പി.എസ്.സി ​​​​​​​പ്രായോഗിക പരീക്ഷ

കേരള സംസ്ഥാന ജലഗതാഗത വകുപ്പിൽ മോൾഡർ (കാറ്റഗറി നമ്പർ 94/2023) തസ്തികയിലേക്ക് 22, 23 തീയതികളിൽ തിരുവനന്തപുരം സെൻട്രൽ പോളിടെക്നിക്ക് കോളേജിൽ പ്രായോഗിക പരീക്ഷ നടത്തും.

അഭിമുഖം

ഗവൺമെന്റ് ഹോമിയോപ്പതിക് മെഡിക്കൽ കോളേജുകളിൽ ഫാർമസിസ്റ്റ് ഗ്രേഡ് 2 (കാറ്റഗറി നമ്പർ 249/2023) തസ്തികയിലേക്ക് 22, 24 തീയതികളിൽ പി.എസ്.സി ആസ്ഥാന ഓഫീസിൽ അഭിമുഖം നടത്തും.

കോളേജ് വിദ്യാഭ്യാസ വകുപ്പിൽ അസിസ്റ്റന്റ് പ്രൊഫസർ ഇൻ ഇലക്‌ട്രോണിക്സ് (കാറ്റഗറി നമ്പർ 52/2021) തസ്തികയിലേക്ക് 22, 23 തീയതികളിൽ പി.എസ്.സി ആസ്ഥാന ഓഫീസിൽ അഭിമുഖം നടത്തും.

ഒ.എം.ആർ പരീക്ഷ

വ്യാവസായിക പരിശീലന വകുപ്പിൽ ജൂനിയർ ഇൻസ്ട്രക്ടർ (മെഷീനിസ്റ്റ്) (കാറ്റഗറി നമ്പർ 663/2023) തസ്തികയിലേക്ക് 21 നും ജൂനിയർ ഇൻസ്ട്രക്ടർ ഇൻ ഷീറ്റ് മെറ്റൽ വർക്കർ (കാറ്റഗറി നമ്പർ 664/2023) തസ്തികയിലേക്ക് 29 നും രാവിലെ 7.15 മുതൽ 9.15 വരെ ഒ.എം.ആർ. പരീക്ഷ നടത്തും.

അർഹതാനിർണ്ണയപട്ടിക

കേരള സ്റ്റേറ്റ് ഫിനാൻഷ്യൽ എന്റർപ്രൈസസിലെ താഴ്ന്ന വിഭാഗം ജീവനക്കാർക്ക് തസ്തികമാറ്റം വഴി ജൂനിയർ അസിസ്റ്റന്റ് തസ്തികയിലേക്ക് ഉദ്യോഗക്കയറ്റം നേടുന്നതിനുള്ള അർഹതാ നിർണ്ണയപട്ടിക പ്രസിദ്ധീകരിച്ചു.