വിഭാഗീയതയുടെ തീ കെട്ടു;  അടിത്തട്ടിൽ കനലുകൾ

കൊ​ല്ലം: പ്ര​ത്യ​യ​ശാ​സ്​ത്ര വി​ഭാ​ഗീ​യ​ത​യ്​ക്ക് ആ​ദ്യ വി​ത്തു​വീ​ണ കൊ​ല്ല​ത്താ​ണ് ഇ​ത്ത​വ​ണ സി.പി.എം സം​സ്ഥാ​ന സ​മ്മേ​ള​നം. 30 വർ​ഷ​ങ്ങൾ​ക്കി​പ്പു​റം വി​ഭാ​ഗീയത പൂർ​ണ​മാ​യും അ​ണ​ഞ്ഞെ​ന്ന് പാർ​ട്ടി നേ​തൃ​ത്വം അ​വ​കാ​ശ​പ്പെ​ടു​മ്പോ​ഴും അ​തൃ​പ്​ത​രാ​യ നേ​താ​ക്കൾ ഉയർത്തുന്ന വെ​ല്ലു​വി​ളി​ക​ളും അ​ടി​ത്ത​ട്ടി​ലെ പൊ​ട്ടി​ത്തെ​റി​ക​ളു​മാ​ണ് ഇ​പ്പോൾ പാർ​ട്ടി​ക്ക് ത​ല​വേ​ദ​ന. രണ്ട് ടേം നി​ബ​ന്ധ​ന​യിൽ മത്സരിക്കാൻ അവസരം ന​ഷ്ട​പ്പെ​ട്ട ജി.സു​ധാ​ക​ര​നും തോ​മ​സ് ഐ​സക്കും ആരോഗ്യമന്ത്രിയെന്ന നിലയിൽ പേരെടുത്തിട്ടും തുടർഭരണത്തിൽ മാറ്റിനിറുത്തപ്പെട്ട കെ.കെ.ശെ​​ല​ജ​യും ഒ​തു​ക്ക​പ്പെ​ട്ട മു​തിർ​ന്ന നേ​താ​വ് പി.ജ​യ​രാ​ജ​നു​മൊ​ക്കെ നി​ല​വിൽ ഏ​റെ​ക്കു​റേ നി​ശ​ബ്ദ​രാ​ണ്. കീ​ഴ്​ഘ​ട​ക​ങ്ങ​ളിൽ പ്രാ​ദേ​ശി​ക നേ​താ​ക്കൾ​ക്കെ​തി​രെ അ​ഴി​മ​തി​യും സാ​മ്പ​ത്തി​ക ക്ര​മ​ക്കേ​ടും മാ​ഫി​യാ ബ​ന്ധ​വും അ​ട​ക്ക​മു​ള്ള ആ​രോ​പ​ണ​ങ്ങൾ പ​ര​സ്യ മു​ദ്രാ​വാ​ക്യ​ങ്ങ​ളാ​യി ഉ​യ​രു​ന്നു. ശ​ക്തി​കേ​ന്ദ്ര​ങ്ങ​ളാ​യ തി​രു​വ​ന​ന്ത​പു​രം, പാ​ല​ക്കാ​ട്, ആ​ല​പ്പു​ഴ, കോ​ഴി​ക്കോ​ട്, ക​ണ്ണൂർ ജി​ല്ല​ക​ളി​ലാ​ണ് പ്ര​ശ്‌​ന​ങ്ങൾ. വ്യ​ക്തി​ക​ളെ കേ​ന്ദ്രീ​ക​രി​ച്ചു​ള്ള വി​ഭാ​ഗീ​യ പ്ര​വർ​ത്ത​ന​ങ്ങൾ​ക്ക് താ​ക്കീ​തു​ണ്ടാ​കും. വി.എ​സ്- പി​ണ​റാ​യി പോ​രു​പോ​ലെ സം​ഘ​ടി​ത ​സ്വ​ഭാ​വ​ത്തി​ല​ല്ല ഇ​പ്പോ​ഴ​ത്തെ പ്ര​ശ്‌​ന​ങ്ങ​ളെ​ങ്കി​ലും അ​ച്ച​ട​ക്ക​ത്തി​ന്റെ വാ​ളു​യർ​ത്തി അ​ടി​ച്ച​മർ​ത്താ​നാ​ണ് നേ​തൃ​ത്വ​ത്തി​ന്റെ തീ​രു​മാ​നം.

തീ​പ്പൊ​രി വീ​ണ കൊ​ല്ലം
വി​ഭാ​ഗീ​യ​ത​യെ തു​ടർ​ന്ന് സം​സ്ഥാ​ന ക​മ്മി​റ്റി​യി​ലേ​ക്ക് മ​ത്സ​രം​ ന​ട​ന്ന ച​രി​ത്ര​മു​ണ്ട് കൊ​ല്ല​ത്തി​ന്. പാർ​ട്ടി​യിൽ മോ​ധാ​വി​ത്വം സ്ഥാ​പി​ച്ച സി.ഐ.ടി.യു​ പ​ക്ഷ​ത്തി​നെ​തി​രെ വി.എ​സ് വി​ഭാ​ഗം ആ​ദ്യ​മാ​യി ര​ണ്ടും ​കൽ​പ്പി​ച്ചി​റ​ങ്ങി​യ​ത് 1995​ലെ കൊ​ല്ലം സ​മ്മേ​ള​ന​ത്തിൽ. ഔ​ദ്യോ​ഗി​ക പാ​ന​ലിൽ ഉൾ​പ്പെ​ട്ടി​രു​ന്ന സി.ഐ.ടി.യു സം​സ്ഥാ​ന സെ​ക്ര​ട്ട​റി എൻ.പ​ത്മ​ലോ​ച​ന​നെ തോൽ​പ്പി​ച്ച് വി.എ​സ് പ​ക്ഷ​ത്തെ പി.രാ​ജേ​ന്ദ്രൻ സം​സ്ഥാ​ന ക​മ്മി​റ്റി​യി​ലെ​ത്തി.

തു​ടർ​ന്ന് 96​ലെ നി​യ​മ​സ​ഭാ തി​ര​ഞ്ഞെ​ടു​പ്പിൽ വി.എ​സ് ഇ​ട​തു​ കോ​ട്ട​യാ​യ മാ​രാ​രി​ക്കു​ള​ത്ത് തോ​റ്റു. ഇ​തോ​ടെ വി​ഭാ​ഗീ​യ​ത ആ​ളി​പ്പ​ടർ​ന്നു. 98​ൽ പാ​ല​ക്കാ​ട് സ​മ്മേ​ള​ന​ത്തിൽ വി.എ​സ് ​പക്ഷം ക​രു​ത്ത് കാ​ട്ടി സി.ഐ.ടി.യു നേ​താ​ക്ക​ളെ വെ​ട്ടി​നി​ര​ത്തി. പാ​ല​ക്കാ​ട് സ​മ്മേ​ള​ന​ത്തിൽ വി.എ​സി​നെ പി​ന്തു​ണ​യ്​ക്കു​ന്ന ച​ട​യൻ​ ഗോ​വി​ന്ദ​നും അ​ദ്ദേ​ഹ​ത്തി​ന്റെ വി​യോ​ഗ​ത്തെ തു​ടർ​ന്ന് വി.എ​സി​ന്റെ പി​ന്തു​ണ​യോ​ടെ പി​ണ​റാ​യി വി​ജ​യ​നും സെ​ക്ര​ട്ട​റി പ​ദ​ത്തി​ലെ​ത്തി. മ​ല​മ്പു​ഴ​യിൽ ജ​യി​ച്ച് പ്ര​തി​പ​ക്ഷ നേ​താ​വാ​യ​പ്പോൾ ജ​ന​കീ​യ വി​ഷ​യ​ങ്ങ​ളി​ലെ ഇ​ട​പെ​ട​ലു​ക​ളി​ലൂ​ടെ പു​തി​യൊ​രു പ്ര​തി​ഛാ​യ സൃ​ഷ്ടി​ച്ച് പാർ​ട്ടി​ നേതൃത്വത്തെ അ​വ​ഗ​ണി​ച്ച് മു​ന്നോ​ട്ടു​പോ​യ വി.എ​സു​മാ​യി പി​ണ​റാ​യി ഇ​ട​ഞ്ഞ​ത് വ​ലി​യ​ തർ​ക്ക​ങ്ങൾ​ക്ക് വ​ഴി​വ​ച്ചു. 2005​ലെ മ​ല​പ്പു​റം സ​മ്മേ​ള​ന​ത്തിൽ വി.എ​സ് പ​ക്ഷ​ത്തി​ന്റെ മ​ത്സ​രം ക​ന​ത്ത തോൽ​വി​യി​ലേ​ക്ക് ന​യി​ച്ചു. ക്ര​മേ​ണ വി.എ​സ് പാർ​ട്ടി​യിൽ ദുർ​ബ​ല​നാ​വുക​യും പി​ണ​റാ​യി സ​മ​ഗ്രാ​ധി​പ​ത്യം നേ​ടു​ക​യും ചെ​യ്​തു.

കീ​ഴ്​ഘ​ട​ക​ങ്ങ​ളി​ലെ പൊ​ട്ടി​ത്തെ​റി​കൾ
ഇ​ത്ത​വ​ണ സം​സ്ഥാ​ന​ത്ത് പ​ല ജി​ല്ല​ക​ളി​ലും കീ​ഴ്​ഘ​ട​ക​ങ്ങ​ളി​ലു​ണ്ടാ​യ പ്ര​ശ്‌​നം പ​രി​ഹ​രി​ക്കാൻ സം​സ്ഥാ​ന സെ​ക്ര​ട്ട​റി എം.വി.ഗോ​വി​ന്ദ​ന് നേ​രി​ട്ടി​ട​പെ​ടേ​ണ്ടി വ​ന്നു. ലോ​ക്കൽ ക​മ്മി​റ്റി പ്ര​ശ്‌​ന​ങ്ങൾ പ​റ​ഞ്ഞു തീർ​ക്കാൻ സം​സ്ഥാ​ന ​സെ​ക്ര​ട്ട​റി നേ​രി​ട്ടു വ​രു​ന്ന​ത് സി.പി.എ​മ്മിൽ അ​പൂർ​വ​മാ​ണ്. സം​സ്ഥാ​ന സ​മ്മേ​ള​ന​ത്തി​ന് വേ​ദി​യാ​വു​ന്ന കൊ​ല്ലം ജി​ല്ല​യി​ലെ ക​രു​നാ​ഗ​പ്പ​ള്ളി​യിൽ ഏ​രി​യാ ക​മ്മി​റ്റി പി​രി​ച്ചു​വി​ടേ​ണ്ടി വ​ന്നു.