സംവിധായകനായി അരങ്ങേറ്റം കുറിക്കാൻ ഉണ്ണി മുകുന്ദൻ; കൈകോർക്കുന്നത് പ്രമുഖ നിർമാണ കമ്പനിയുമായി

കൊച്ചി: സംവിധായകനായി അരങ്ങേറ്റം കുറിക്കാനൊരുങ്ങി നടൻ ഉണ്ണി മുകുന്ദൻ. ദേശീയ പുരസ്‌കാര ജേതാക്കളും നിർമാതാക്കളുമായ കുമാർ മംഗത് പഥക്, അഭിഷേക് പഥക് എന്നിവരുടെ നിർമാണ കമ്പനിയായ പനോരമ സ്റ്റുഡിയോസും ഉണ്ണി മുകുന്ദൻ ഫിലിംസും ചേർന്നാണ് ചിത്രം നിർമിക്കുന്നത്. നടൻ തന്നെയാണ് ചിത്രത്തിന്റെ രചനയും നിർവഹിക്കുന്നത്. ഉണ്ണി മുകുന്ദന്റെ 50-ാമത് ചിത്രം കൂടിയാണിത്.

ഓംകാര, സ്‌പെഷ്യൽ 26, ഷൈത്താൻ, ദൃശ്യം തുടങ്ങി നിരവധി സൂപ്പർഹിറ്റ് ചിത്രങ്ങൾ സമ്മാനിച്ച നിർമാണ കമ്പനിയാണ് പനോരമ സ്റ്റുഡിയോസ്. 50ലധികം പുരസ്കാരങ്ങൾ കരസ്ഥമാക്കിയിട്ടുണ്ട്. അഭിഷേക് പഥക് സംവിധാനം ചെയ്യുന്ന ദൃശ്യം: ദി കൺക്ളൂഷൻ ഒക്‌ടോബർ രണ്ടിന് തിയേറ്ററുകളിലെത്തും.