മാർക്കോയിലെ സയൻസ് വില്ലൻ ഗംഭീര അരങ്ങേറ്റത്തിൽ ഷമ്മി തിലകന്റെ മകൻ അഭിമന്യു

ഉണ്ണി മുകുന്ദൻ നായകനായ മാർക്കോ സിനിമയിലൂടെ തന്റെ അരങ്ങേറ്റം ഗംഭീരമാക്കിയിരിക്കുകയാണ് നടൻ തിലകന്റെ കൊച്ചുമകനും ഷമ്മി തിലകന്റെ മകനുമായ അഭിമന്യു എസ്. തിലകൻ . ജഗദീഷ് അവതരിപ്പിക്കുന്ന ടോണി ഐസക് എന്ന കഥാപാത്രത്തിന്റെ മകൻ റസൽ എന്ന കഥാപാത്രത്തെയാണ് അഭിമന്യു അവതരിപ്പിക്കുന്നത്. മുത്തച്ഛന്റെയും അച്ഛന്റെയും ശബ്ദഗാംഭീര്യം അഭിമന്യുവിന് ലഭിച്ചിട്ടുണ്ട്.

മാർക്കോ എന്ന ചിത്രത്തിലൂടെ സിനിമാലോകത്തേക്ക് ചുവടുവച്ചത് മറക്കാനാവാത്ത ഒരു യാത്രയാണ്. റസൽ ടോണി ഐസക് എന്ന അക്രമാസക്തവും ക്രൂരവുമായ കഥാപാത്രത്തെ അവതരിപ്പിക്കുന്നത് വെല്ലുവിളി നിറഞ്ഞതായിരുന്നു.

എന്നാൽ നിങ്ങൾ എന്നോടും എന്റെ പ്രകടനത്തോടും കാണിച്ച സ്നേഹത്തിനും അഭിനന്ദനത്തിനും മറുപടികളില്ല. ഞാൻ ഏറ്റെടുക്കുന്ന ഒാരോ റോളിലും എന്റെ ഏറ്റവും മികച്ചത് നൽകുമെന്ന് ഞാൻ വാഗ്ദാനം ചെയ്യുന്നു. ആദ്യ ചിത്രമായതിനാൽ ഇനിയും ഒരുപാട് കാര്യങ്ങൾ പഠിക്കാനുണ്ടെന്ന് എനിക്കറിയാം. അടുത്ത തവണ ഇതിലും മികച്ച രീതിയിൽ തിരിച്ചെത്തുമെന്ന് ഞാൻ വാഗ്ദാനം ചെയ്യുന്നു. നിങ്ങളുടെ സ്നേഹവും പ്രോത്സാഹനവുമാണ് എന്നെ മുന്നോട്ട് നയിക്കുന്നത്.

എന്നെ വിശ്വസിച്ച് ഇത്തരമൊരു മഹത്തായ പദ്ധതിയുടെ ഭാഗമാകാൻ ഈ അവസരം തന്നതിന് ഉണ്ണിമുകുന്ദനും ഷെരീഫ് മുഹമ്മദിനും ഹനീഫ് അദേനിക്കും മാർക്കോ ടീമിനും നന്ദി പറയുന്നു. നിങ്ങളുടെ നിരന്തരമായ പിന്തുണയ്ക്കും സ്നേഹത്തിനും ഹൃദയത്തിന്റെ അടിത്തട്ടിൽനിന്ന് നന്ദി അഭിമന്യു സമൂഹമാധ്യമങ്ങളിൽ കുറിച്ചു.