വീട്ടിൽ പൂച്ച വരുന്നതും ചാകുന്നതും എന്തിന്റെ സൂചന? അവഗണിക്കരുത്

നിരവധി വിശ്വാസങ്ങളുമായി ബന്ധപ്പെട്ടിരിക്കുന്ന ഒരു മൃഗമാണ് പൂച്ച. വീട്ടിൽ പുറത്തുനിന്നുള്ള പൂച്ച വരുന്നതിലും ചത്തു കിടക്കുന്നതിലുമെല്ലാം പല കാരണങ്ങളുണ്ടെന്നാണ് വിശ്വാസം.

• ഇളം നിറമുള്ള പൂച്ച വീട്ടിൽ വന്നുകയറിയാൽ വിവാഹം നടക്കുമെന്നാണ് വിശ്വാസം.
• ഗർഭിണിയായ പൂച്ച വീട്ടിൽ വന്ന് പ്രസവിക്കുന്നത് ഉടൻ മംഗളകർമ്മം നടക്കുമെന്നതിന്റെ സൂചനയാണ്.
• മുറിവേറ്റ പൂച്ച വീട്ടിൽവന്ന് ചാകുന്നത് ദൃഷ്ടിദോഷമോ ഭൂമിക്കേറ്റ ശാപമോ മൂലമാകാം.
• പൂച്ച വീട്ടിൽ വന്ന് ചാകുന്നത് എന്തെങ്കിലും അപകടം നടക്കുന്നതിന്റെ സൂചനയാണ്.
• ഇരുണ്ട നിറത്തിലെ പൂച്ച വീട്ടിൽ വന്നുകയറുന്നത് ദോഷഫലം വർദ്ധിക്കുന്നതിന്റെ സൂചനയാണ്.
• പൂച്ചകൾ വന്നും പോയുമിരിക്കുന്നത് വീട്ടിലെ താമസക്കാരുടെ ആരോഗ്യത്തിൽ ചാഞ്ചാട്ടമുണ്ടാകുമെന്നതിന്റെ സൂചനയാണ്. ഗൃഹനാഥൻ സമ്മർദ്ദത്തിലാകുമെന്നും വിശ്വാസമുണ്ട്.
• വന്നുകയറുന്ന പൂച്ച വീട്ടിലെ പാൽ കട്ടുകുടിക്കുകയാണെങ്കിൽ സാമ്പത്തിക നഷ്ടം നേരിടേണ്ടി വരുമെന്നാണ് വിശ്വാസം.
• പൂച്ച വീട്ടിൽവന്ന് മൂത്രമൊഴിക്കുന്നത് അശുഭകാര്യങ്ങൾ നടക്കുമെന്നതിന്റെ സൂചനയാണ്.
• വീട്ടിൽ വെളുത്ത പൂച്ചയെ വളർത്തിയാൽ സാമ്പത്തിക ഉയർച്ചയുണ്ടാകുമെന്നാണ് വിശ്വാസം.
• കറുത്ത പൂച്ച ഇടത്തുനിന്ന് വലത്തോട്ട് പാത മുറിച്ച് കടക്കുകയാണെങ്കിൽ അത് ദോഷഫലങ്ങൾക്ക് കാരണമായേക്കാം.