അഞ്ച് ദിവസം 73 കോടി: നേട്ടം കൊയ്ത് സപ്ലൈകോ

കൊച്ചി: ഓണത്തോടനുബന്ധിച്ചുള്ള ജില്ലാ ഫെയറുകൾ ആരംഭിച്ച ആഗസ്റ്റ് 25 മുതൽ 29 വരെ സപ്ലൈകോ നേടിയത് 73 കോടിയിലധികം രൂപയുടെ വിറ്റുവരവ്. ജില്ലാ ഫെയറുകളിൽ നിന്നു മാത്രമുള്ള വിറ്റു വരവ് രണ്ടു കോടിയിലേറെ. ഈ ദിവസങ്ങളിൽ 10 ലക്ഷത്തിലധികം ഉപഭോക്താക്കൾ സപ്ലൈകോ വില്പനശാലകൾ സന്ദർശിച്ചു. ആഗസ്റ്റ് മാസത്തിൽ 29വരെ 270 കോടിയുടെ വിറ്റുവരവുണ്ടായി.
ഇതിൽ 125 കോടി സബ്‌സിഡി ഇനങ്ങളുടെ വിൽപ്പന വഴിയാണ്. ഈ മാസം 42 ലക്ഷം ഉപഭോക്താക്കൾ സപ്ലൈകോയെ ആശ്രയിച്ചു. ആഗസ്റ്റ് 25, 26 തീയതികളിലാണ് ജില്ലാ ഓണം ഫെയറുകൾ ആരംഭിച്ചത്.

ഞായറാഴ്ച പ്രവർത്തിക്കും

സപ്ലൈകോ വില്പനശാലകളും ഓണച്ചന്തകളും ഞായറാഴ്ചയും (ആഗസ്റ്റ് 31) ഉത്രാട ദിനത്തിലും (സെപ്തംബർ 4) പ്രവർത്തിക്കും.