മുണ്ടും നേര്യതും ധരിച്ച് ഗ്ലാമർ ലുക്കിൽ രജീഷ വിജയൻ; വൈറലായി പുതിയ ഫോട്ടോഷൂട്ട്‌

അനുരാഗ കരിക്കിൻ വെള്ളം, ജൂൺ, മസ്തിഷ്‌ക മരണംഎന്നീ ചിത്രങ്ങളിലെ അഭിനയത്തിലൂടെ മലയാളി പ്രേക്ഷകർക്ക് സുപരിചിതയായ നടിയാണ് രജീഷ വിജയൻ. ആദ്യ സിനിമയിലൂടെ തന്നെ മലയാളികളുടെ മനം കവരാൻ താരത്തിന് സാധിച്ചു. ഇപ്പോഴിതാ രജീഷയുടെ ബോൾഡായ പുതിയ ഫോട്ടോഷൂട്ട് ചിത്രങ്ങളാണ് സോഷ്യൽ മീഡിയയിൽ ശ്രദ്ധ നേടുന്നത്. കേരളത്തിലെ പരമ്പരാഗത വേഷത്തിന്റെ ഭംഗിക്കൊപ്പം ഗ്ലാമർ ലുക്കിൽ പ്രത്യക്ഷപ്പെടുന്ന ചിത്രങ്ങളാണ് താരം ഫേസ്ബുക്കിൽ പങ്കുവച്ചിരിക്കുന്നത്.

മുണ്ടും നേര്യതും ധരിച്ച വേഷത്തിൽ പരമ്പരാഗത സൗന്ദര്യവും മോഡേൺ ഗ്ലാമർ ടച്ചും ഒരുമിപ്പിച്ചാണ് താരം ചിത്രങ്ങളിൽ പ്രത്യക്ഷപ്പെടുന്നത്. വലിയ കമ്മലുകളും നീണ്ട മുടിയും ലുക്കിന് കൂടുതൽ ഭംഗി നൽകുന്നു. പച്ചപ്പാർന്ന പ്രകൃതിയുടെ പശ്ചാത്തലത്തിലാണ് ഫോട്ടോഷൂട്ട് ഒരുക്കിയിരിക്കുന്നത്. മരച്ചുവട്ടിൽ വിവിധ പോസുകളിൽ നിൽക്കുന്ന താരത്തിന്റെ ചിത്രങ്ങളിൽ പ്രകൃതിദത്തമായ വെളിച്ചവും പശ്ചാത്തലവും പ്രത്യേക ദൃശ്യ ഭംഗിയും സൃഷ്ടിക്കുന്നുണ്ട്.

ക്യാമറയിലേക്ക് നേരിട്ട് നോക്കാതെയുള്ള പോസുകളാണ് ഓരോ ചിത്രങ്ങളുടെയും മറ്റൊരു പ്രത്യേകത. മുകളിലേക്ക് നോക്കുന്ന ഭാവത്തിലും മരക്കൊമ്പിൽ കൈവച്ചുള്ള പോസിലുമെല്ലാം താരം പ്രത്യക്ഷപ്പെടുന്നു. മിനിമൽ മേക്കപ്പും സ്വാഭാവിക മുഖഭാവവും ചിത്രങ്ങൾക്ക് കൂടുതൽ ആകർഷണം നൽകുന്നു. സിനിമയിലെ കഥാപാത്രങ്ങളിൽ നിന്ന് വ്യത്യസ്തമായ ഗ്ലാമർ ലുക്കിൽ രജീഷയെ കണ്ടതിന്റെ കൗതുകത്തിലാണ് ആരാധകർ. ചിത്രങ്ങൾ സോഷ്യൽ മീഡിയയിൽ എത്തിയതോടെ നിരവധി പേരാണ് താരത്തിന്റെ പുതിയ ലുക്കിനെ പ്രശംസിച്ച് രംഗത്തെത്തിയത്.