മലപ്പുറത്തെ സാമൂഹിക സത്യം ഇനിയും പറയും: വെള്ളാപ്പള്ളി

കൊല്ലം: എത്ര ആക്രമിച്ചാലും മലപ്പുറത്തെ സാമൂഹിക സത്യം ഇനിയും തുറന്നുപറയുമെന്ന് എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ പറഞ്ഞു. കുണ്ടറ, ചാത്തന്നൂർ, കുന്നത്തൂർ യൂണിയനുകളുടെ നേതൃത്വത്തി​ൽ കുണ്ടറയി​ൽ സംഘടി​പ്പി​ച്ച ശാഖാ നേതൃസംഗമത്തിൽ അദ്ധ്യക്ഷ പ്രസംഗം നടത്തുകയായിരുന്നു അദ്ദേഹം.

'ശ്രീനാരായണ ഗുരു ഓപ്പൺ യൂണിവേഴ്സിറ്റി കൊല്ലത്ത് ആരംഭിച്ചപ്പോൾ ഗുരുവിന്റെ ചിത്രംപോലും കാണാത്ത ഇസ്ലാംമത വിശ്വാസിയെ ദുബായിൽ നിന്നു കൊണ്ടുവന്ന് വൈസ് ചാൻസലറാക്കി. അത് ശരിയായില്ലെന്ന് ഞാൻ പറഞ്ഞു. ഇടതുപക്ഷത്തെയാണ് ഞാൻ വിമർശിച്ചത്. എന്നാൽ, ഇടതുമുന്നണിയിലെ ഒരു പാർട്ടിയും മിണ്ടിയില്ല. എനിക്കെതിരെ രംഗത്തുവന്നത് ലീഗ് നേതാവ് കുഞ്ഞാലിക്കുട്ടിയാണ്. അവരുടെ പോഷകസംഘടനകളും കൂട്ടത്തോടെ ആക്രമിച്ചു. കാന്തപുരവും എന്നെ വെറുതെവിട്ടില്ല. കുഞ്ഞാലിക്കുട്ടിക്കും പോഷകസംഘടനകൾക്കും സമുദായബോധം കാട്ടാം. ഞാൻ സമുദായത്തിന്റെ കാര്യം പറയുമ്പോൾ ജാതിയുടെ വിഷം തുപ്പുന്നുവെന്ന് പറയുന്നത് എന്ത് നീതിയാണ്?

ഇടതും വലതും കൂടി രാജ്യസഭാംഗങ്ങളെ നോമിനേറ്റ് ചെയ്തപ്പോൾ ഏഴ് പേർ ന്യൂനപക്ഷവും രണ്ടു പേർ നായർ സമുദായക്കാരുമായിരുന്നു. പിന്നാക്കക്കാരെ പരിഗണിച്ചതേയില്ല. അത് ചൂണ്ടിക്കാട്ടിയപ്പോൾ മുസ്ലീംലീഗ് എനിക്കെതിരെ രംഗത്തെത്തി. അവർ വോട്ട് ബാങ്കാണ്. അവർക്കെതിരെ മറ്റാരും ഒന്നും പറയാറില്ല. ശബരിമലയിലെ സ്വർണ മോഷണത്തിൽ മന്ത്രിയെ കുറ്റം പറയുന്നതിൽ കാര്യമില്ല. ഭരണസംവിധാനം മാറാതെ ഒരു മാറ്റവും ഉണ്ടാകില്ല. ഈഴവൻ ദേവസ്വം മന്ത്രിയായതുകൊണ്ടാണ് അദ്ദേഹത്തെ തകർക്കാനുള്ള ശ്രമങ്ങൾ നടക്കുന്നതെന്നും വെള്ളാപ്പള്ളി പറഞ്ഞു.

യോഗം വൈസ് പ്രസിഡന്റ് തുഷാർ വെള്ളാപ്പള്ളി സംഘടനാവിശദീകരണവും യോഗം ദേവസ്വം സെക്രട്ടറി അരയാക്കണ്ടി സന്തോഷ് സംഘടനാസന്ദേശവും നൽകി. യോഗം കൗൺസിലർ പി. സുന്ദരൻ, ചാത്തന്നൂർ യൂണിയൻ പ്രസിഡന്റ് ബി.ബി. ഗോപകുമാർ, കുണ്ടറ യൂണിയൻ സെക്രട്ടറി അഡ്വ. എസ്. അനിൽകുമാർ, ചാത്തന്നൂർ യൂണിയൻ സെക്രട്ടറി കെ. വിജയകുമാർ, കുന്നത്തൂർ യൂണിയൻ സെക്രട്ടറി ഇൻ ചാർജ് റാം മനോജ് തുടങ്ങിയവർ പങ്കെടുത്തു. കുണ്ടറ യൂണിയൻ പ്രസിഡന്റ് ഡോ. ജി. ജയദേവൻ സ്വാഗതവും കുന്നത്തൂർ യൂണിയൻ പ്രസിഡന്റ് ആർ. ശ്രീകുമാർ നന്ദിയും പറഞ്ഞു.

 മ​ന്ത്രി​ ​ഗ​ണേ​ശ​ൻ​ ​പ​ണം​ ​മോ​ഹി​ക്കു​ന്ന രാ​ഷ്ട്രീ​യ​ ​കോ​മ​രം

​കു​തി​കാ​ൽ​വെ​ട്ടി​ ​പ​ണം​ ​മാ​ത്രം​ ​മോ​ഹി​ച്ച് ​ന​ട​ക്കു​ന്ന​ ​രാ​ഷ്ട്രീ​യ​ ​കോ​മ​ര​മാ​ണ് ​മ​ന്ത്രി​ ​കെ.​ബി.​ഗ​ണേ​ശ് ​കു​മാ​റെ​ന്ന് ​വെ​ള്ളാ​പ്പ​ള്ളി​ ​ന​ടേ​ശ​ൻ​ ​പ​റ​ഞ്ഞു.​ ​കൊ​ട്ടാ​ര​ക്ക​ര​യി​ൽ​ ​യോ​ഗം​ ​കൊ​ട്ടാ​ര​ക്ക​ര,​ ​ക​ട​യ്ക്ക​ൽ​ ​യൂ​ണി​യ​നു​ക​ളി​ലെ​ ​ശാ​ഖാ​ ​നേ​തൃ​സം​ഗ​മ​ത്തി​ൽ​ ​സം​സാ​രി​ക്കു​ക​യാ​യി​രു​ന്നു​ ​അ​ദ്ദേ​ഹം.​ ​ഗ​ണേ​ശ​നെ​ന്ന് ​വി​ളി​ച്ചാ​ൽ​ ​പു​ണ്യം​ ​കി​ട്ടു​മെ​ന്നാ​ണ് ​വി​ശ്വാ​സം.​ ​അ​ഭി​ന​വ​ ​ഗ​ണേ​ശ​നെ​ ​വി​ളി​ച്ചാ​ൽ​ ​ദൈ​വം​ ​ശി​ക്ഷി​ക്കു​മെ​ന്നു​റ​പ്പാ​ണ്.
പാ​വം​പി​ടി​ച്ച​ ​ഉ​മ്മ​ൻ​ചാ​ണ്ടി​ക്കെ​തി​രെ​ ​സ​രി​ത​യെ​ ​ഇ​റ​ക്കി​ ​ക​ളി​ച്ച​തി​ന്റെ​ ​കൂ​ലി​യ​ല്ലേ​ ​കി​ട്ടി​യ​ ​സൗ​ഭാ​ഗ്യ​ങ്ങ​ൾ.​ ​അ​തി​ന്റെ​ ​ദൈ​വ​ശി​ക്ഷ​ ​എ​വി​ടെ​ ​ചെ​ന്ന​വ​സാ​നി​ക്കും​?​ ​എ​ത്ര​ ​ഭാ​ര്യ​മാ​രാ​ണ് ​അ​യാ​ൾ​ക്ക്.​ ​ന​മ്മു​ടെ​ ​സം​സ്കാ​ര​മാ​ണോ​ ​അ​ത്.​ ​ക​ണ്ട​വ​ന്റെ​ ​സ്വ​ത്തു​ക​ളി​ലാ​ണ് ​അ​യാ​ളു​ടെ​ ​ക​ണ്ണ്.​ ​സി​നി​മാ​ ​ന​ടി​യു​ടെ​ ​സ്വ​ത്തു​ക്ക​ൾ​ ​മു​ഴു​വ​ൻ​ ​മു​ക്കി.​ ​സ​മ്പ​ത്തി​നു​വേ​ണ്ടി​ ​പെ​ങ്ങ​ളെ​യാ​യാ​ലും​ ​അ​ളി​യ​നെ​യാ​യാ​ലും​ ​ത​ള്ളി​പ്പ​റ​യു​ന്നു.​ ​അ​യാ​ൾ​ ​ഉ​റ​ഞ്ഞു​തു​ള്ളു​മ്പോ​ൾ​ ​ന​മ്മ​ൾ​ ​മി​ണ്ടാ​പ്രാ​ണി​ക​ളാ​യി​ ​ഇ​രി​ക്ക​ണോ​?​ ​ന​മ്മു​ടെ​ ​വാ​യ് ​മൂ​ടി​ക്കെ​ട്ടാ​ൻ​ ​ശ്ര​മി​ച്ചാ​ൽ​ ​ന​ട​ക്കി​ല്ല.​ ​അ​ച്ഛ​നും​ ​മ​ക​നും​ ​മാ​ത്ര​മു​ണ്ടാ​യി​രു​ന്ന​ ​ഒ​റ്റ​പ്പാ​ർ​ട്ടി​യു​ടെ​ ​നേ​താ​വാ​ണ്.​ ​ആ​ർ.​ശ​ങ്ക​റെ​ ​വേ​ട്ട​യാ​ടി​യ​ത് ​ഗ​ണേ​ശ​ന്റെ​ ​അ​ച്ഛ​നെ​പ്പോ​ലെ​യു​ള്ള​ ​ജാ​തി​ക്കോ​മ​ര​ങ്ങ​ളാ​ണ്.​ ​ഈ​ഴ​വ​ ​വി​ഭാ​ഗം​ ​വെ​റും​ ​ത​റ​ക​ളാ​ണെ​ന്നാ​ണ് ​ചി​ല​ ​ത​മ്പ്രാ​ൻ​മാ​രു​ടെ​ ​വി​ചാ​രം.​ ​ചെ​ണ്ട​കൊ​ട്ടു​കാ​ര​നെ​ ​ഉ​ടു​ക്കു​കൊ​ട്ടി​ ​പേ​ടി​പ്പി​ക്കാ​ൻ​ ​നോ​ക്കേ​ണ്ട.​ ​അ​ധി​കാ​ര​വും​ ​അ​വ​കാ​ശ​ങ്ങ​ളും​ ​ഈ​ഴ​വ​നും​ ​അ​ർ​ഹ​ത​പ്പെ​ട്ട​താ​ണ്,​ ​അ​ത് ​ചോ​ദി​ച്ചു​വാ​ങ്ങു​ക​ ​ത​ന്നെ​ ​ചെ​യ്യു​മെ​ന്നും​ ​വെ​ള്ളാ​പ്പ​ള്ളി​ ​പ​റ​ഞ്ഞു.
യോ​ഗം​ ​വൈ​സ് ​പ്ര​സി​ഡ​ന്റ് ​തു​ഷാ​ർ​ ​വെ​ള്ളാ​പ്പ​ള്ളി​ ​സം​ഘ​ട​നാ​ ​സ​ന്ദേ​ശ​വും​ ​ദേ​വ​സ്വം​ ​സെ​ക്ര​ട്ട​റി​ ​അ​ര​യ​ക്ക​ണ്ടി​ ​സ​ന്തോ​ഷ് ​സം​ഘ​ട​നാ​ ​സ​ന്ദേ​ശ​വും​ ​അ​വ​ത​രി​പ്പി​ച്ചു.