ബെസ്റ്റിയെ കണ്ടെത്താൻ ബീച്ചിൽ കറങ്ങി താരങ്ങൾ

ആരാണ് 'ബെസ്റ്റി'? ആരാന്റെ ചോറ്റുപാത്രത്തിൽ കയ്യിട്ടുവാരുന്ന ആളാണെന്ന് ഒരു കൂട്ടർ. ജീവിതത്തിൽ ഒരു ബെസ്റ്റി ഉണ്ടെങ്കിൽ വലിയ സമാധാനമാണെന്ന് മറ്റുചിലർ. അച്ഛനും അമ്മയുമാണ് ഏറ്റവും വലിയ ബെസ്റ്റികളെന്ന് കുറച്ചുപേർ. രസികൻ ഉത്തരങ്ങൾ കേട്ട് കയ്യടിച്ചത് സാക്ഷാൽതാരങ്ങൾ ! 'ബെസ്റ്റി' സിനിമയുടെ പ്രചരണാർത്ഥം കോഴിക്കോട് ബീച്ചിലേക്ക് മൈക്കുമായി ഇറങ്ങിയത് സിനിമയിലെ താരങ്ങളായ ഷഹീൻ സിദ്ധിക്കും ശ്രവണയുമായിരുന്നു. ആട്ടവും പാട്ടും താളമേളങ്ങളുമായി ബീച്ചിൽ ആഘോഷത്തിൽഏർപ്പെട്ടവർ താരങ്ങളെ കണ്ട് ഞെട്ടി. അവരുടെ മുന്നിൽ താരങ്ങൾക്ക് ചോദിക്കാൻ ഉണ്ടായിരുന്ന ഒരു ചോദ്യമായിരുന്നു - ആരാണ് ബെസ്റ്റി ?
ഉത്തരം പറഞ്ഞവർക്ക് കൈ നിറയെ സമ്മാനങ്ങളും നൽകി. ബെൻസി പ്രൊഡക്ഷൻസിന്റെ ബാനറിൽ കെ വി അബ്ദുൾ നാസർ നിർമ്മിച്ച് ഷാനു സമദ് സംവിധാനം ചെയ്ത ബെസ്റ്രി ജനുവരി 24 ന് റിലീസ് ചെയ്യും.
അഷ്‌കർ സൗദാൻ, സുരേഷ് കൃഷ്ണ, സാക്ഷി അഗർവാൾ , അബു സലിം, ഹരീഷ് കണാരൻ, നിർമ്മൽ പാലാഴി,സുധീർ കരമന, ജോയ് മാത്യു, ജാഫർ ഇടുക്കി, ഗോകുലൻ, സാദിഖ്, ഉണ്ണി രാജ, നസീർ സംക്രാന്തി, അപ്പുണ്ണി ശശി, സോന നായർ, മെറിന മൈക്കിൾ തുടങ്ങിയവരാണ് മറ്റ് താരങ്ങൾ . ജോൺകുട്ടി എഡിറ്റിംഗും ജിജു സണ്ണി ക്യാമറയും എം .ആർ രാജാകൃഷ്ണൻ സൗണ്ട് ഡിസൈനിംഗും ഫീനിക്‌സ് പ്രഭു സംഘട്ടനവും നിർവഹിക്കുന്നു . സൗഹൃദത്തിനും പ്രണയത്തിനും പ്രാധാന്യം നൽകി കുടുംബ പശ്ചാത്തലത്തിൽ നിർമ്മിച്ച ചിത്രം കളർഫുൾ എന്റർടെയ്നാറായി എത്തുന്നു. വിതരണം ബെൻസി റിലീസ്.