കാന്തപുരം വിഭാഗവുമായി മുസ്ലിം ലീഗിന് എതിർപ്പില്ല. മതസമുദായത്തിലെ ആചാര്യന്മാർക്ക് അഭിപ്രായം പറയാനുള്ള അവകാശമുണ്ടെന്നും എടക്കരയിൽ മാദ്ധ്യമങ്ങളോട് അദ്ദേഹം പറഞ്ഞു.