ജിസ് ജോയി സംവിധാനം ചെയ്യുന്ന പുതിയ ചിത്രത്തിൽ മോഹൻലാലും മഞ്ജു വാര്യരും ഒന്നിക്കുന്നു. സിനിമയെക്കുറിച്ചുള്ള സൂചനങ്ങൾ സംവിധായകൻ ജിസ് ജോയി തന്നെയാണ് തന്റെ ഫേസ് ബുക്ക് പേജിലൂടെ അറിയിച്ചത്. നിർമാണം ആന്റണി പെരുമ്പാവൂരാണ്. സംഗീതം എം ജി ശ്രീകുമാറും.

മോഹൻലാൽ,​ മഞ്ജു വാര്യർ,​ എം ജി ശ്രീകുമാർ,​ ആന്റണി പെരുമ്പാവൂർ എന്നിവർക്കൊപ്പമുള്ള ഫോട്ടോകളാണ് സംവിധായകൻ ഫേസ് ബുക്കിൽ പങ്കുവച്ചിരിക്കുന്നത്. 'പ്ലാൻ എ ഫോർ ത്രീ എം' എന്ന അടിക്കുറിപ്പും നൽകിയിട്ടുണ്ട്. സിനിമയുടെ കൂടുതൽ വിവരങ്ങൾ പുറത്തുവിട്ടിട്ടില്ല. ജിസ് ജോയി സംവിധാനം ചെയ്ത ആദ്യ ചിത്രമാണ് ആസിഫ് അലി നായകനായ 'ബൈസിക്കിള്‍ തീവ്‌സ്'.