സംസ്ഥാന സ്കൂൾ കലോത്സവം: സജ്ജമായി മെഡിക്കൽ ടീം

തിരുവനന്തപുരം: സംസ്ഥാന സ്‌കൂൾ കലോത്സവത്തോടനുബന്ധിച്ച് അടിയന്തര വൈദ്യസഹായത്തിനായി പ്രധാന വേദികളിൽ മെഡിക്കൽ സംഘത്തെ സജ്ജമാക്കി. മറ്റ് വേദികളിൽ ഫസ്റ്റ് എയ്ഡ് ടീമും കനിവ് 108 ആംബുലൻസ് സേവനവുമുണ്ടാകും. മെഡിക്കൽ ടീമിൽ ഡോക്ടർ, നഴ്സിംഗ് ഓഫീസർ, നഴ്സിംഗ് അസിസ്റ്റന്റ്/ ആശുപത്രി അറ്റൻഡന്റ് ഗ്രേഡ് 1 എന്നിവരും ഫസ്റ്റ് എയ്ഡ് ടീമിൽ ജൂനിയർ ഹെൽത്ത് ഇൻസ്‌പെക്ടർ, ജൂനിയർ പബ്ലിക് ഹെൽത്ത് നഴ്സ്, മിഡ് ലെവൽ സർവീസ് പ്രൊവൈഡർ, ആശാ വർക്കർ എന്നിവരുമാണുള്ളത്.

ജില്ലാ മെഡിക്കൽ ഓഫീസിൽ കൺട്രോൾ റൂം

വൈദ്യസഹായം, ആംബുലൻസ്, ജീവനക്കാർ എന്നിവ ഏകോപിപ്പിക്കുന്നതിനായി ജില്ലാ മെഡിക്കൽ ഓഫീസിൽ ആരോഗ്യവകുപ്പിന്റെ കൺട്രോൾ റൂം. നമ്പർ: 9072055900.

 ജനറൽ ആശുപത്രി, ഫോർട്ട് ആശുപത്രി, പേരൂർക്കട ജില്ലാ മാതൃകാ ആശുപത്രി എന്നിവിടങ്ങളിൽ 10 കിടക്കകൾ വീതം. മെഡിക്കൽ കോളേജിലും ആവശ്യമായ ക്രമീകരണങ്ങൾ.

വേദികളിലും കുട്ടികൾ താമസിക്കുന്നയിടങ്ങളിലും പകർച്ചവ്യാധി പ്രതിരോധത്തിന്റെ ഭാഗമായി കോർപ്പറേഷന്റെ ടീം, ആരോഗ്യവകുപ്പിന്റെ ഹെൽത്ത് ഇൻസ്‌പെക്ടർമാർ.

 ഹോട്ടലുകൾ, റെസ്റ്റോറന്റുകൾ, ബേക്കറികൾ, മറ്റ് ഭക്ഷ്യ സ്ഥാപനങ്ങൾ എന്നിവിടങ്ങളിൽ 24 മണിക്കൂറും പ്രത്യേകം ഭക്ഷ്യസുരക്ഷാ പരിശോധന സ്‌ക്വാഡുകൾ. പരാതികളുണ്ടെങ്കിൽ ബന്ധപ്പെടേണ്ട നമ്പർ: 8943346181.

സഞ്ചരിക്കുന്ന ഭക്ഷ്യ സുരക്ഷാ ലബോറട്ടറി.