മന്ത്രിസഭ അംഗീകരിച്ച അദ്ധ്യാപക തസ്തികകൾക്ക് നിയമന സാദ്ധ്യതയില്ല

തിരുവനന്തപുരം: സംസ്ഥാനത്തെ സ്‌കൂളുകളിൽ 2024-25 വർഷം 2219 അധിക തസ്തിക സൃഷ്ടിക്കാൻ മന്ത്രിസഭായോഗം തീരുമാനിച്ചെങ്കിലും പുതിയ നിയമനങ്ങൾക്കുള്ള സാദ്ധ്യത മങ്ങുന്നു.

കഴിഞ്ഞ അദ്ധ്യയന വർഷത്തെ തസ്തിക നിർണയത്തിലൂടെ 2300 ഓളം തസ്തികകൾ ഇല്ലാതായതായി പൊതുവിദ്യാഭ്യാസ ഡയറക്ടർ എസ്.ഷാനവാസ് അറിയിച്ചു. സർക്കാർ സ്‌കൂളുകളിൽ സൃഷ്ടിച്ച 912 അധിക തസ്തികകളിലേക്ക് കഴിഞ്ഞ വർഷം തസ്തിക നഷ്ടമായ സർക്കാർ സ്‌കൂളുകളിലെ അദ്ധ്യാപകരെ പുനഃക്രമീകരിക്കും. അധിക തസ്തികകൾക്ക് ആനുപാതികമായ എണ്ണം അദ്ധ്യാപകർ പുനഃക്രമീകരണത്തിനായി ഉണ്ടെന്നും പുതിയ നിയമനത്തിന്റെ ആവശ്യകതയുണ്ടാവില്ലെന്നും മന്ത്രി വി.ശിവൻകുട്ടി വ്യക്തമാക്കി.

എയ്ഡഡ് സ്‌കൂളുകളിൽ 1304 അധിക തസ്തികകളാണ് സൃഷ്ടിക്കാൻ തീരുമാനിച്ചത്. എയ്ഡഡ് സ്‌കൂളുകളിൽ സൃഷ്ടിക്കപ്പെടുന്ന രണ്ട് അധിക തസ്തികകളിൽ ആദ്യത്തേത് സർക്കാറിനും രണ്ടാമത്തേത് മാനേജ്‌മെന്റുകൾക്കും നൽകുന്ന 1:1 അനുപാത രീതിയാണ് കെ.ഇ.ആർ പ്രകാരം നിലവിലുള്ളത്. എയ്ഡഡ് സ്‌കൂളിൽ ഒരു തസ്തിക സൃഷ്ടിക്കപ്പെട്ടാൽ അവിടെ എയ്ഡഡ് സ്‌കൂളുകളിൽ തസ്തിക നഷ്ടമായ സംരക്ഷിത അദ്ധ്യാപകരെ സർക്കാർ പുനർവിന്യസിക്കും. ഇതുവഴി എയ്ഡഡ് സ്‌കൂളുകളിലും പുതിയ നിയമന സാദ്ധ്യത അടഞ്ഞേക്കാം. എയ്ഡഡ് സ്‌കൂളുകളിൽ രണ്ടാമത്തെ അധിക തസ്തിക സൃഷ്ടിക്കപ്പെടുമ്പോഴേ മാനേജ്‌മെന്റുകൾക്ക് ലഭിക്കൂ.

ഭിന്നശേഷി സംവരണ പ്രകാരമുള്ള നിയമനം നടത്താത്ത സ്‌കൂളുകളിൽ ഈ തസ്തിക അതിനായി നീക്കിവയ്ക്കേണ്ടിയും വരും. സർക്കാരിന് സാമ്പത്തിക ബാദ്ധ്യതയുണ്ടാകാത്ത രീതിയിലാണ് അധിക തസ്തിക സൃഷ്ടിച്ചതെന്ന് മന്ത്രി വ്യക്തമാക്കി.

അ​ദ്ധ്യാ​പ​ക​ ​നി​യ​മ​നംസ​ർ​ക്കാ​രി​ന്റെ​ ​ചെ​പ്പ​ടി​വി​ദ്യ​ ​:​കെ.​പി.​എ​സ്.​എം.എ

തി​രു​വ​ന​ന്ത​പു​രം​:​ ​സം​സ്ഥാ​ന​ ​സ​ർ​ക്കാ​ർ​ ​പ്ര​ഖ്യാ​പി​ച്ച​ ​ത​സ്തി​ക​ ​സൃ​ഷ്ടി​ക്ക​ൽ​ ​തീ​രു​മാ​നം​ ​പൊ​തു​സ​മൂ​ഹ​ത്തി​ന്റെ​ ​ക​ണ്ണി​ൽ​ ​പൊ​ടി​യി​ടു​ന്ന​ ​ചെ​പ്പ​ടി​വി​ദ്യ​ ​മാ​ത്ര​മാ​ണെ​ന്ന് ​പ്രൈ​വ​റ്റ് ​എ​യ്ഡ​ഡ് ​സ്കൂ​ൾ​ ​മാ​നേ​ജ്മെ​ന്റ് ​അ​സോ​സി​യേ​ഷ​ൻ.​ ​സ​ർ​ക്കാ​രി​ന്റെ​ ​ബാ​ദ്ധ്യ​ത​ ​കു​റ​യ്ക്കാ​നു​ള്ള​ ​നീ​ക്കം​ ​യ​ഥാ​ർ​ത്ഥ​ത്തി​ൽ​ ​എ​യ്ഡ​ഡ് ​നി​യ​മ​ന​ങ്ങ​ൾ​ ​പൂ​ർ​ണ​മാ​യും​ ​ഇ​ല്ലാ​താ​ക്കു​ന്ന​താ​ണ്.​ ​പ​ഠി​പ്പി​ക്കാ​ൻ​ ​അ​ദ്ധ്യാ​പ​ക​രി​ല്ലാ​ത്ത​തു​ ​കാ​ര​ണം​ ​കു​ട്ടി​ക​ൾ​ ​പൊ​തു​വി​ദ്യാ​ഭ്യാ​സ​ ​മേ​ഖ​ല​യി​ൽ​ ​നി​ന്ന് ​അ​ക​ന്നു​പോ​വു​ക​യാ​ണെ​ന്നും​ ​സം​സ്ഥാ​ന​ ​ജ​ന​റ​ൽ​ ​സെ​ക്ര​ട്ട​റി​ ​മ​ണി​ ​കൊ​ല്ലം​ ​പ​റ​ഞ്ഞു.