എം.എൽ.എയുടെ രാജി ധാർമ്മികത ഇല്ലാത്ത ആവശ്യം: സണ്ണി ജോസഫ്

ഇരിട്ടി(കണ്ണൂർ)​: പാർട്ടിക്കോ,​ നിയമ സംവിധാനങ്ങൾക്കോ പരാതികൾ ലഭിക്കാത്ത സാഹചര്യത്തിൽ രാഹുൽ മാങ്കൂട്ടത്തിൽ എം.എൽ.എ സ്ഥാനം രാജിവയ്ക്കണമെന്ന് എതിരാളികൾ ആവശ്യപ്പെടുന്നതിൽ യുക്തിയും ധാർമ്മികതയും ഇല്ലെന്ന് കെ.പി.സി.സി പ്രസിഡന്റ് സണ്ണി ജോസഫ് എം.എൽ.എ പറഞ്ഞു.

ആരോപണം ഉയർന്നപ്പോൾ തന്നെ പരാതികൾക്കോ കേസുകൾക്കോ കാത്തുനിൽക്കാതെ യൂത്ത് കോൺഗ്രസ് സംസ്ഥാന പ്രസിഡന്റ് സ്ഥാനം രാഹുൽ ഒഴിഞ്ഞിരുന്നു.

പ്രതിപക്ഷനേതാവും കെ.പി.സി.സി പ്രസിഡന്റും മുതിർന്ന നേതാക്കളുമായും മുൻ കെ.പി.സി.സി പ്രസിഡന്റുമാരുമായും യു.ഡി.എഫ് കൺവീനറുമായും മറ്റ് നേതാക്കളുമായും കൂടിയാലോചിച്ചാണ് പാർട്ടിയുടെ പ്രാഥമിക അംഗത്വത്തിൽ നിന്നും സസ്‌പെൻഡ് ചെയ്യാൻ ഐക്യകണ്ഠേന തീരുമാനിച്ചതെന്നും സണ്ണി ജോസഫ് പറഞ്ഞു.

ഗുരുതരമായ കേസുകളിൽ എഫ്‌.ഐ.ആർ ചാർജ് ഷീറ്റ് നൽകിയിട്ടും എം.എൽ.എ സ്ഥാനം രാജിവെക്കാത്ത നിരവധി സംഭവങ്ങൾ കേരളത്തിൽ ഉണ്ട്. അവർ ആരാണെന്ന് താൻ വ്യക്തമാക്കുന്നില്ല. എല്ലാം എല്ലാവർക്കും അറിയാവുന്നതാണ് . കോൺഗ്രസ് പാർട്ടി സ്ത്രീകളുടെ ആത്മാഭിമാനവും അന്തസ്സും മാന്യതയും സുരക്ഷിതത്വവും സംരക്ഷിക്കാൻ എന്നും പ്രതിജ്ഞാബദ്ധമാണ്. അതിന്റെ അടിസ്ഥാനത്തിലാണ് പാർട്ടിയുടെ പ്രാഥമിക അംഗത്വത്തിൽ നിന്നു സസ്‌പെൻഡ് ചെയ്യുന്നതെന്നും സണ്ണി ജോസഫ് വിശദീകരിച്ചു.

ഉപതിരഞ്ഞെടുപ്പാണെങ്കിൽ

പീരുമേട് മുന്നിലുണ്ടല്ലോ

ഉപതിരഞ്ഞെടുപ്പ് ഭീതികൊണ്ടാണോ രാഹുൽ മാങ്കുട്ടത്തിലിന്റെ എം.എൽ.എ സ്ഥാനം നിലനിർത്തുന്നത് എന്ന മാദ്ധ്യമപ്രവർത്തകരുടെ ചോദ്യത്തിന് അങ്ങനെയെങ്കിൽ പീരുമേട് മുൻപിൽ ഉണ്ടല്ലോ എന്നായിരുന്നു പ്രതികരണം.

ഉപതെരഞ്ഞെടുപ്പിനെ കോൺഗ്രസ് ഭയപ്പെടുന്നില്ല. ഇത് പാർട്ടിയുടെ എല്ലാതലത്തിലുമുള്ള നേതാക്കളോടും ആലോചിച്ചെടുത്ത തീരുമാനമാണെന്നും പറഞ്ഞു.

രാ​ഹു​ൽ​ ​സ്ഥാ​നം​ ​രാ​ജി​വ​യ്ക്ക​ണം​:​ ​സി.​പി.ഐ

തൃ​ശൂ​ർ​:​ ​രാ​ഹു​ൽ​ ​മാ​ങ്കൂ​ട്ട​ത്തി​ൽ​ ​എം.​എ​ൽ.​എ​ ​സ്ഥാ​നം​ ​രാ​ജി​വ​യ്ക്ക​ണ​മെ​ന്ന് ​സി.​പി.​ഐ​ ​സം​സ്ഥാ​ന​ ​സെ​ക്ര​ട്ട​റി​ ​ബി​നോ​യ് ​വി​ശ്വം.​ ​സ്ത്രീ​യു​ടെ​ ​എ​ല്ലാ​ ​അ​വ​കാ​ശ​ങ്ങ​ളേ​യും​ ​മാ​നി​ക്ക​ണം.​ ​സ​മ്മ​ത​മി​ല്ലാ​തെ​ ​സ്ത്രീ​ക്കെ​തി​രെ​ ​എ​ന്തു​ ​ചെ​യ്താ​ലും​ ​തെ​റ്റാ​ണ്.​ ​ഈ​ ​സം​ഭ​വ​ത്തി​ലെ​ ​മൂ​ല്യ​ബോ​ധം​ ​കോ​ൺ​ഗ്ര​സ് ​തീ​രു​മാ​നി​ക്ക​ട്ടെ.​ ​മു​കേ​ഷ് ​എം.​എ​ൽ.​എ​യു​ടെ​ ​കേ​സു​മാ​യി​ ​രാ​ഹു​ൽ​ ​മാ​ങ്കൂ​ട്ട​ത്തി​ലി​നെ​തി​രാ​യ​ ​ആ​ക്ഷേ​പ​ങ്ങ​ൾ​ ​കൂ​ട്ടി​ക്കു​ഴ​ക്കേ​ണ്ടെ​ന്നും​ ​അ​ദ്ദേ​ഹം​ ​മാ​ദ്ധ്യ​മ​പ്ര​വ​ർ​ത്ത​ക​രോ​ട് ​പ​റ​ഞ്ഞു.

വീ​ട്ടി​​​ൽ​ ​തു​ട​ർ​ന്ന് ​രാ​ഹുൽ

അ​ടൂ​ർ​ ​:​ ​കോ​ൺ​​​ഗ്ര​സി​​​ന്റെ​ ​പ്രാ​ഥ​മി​​​ക​ ​അം​ഗ​ത്വ​ത്തി​​​ൽ​ ​നി​​​ന്ന് ​സ​സ്‌​പെ​ൻ​ഷ​നി​ലാ​യ​ ​രാ​ഹു​ൽ​ ​മാ​ങ്കൂ​ട്ട​ത്തി​ൽ​ ​ഇ​ന്ന​ലെ​യും​ ​അ​ടൂ​രി​ലെ​ ​വീ​ട്ടി​ൽ​ ​തു​ട​ർ​ന്നു.​വ​നി​താ​ ​നേ​താ​ക്ക​ൾ​ ​ഉ​ൾ​പ്പ​ടെ​ ​പാ​ർ​ട്ടി​ ​പ്ര​വ​ർ​ത്ത​ക​രും​ ​പ്രാ​ദേ​ശി​ക​ ​നേ​താ​ക്ക​ളും​ ​രാ​ഹു​ലി​നെ​ ​കാ​ണാ​നെ​ത്തി​​.​ ​മാ​ദ്ധ്യ​മ​ങ്ങ​ളോ​ട് ​പ്ര​തി​ക​രി​ക്കാ​ൻ​ ​ത​യ്യാ​റാ​യി​​​ല്ല.

സൈ​ബ​ർ​ ​ആ​ക്ര​മ​ണം
ഗൗ​നി​ക്കി​ല്ല​ ​:​ ​ഉ​മ​ ​തോ​മ​സ്

കൊ​ച്ചി​:​ ​മു​ൻ​ ​യൂ​ത്ത് ​കോ​ൺ​ഗ്ര​സ് ​അ​ദ്ധ്യ​ക്ഷ​നും​ ​എം.​എ​ൽ.​എ​യു​മാ​യ​ ​രാ​ഹു​ൽ​ ​മാ​ങ്കൂ​ട്ട​ത്തി​ലി​നെ​തി​രെ​യു​ള്ള​ ​പ്ര​തി​ക​ര​ണ​ങ്ങ​ൾ​ക്ക് ​പി​ന്നാ​ലെ​യു​ണ്ടാ​യ​ ​സൈ​ബ​ർ​ ​ആ​ക്ര​മ​ണ​ങ്ങ​ളെ​ ​ഗൗ​നി​ക്കു​ന്നി​ല്ലെ​ന്നും​ ​പ​റ​ഞ്ഞ​ ​നി​ല​പാ​ടു​ക​ളി​ൽ​ ​മാ​റ്റ​മി​ല്ലെ​ന്നും​ ​ഉ​മ​ ​തോ​മ​സ് ​എം.​എ​ൽ.​എ.​ ​രാ​ഹു​ലി​നെ​തി​രാ​യ​ ​വി​മ​ർ​ശ​നം​ ​വ്യ​ക്തി​പ​ര​മാ​യ​ ​നി​ല​പാ​ടാ​ണ്.​ ​ഒ​ന്നി​ല​റെ​ ​സ്ത്രീ​ക​ൾ​ ​രാ​ഹു​ലി​നെ​തി​രെ​ ​പ​രാ​തി​ ​പ​റ​യു​മ്പോ​ൾ​ ​വി​മ​ർ​ശി​ക്കാ​തി​രി​ക്കാ​നാ​കി​ല്ല.​ ​ബാ​ക്കി​യെ​ല്ലാം​ ​പാ​ർ​ട്ടി​ ​തീ​രു​മാ​ന​മാ​ണ്.